‘ଆମ ଜମି ଆମକୁ ଫେରାଅ’

ଯାଜପୁର ଅଫିସ,୧୭।୫ : ଯେତେ ନୀତିନିୟମ ଉଲ୍ଲଂଘନ କଲେ ବି ଶିଳ୍ପ, କଳ କାରଖାନା କର୍ତ୍ତୃପକ୍ଷଙ୍କ ପ୍ରତି ସରକାର ଯେ, ସହାନୁଭୂତିଶୀଳ ଏକଥା ମେସ୍କୋ ଷ୍ଟିଲ କାରଖାନା କ୍ଷେତ୍ରରେ ଦେଖିବାକୁ ମିଳୁଛି । ଦୀର୍ଘ ୪ ବର୍ଷ ହେଲା କଳିଙ୍ଗନଗର ଶିଳ୍ପାଞ୍ଚଳରେ ପ୍ରଥମକରି ପାଦ ରଖିଥିବା ଏହି କମ୍ପାନୀ ନିଜର ସ୍ବାର୍ଥକୁ ଗୁରୁତ୍ୱ ଦେଇ ଜମିହରା, ଶ୍ରମିକ ଓ କର୍ମଚାରୀଙ୍କ ସମସ୍ୟାକୁ ଝୁଲାଇ ରଖିବା ଚିରାଚରିତ ଅଭ୍ୟାସରେ ପରିଣତ ହୋଇଛି ବୋଲି ଅଭିଯୋଗ ହୋଇଛି। ନବେ ଦଶକରୁ କମ୍ପାନୀ ମାଲିକ ଯେତେ ଲାଭ ଉଠାଇଛନ୍ତି ତା’ ପଛରେ ପରିଚାଳନା କର୍ତ୍ତୃପକ୍ଷ ଓ ଅଧିକାରୀ-କର୍ମଚାରୀଙ୍କ ଯେତିକି ଶ୍ରେୟ ରହିଛି ତା’ଠାରୁ ଢେର ଅଧିକ ବିସ୍ଥାପିତ ପରିବାରଙ୍କ ରହିଛି । କିନ୍ତୁ ବିସ୍ଥାପିତଙ୍କ ଥଇଥାନ ସମସ୍ୟା ଉପରେ କମ୍ପାନୀ ବେଖାତିର କରି ଚାଲିଛନ୍ତି। ଯାଜପୁର ଜିଲା ସୁକିନ୍ଦା ତହସିଲ ଅନ୍ତର୍ଗତ ଖୁରୁଣ୍ଟି ମୌଜାର ସିଆରିଆ ଗ୍ରାମର ୧୯.୬ ଏକର ଜମି ଅଧିଗ୍ରହଣ କରି କମ୍ପାନୀ କର୍ତ୍ତୃପକ୍ଷ କୌଣସି କାମରେ ନ ଲଗାଇବାରୁ କ୍ଷତିଗ୍ରସ୍ତ ପ୍ରଜା ସବୁକ୍ଷେତ୍ରରେ ଅବହେଳାର ଶିକାର ହୋଇଛନ୍ତି। ତେଣୁ କ୍ଷତିଗ୍ରସ୍ତ ପ୍ରଜା ତାଙ୍କର ଜମି ଫେରାଇ ଦେବାକୁ ଜିଲାପାଳଙ୍କ ସମେତ ମୁଖ୍ୟମନ୍ତ୍ରୀଙ୍କ ଦୃଷ୍ଟି ଆକର୍ଷଣ କରିଛନ୍ତି।
ଶିଳ୍ପାୟନ ନାମରେ ଯାଜପୁର ଜିଲାରେ ଚାଲିଛି ଶିଳ୍ପସଂସ୍ଥା ରାଜ । ଏଥିରେ ଓଡ଼ିଶା ସରକାରଙ୍କ ଇଡ୍‌କୋ ସଂସ୍ଥା ମଧ୍ୟସ୍ଥି ସାଜିଥିବା ପରିଲକ୍ଷିତ ହେଉଛି । କାରଖାନା ପ୍ରତିଷ୍ଠା ପାଇଁ ଶିଳ୍ପପତିମାନେ ଭୂଅର୍ଜନ ସକାଶେ ଇଡ୍‌କୋ ଜରିଆରେ ଦରଖାସ୍ତ କରୁଛନ୍ତି, ଭୂଅର୍ଜନ ଆଇନରେ ବିଜ୍ଞପ୍ତି ଜାରି କରାଇ ସଂପୃକ୍ତ ଜମିର ବିକ୍ରିବଟା, ବନ୍ଧକରୁ ରୟତଙ୍କୁ ବର୍ଷ ବର୍ଷ ଧରି ବଞ୍ଚିତ କରାଉଛନ୍ତି । ସେଥିପାଇଁ ଘରେ କିଏ ବେମାର ପଡିଲେ ଭୂସମ୍ପତ୍ତି ଥାଇ ସୁଦ୍ଧା ରୟତ ଟଙ୍କା ଯୋଗାଡ଼ରେ ବାରଦୁଆର ହେଉଛନ୍ତି । ପିଲାଙ୍କ ପାଠପଢା, ବିବାହ ଅଟକି ଯାଉଛି । ଜମି ଅଧିଗ୍ରହଣ ପ୍ରକ୍ରିୟାକୁ ତ୍ୱରାନ୍ବିତ କରିବା ପାଇଁ ଉପରୁ ପଡୁଥିବା ଚାପ ଯୋଗୁ ରାଜସ୍ବ ପ୍ରଶାସନ ଦିନରାତି ଏକ କରି ଦେଉଛନ୍ତି । ଜମିର ମୂଲ୍ୟାୟନ ଶାଗମାଛ ଦର ଭଳି ହେଲେ ଭୂଅର୍ଜନ ପ୍ରକ୍ରିୟା ସୁରୁଖୁରୁରେ ହୋଇଯାଉଛି । ଯଦି ଜମିର ମୂଲ୍ୟାୟନରେ ରୟତଙ୍କୁ ନ୍ୟାୟ କରାଗଲା କଥା ସରିଲା । ବର୍ଷ ବର୍ଷ ଧରି ରୟତଙ୍କୁ ଆର୍ଥିକ ଅନଟନରେ ପକାଇ ପ୍ରଶାସନକୁ ଖଟାଇ ହଠାତ୍‌ ଶିଳ୍ପପତି ଭୂଅର୍ଜନ ଦରଖାସ୍ତ ପ୍ରତ୍ୟାହାର କରି ନେଉଛନ୍ତି । ଜିଲାରେ ପ୍ରତିଷ୍ଠିତ ମେସ୍କୋ ଶିଳ୍ପ ସଂସ୍ଥା ନିକଟରେ ଏଭଳି କରିଛନ୍ତି । ଅଭିଯୋଗ ଅନୁସାରେ ୧୯୯୨ରେ ରାଜ୍ୟ ସରକାର ମେସ୍କୋ ଷ୍ଟିଲ ନାମରେ ଜମି ଅଧିଗ୍ରହଣ କରିବାକୁ ବିଜ୍ଞପ୍ତି ପ୍ରକାଶ କରିଥିଲେ। ଏହାପରେ ପ୍ରଜାଙ୍କଠାରୁ ନାମକୁ ମାତ୍ର ଦରରେ ଜମି ଅଧିଗ୍ରହଣ କରାଯାଇଥିଲା। ଜମି ହରାଇଥିବା ସମସ୍ତ ପ୍ରଜାଙ୍କୁ ସେତେବେଳେ ନିଯୁକ୍ତି ସହ ଅନ୍ୟାନ୍ୟ ଥଇଥାନ କରିବାକୁ ପ୍ରତିଶ୍ରୁତି ମିଳିଥିଲା। ତେବେ ମେସ୍କୋ ଷ୍ଟିଲ କାରଖାନା ପ୍ରତିଷ୍ଠା ପରେ ୯୫ ବାସଚ୍ୟୁତ ପରିବାରଙ୍କ ମଧ୍ୟରୁ ୭୬ ଜଣଙ୍କୁ ନିଯୁକ୍ତି ମିଳିଥିଲା। ବାକି ୧୯ ଜଣ ବାସଚ୍ୟୁତ ନିଯୁକ୍ତିରୁ ବଞ୍ଚିତ ହୋଇଥିଲେ। ଏହାବାଦ୍‌ ବିଭିନ୍ନ ସମୟରେ ମେସ୍କୋ ଷ୍ଟିଲ ବନ୍ଦ ହେବା ସହ ନିୟମିତ ଭାବେ କର୍ମଚାରୀମାନେ ଦରମା ପାଉ ନ ଥିଲେ। ଗତ ୪ ବର୍ଷ ହେବ ମେସ୍କୋ ଷ୍ଟିଲ କାରଖାନା ସମ୍ପୂର୍ଣ୍ଣ ବନ୍ଦ ହେବା ଫଳରେ କର୍ମଚାରୀମାନେ ଦୁର୍ଦ୍ଦିନରେ କାଳାତିପାତ କରୁଛନ୍ତି। ବାସଚ୍ୟୁତ ପରିବାରଙ୍କ ମୂଲ୍ୟବାନ ଜମି ସହ ସମ୍ପତ୍ତି, ଘର, ଗଛ ଆଦି ଚାଲିଯାଇଥିବାବେଳେ ଏବେ ନିଯୁକ୍ତି ନ ପାଇ ଭୋକ ଉପାସରେ କାଳତିପାତ କରୁଛନ୍ତି। ଏବେ ପୁଣି ଖାଲି ପଡିଥିବା ଉକ୍ତ ଜମିକୁ ମୂଳ ଜମି ମାଲିକଙ୍କ ଅଜାଣତରେ ଅନ୍ୟ କେତେକ ସଂସ୍ଥାକୁ ବିକ୍ରୀ କରାଯାଉଛି। ତେଣୁ ଅସଲି ମାଲିକଙ୍କୁ ଉକ୍ତ ଜମି ଫେରାଇ ଦେବାକୁ ଜମିହରା ପରିବାର ନିବେଦନ କରିଛନ୍ତି। ଜମିହରା ପରିବାରଙ୍କ ମଧ୍ୟରୁ ଅନେକ ପରିବାର ପ୍ରତିପୋଷଣ ପାଇଁ ବାହାରକୁ କାମଧନ୍ଦା ଅନ୍ବେଷଣରେ ଯିବାକୁ ବାଧ୍ୟ ହୋଇଛନ୍ତି ା ବିକାଶର ଏକମାତ୍ର ଆଧାର ଭାବେ ଗ୍ରହଣ କରି ସରକାର ଶିଳ୍ପାୟନକୁ ଯେଭଳି ପ୍ରେତ୍ସାହିତ କରୁଛନ୍ତି ତା’ଦ୍ୱାରା କୃଷି ଓ କୃଷକଙ୍କ କିପରି ବିନାଶ ସାଧିତ ହୋଇଛି ତାହାର ଜ୍ୱଳନ୍ତ ଉଦାହରଣ ସାଇରିଆ ଗ୍ରାମରେ ଦେଖିବାକୁ ମିଳିଛି ା ସିଆରିଆ ବିସ୍ଥାପିତ ପରିବାରଙ୍କ ମଧ୍ୟରୁ ଶେଖ ଅବୁସୁଫିଆନ, ଶେଖ ମକସୁଦ, ଶେଖ୍‌ ମୁରସଲିମ ପ୍ରମୁଖ କହିଛନ୍ତି, ଜିଲା ପ୍ରଶାସନ ମଧ୍ୟ ଲୋକଙ୍କ ହାରିଗୁହାରି ନ ଶୁଣି କେବଳ କମ୍ପାନୀବାଲାଙ୍କ ସହାୟକ ହୋଇଛି। ତାହା ବିଡମ୍ବନା ଛଡା ଆଉ କିଛି ନୁହଁ । ଅସଲି ଜମି ମାଲିକମାନେ ତାଙ୍କ ଜମି ଫେରି ପାଇଲେ ପୁଣି ଚାଷବାସ କରି ପରିବାର ପ୍ରତିପୋଷଣ କରି ପାରିବେ। ତେଣୁ ସେମାନେ ମୁଖ୍ୟମନ୍ତ୍ରୀଙ୍କ ଦୃଷ୍ଟି ଆକର୍ଷଣ କରିଛନ୍ତି। ଏ ସଂକ୍ରାନ୍ତରେ କଳିଙ୍ଗନଗର ଅତିରିକ୍ତ ଜିଲାପାଳ ସନ୍ତୋଷ କୁମାର ମିଶ୍ରଙ୍କୁ ପଚାରିବାରେ ସେ କହିଛନ୍ତି, ଯେଉଁ ନୂତନ କମ୍ପାନୀଗୁଡିକୁ ଉକ୍ତ ଜମି ବଣ୍ଟନ କରାଯାଉଛି ସେମାନଙ୍କ ଜରିଆରେ କ୍ଷତିଗ୍ରସ୍ତ ପ୍ରଜାଙ୍କୁ ନିଯୁକ୍ତି ପାଇଁ ଅଗ୍ରାଧିକାର ଦିଆଯିବ।


Enter your email to get our daily news in your inbox.

All Right Reserved By Dharitri.Com

ଜିଲାପାଳଙ୍କ ଜନ ଅଭିଯୋଗ ଶୁଣାଣି: ମାତ୍ର ୯୦ଟି ଅଭିଯୋଗରେ ସୀମିତ, ପ୍ରଚାର ଅଭାବ ନା ସମାଧାନ ଉପରୁ ତୁଟିଲାଣି ଭରସା

ଥୁଆମୂଳ ରାମପୁର, ୧୬।୧୧ (ଦୁର୍ଗା କୀର୍ତ୍ତି): କଳାହାଣ୍ଡି ଜିଲାର ଅତି ଦୁର୍ଗମ ତଥା ଆଦିବାସୀ ବହୁଳ ଥୁଆମୂଳ ରାମପୁର ବ୍ଲକ ବୈଠକ ସଭା ଗୃହ ଠାରେ ସୋମବାର…

ଆଦର୍ଶ ଶିକ୍ଷକ ସୁନ୍ଦର ମୋହନ ସିଂ ସମ୍ବର୍ଦ୍ଧିତ: ସମାଜ ପ୍ରତି ଅବଦାନକୁ ପ୍ରଶଂସା

ମହାକାଳପଡ଼ା,୧୬।୧୧(ପ୍ରତାପ ଚନ୍ଦ୍ର ସ୍ବାଇଁ): କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ ବଉଳକଣୀସ୍ଥିତ ପ୍ରେମଚାନ୍ଦ ବିଦ୍ୟାପୀଠର ପ୍ରାକ୍ତନ ଛାତ୍ର ତଥା ରାଜ୍ୟସ୍ତରୀୟ ମୁଖ୍ୟମନ୍ତ୍ରୀ ଶିକ୍ଷା ପୁରସ୍କାରପ୍ରାପ୍ତ ଆଦର୍ଶ ଶିକ୍ଷକ ସୁନ୍ଦର…

ଅମିତାଭ, ଅଭିଷେକ ବଚ୍ଚନଙ୍କୁ ହତ୍ୟା ଧମକ, ଦିଆଗଲା ଏଭଳି ଚେତାବନୀ

ମୁମ୍ବାଇ,୧୬ା୧୧: ଗ୍ୟାଙ୍ଗଷ୍ଟର ଗୋଲ୍ଡି ଧିଲୋନ୍‌ଙ୍କଠାରୁ ମେଗାଷ୍ଟାର ଅମିତାଭ ବଚ୍ଚନ ଏବଂ ଅଭିଷେକ ବଚ୍ଚନଙ୍କୁ ହତ୍ୟା ଧମକ ମିଳିଛି। ନିକଟରେ ଦିଲ୍ଲୀ ପୋଲିସ ଗୋଲ୍ଡି ଗ୍ୟାଙ୍ଗ୍‌ର ୨ ସଦସ୍ୟ…

ପୁଣି ବାତ୍ୟା ଆଶଙ୍କା: ଅଞ୍ଚଳବାସୀଙ୍କ ବଢିଲା ଚିନ୍ତା

ଭଞ୍ଜନଗର, ୧୬।୧୧ (ବାବୁଲା ପ୍ରଧାନ): ଗତ ଅକ୍ଟୋବର ୨୮ ଓ ୨୯ ତାରିଖରେ ଗଞ୍ଜାମ ଜିଲାରେ ସଂଘଟିତ ଭୟାବହ ବନ୍ୟାରୁ ଭଞ୍ଜନଗର ଜଳସମ୍ପଦ ବିଭାଗ କିଛି ଶିକ୍ଷା…

ବରିଷ୍ଠ ସାମ୍ବାଦିକ ନରୋତ୍ତମ ସେଲମାଙ୍କୁ ‘ବିଜୟ ଦ୍ୱିବେଦୀ ସ୍ମୃତି ସମ୍ମାନ’

ରିଷିଡା,୧୬।୧୧(ସୁଶାନ୍ତ ମଲ୍ଲିକ): କଳାହାଣ୍ଡି ଜିଲା କର୍ଲାମୁଣ୍ଡା ବ୍ଲକର ବରିଷ୍ଠ ସାମ୍ବାଦିକ, ତଥା ସାହିତି୍ୟକ ନରୋତ୍ତମ ସେଲମାଙ୍କୁ ମର୍ଯ୍ୟାଦାଜନକ ‘ବିଜୟ ଦ୍ୱିବେଦୀ ସ୍ମୃତି ସମ୍ମାନ’ ପ୍ରଦାନ କରାଯାଇଛି। କେସିଙ୍ଗାଠାରେ…

ଶିକ୍ଷକ ନିଯୁକ୍ତି ଦାବି: ସମାଧାନ ନ ହେଲେ ସ୍କୁଲରେ ତାଲା ପକାଇବାକୁ ଗ୍ରାମବାସୀଙ୍କ ଚେତାବନୀ

ଗୁଡାରି, ୧୬।୧୧ (ପ୍ରମୋଦ କୁମାର ପତି): ଗୋଟିଏ ଶିକ୍ଷୟିତ୍ରୀଙ୍କ ଭରସାରେ ଚାଲିଛି ପ୍ରଥମରୁ ପଞ୍ଚମ ଶ୍ରେଣୀ ପର୍ଯ୍ୟନ୍ତ ପାଠପଢ଼ା। ବିଦ୍ୟାଳୟରେ ଆବଶ୍ୟକ ଶିକ୍ଷକ ନଥିବାରୁ ପିଲାଙ୍କ ପାଠପଢ଼ା…

ସଂସଦ ଭବନରେ ଗୁଞ୍ଜିଲା କଳାହାଣ୍ଡିର ଢାପ ନୃତ୍ୟ: କଳାକାରଙ୍କଠୁ ରାମକାଠି ନେଇ ବଜାଇଲେ ମୋଦି

ଭବାନୀପାଟଣା,୧୬।୧୧(ଉତ୍ତମ କୁମାର ଦାଶ): ଦିଲ୍ଲୀ ସଂସଦ ଭବନରେ ଜାତୀୟ ମଞ୍ଚରେ ଝଲସିଲା କଳାହାଣ୍ଡିର ପାରମ୍ପରିକ ଢାପ ନୃତ୍ୟ। ଜନଜାତୀୟ ଗୌରବ ଦିବସ ଅବସରରେ ଭବାନୀପାଟଣାର ପ୍ରତିଭା ଅନୁଷ୍ଠାନର…

ଯେଉଁଠି ପ୍ରଥମେ ଭେଟିଥିଲେ ସୋନିଆ-ରାଜୀବ, ସେହି ରେଷ୍ଟୁରାଣ୍ଟକୁ ଗର୍ଲଫ୍ରେଣ୍ଡଙ୍କ ସହ ଯାଇଥିଲେ ରାହୁଲ! ନିଜେ କଲେ ଖୁଲାସା

ନୂଆଦିଲ୍ଲୀ,୧୬।୧୧: କଂଗ୍ରେସ ସାଂସଦ ରାହୁଲ ଗାନ୍ଧୀ ତାଙ୍କ ମାଆ ସୋନିଆ ଗାନ୍ଧୀଙ୍କ ପୁସ୍ତକ ‘ବିଲଙ୍ଗିଂ: ଏ ଜର୍ଣ୍ଣି ଅଫ ଲଭ’ର ଉନ୍ମୋଚନ ଅବସରରେ ପରିବାର ସହ ଜଡ଼ିତ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?