ଜୀବନରେ ସମସ୍ତେ ଚାହାନ୍ତି ଯେ ତାଙ୍କ ଘର ଧନଧାନ୍ୟରେ ପରିପୂର୍ଣ୍ଣ ହେଉ। ମା’ ଲକ୍ଷ୍ମୀଙ୍କ କୃପା ସର୍ବଦା ବରସୁଥାଉ। ଏଥିଲାଗି ସମସ୍ତେ କଠିନ ପରିଶ୍ରମ କରିଥାନ୍ତି। ହେଲେ ଅନେକ ଥର କିଛି ଲୋକଙ୍କ ଦ୍ୱାର ମୁହଁରୁ ଲକ୍ଷ୍ମୀ ଫେରି ପଳାଇଥାନ୍ତି। ଏଥିଲାଗି ତାଙ୍କ ଘରେ ଆର୍ଥିକ ସମସ୍ୟା ଲାଗି ରହିଥାଏ। ଆସନ୍ତୁ ଜାଣିବା କେଉଁ କାରଣରୁ ମା’ ଲକ୍ଷ୍ମୀ ଖପ୍ପା ହୋଇ ଦ୍ୱାର ମୁହଁରୁ ଫେରି ପଳାଇଥାନ୍ତି…
-ଧାର୍ମିକ ମାନ୍ୟତା ଅନୁଯାୟୀ ଯେଉଁ ସ୍ଥାନରେ ସ୍ବଚ୍ଛତା ଏବଂ ପବିତ୍ରତା ଥଏ ସେଠାରେ ଲକ୍ଷ୍ମୀ ବାସ କରିଥାନ୍ତି। ଅପରପକ୍ଷେ ଯେଉଁ ଘର ଅପରିଷ୍କାର ଥାଏ ସେଠାରୁ ଲକ୍ଷ୍ମୀ ଫେରି ଯାଇଛନ୍ତି।
-ଜ୍ୟୋତିଷ ଶାସ୍ତ୍ର ଅନୁଯାୟୀ ଧନ ଧାନ୍ୟ କାମନା କଲେ ଭୁଲ୍ରେ ବି ଶୁକ୍ରବାର ଦିନ ଘରୁ ଚିନି, ରୂପା ଦାନ କରିବା ଉଚିତ ନୁହେଁ।
– ହିନ୍ଦୁ ମାନ୍ୟତାନୁଯାୟୀ ଦିନ ଏବଂ ସନ୍ଧ୍ୟା ସମୟରେ ଶୋଉଥିବା ଲୋକଙ୍କ ଘରୁ ଲକ୍ଷ୍ମୀ ରୁଷ୍ଟ ହୋଇ ଚାଲିଯାଇଥାନ୍ତି।
– ଯେଉଁ ଘରେ ସ୍ତ୍ରୀଙ୍କୁ ସମ୍ମାନ ଦିଆଯାଏନାହିଁ ସେଠାରୁ ଲକ୍ଷ୍ମୀ ଚାଲିଯାଇଥାନ୍ତି।
-ଯେଉଁ ଘରେ କଥା କଥାକେ ଝଗଡ଼ା ହୋଇଥାଏ, ଲୋକମାନେ ପରସ୍ପରକୁ ଅପଶବ୍ଦ କହିଥାନ୍ତି, ସେହି ଘରୁ ଲକ୍ଷ୍ମୀ ଫେରିଯାଇଥାନ୍ତି।
-ଯେଉଁ ଲୋକମାନେ ସଫାସୁତୁରା ପୋଷାକ ପିନ୍ଧନ୍ତି ନାହିଁ, ସର୍ବଦା ଅପରିଷ୍କାର ବାସନ ରାତିରେ ରୋଷେଇ ଘରେ ରଖିଥାନ୍ତି ସେମାନଙ୍କ ଘରେ ଲକ୍ଷ୍ମୀ ବସବାସ କରନ୍ତି ନାହିଁ।
-ହିନ୍ଦୁ ମାନ୍ୟତା ଅନୁଯାୟୀ ଯେଉଁ ଘରେ ଖାଇବା ଏବଂ ପାଣି ବରବାଦ ହୋଇଥାଏ, ସେଠାରୁ ଧନର ଦେବୀ ଖପ୍ପା ହୋଇ ଚାଲି ଯାଇଥାନ୍ତି।
