Posted inଖେଳ

ଲଗାତାର ୮ ବର୍ଷ ଧରି ବିଫଳ, ଏବେ କୋହଲିଙ୍କୁ ଆର୍‌ସିବି ଅଧିନାୟକ ପଦ ଛାଡ଼ି ଦେବା ଉଚିତ୍‌: ଗମ୍ଭୀର

ଆବୁଧାବି,୭।୧୧: ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର(ଆର୍‌ସିବି) ଇଣ୍ଡିଆନ ପ୍ରିମିୟର ଲିଗ୍‌(ଆଇପିଏଲ୍‌)ର ଗୁରୁତ୍ୱପୂର୍ଣ୍ଣ ଏଲିମିନେଟର ମ୍ୟାଚ୍‌ ପାଇଁ ଯୋଗ୍ୟତା ହାସଲ କରିଥିଲା। ହେଲେ ଶୁକ୍ରବାର ଖରାପ ବ୍ୟାଟିଂ ଯୋଗୁ ବିରାଟ କୋହଲିଙ୍କ ଦଳ ସନରାଇଜର୍ସ ହାଇଦ୍ରାବାଦ ନିକଟରୁ ୬ ଉଇକେଟରେ ହାରି ବିଦାୟ ନେଇଛି। ତେବେ ୨୦୧୩ ମସିହାରୁ କୋହଲି ଆର୍‌ସିବିର ଅଧିନାୟକ ପଦ ତୁଲାଉଥିବା ବେଳେ ଟାଇଟଲ ଜିତିବାରେ ବିଫଳ ହେବାକୁ ସମାଲୋଚନା କରିଛନ୍ତି ଗୌତମ ଗମ୍ଭୀର।

ଏହି ପୂର୍ବତନ ଭାରତୀୟ ଓପନର କହିଛନ୍ତି, ରୋହିତ ଶର୍ମା ଏବଂ ଏମ୍‌ଏସ୍‌ ଧୋନୀଙ୍କୁ ଦେଖାଯାଉ। ସେମାନେ ସେମାନଙ୍କ ଫ୍ରାଞ୍ଚାଇଜ୍‌ ସହ ବର୍ଷ ବର୍ଷ ଧରି ଜଡ଼ିତ ରହିଥିଲେ ହେଁ ସଫଳ ହୋଇଛନ୍ତି। ହେଲେ ବିରାଟଙ୍କ ପାଇଁ ଭିନ୍ନ ନିୟମ ରହିବା ଉଚିତ ନୁହେଁ। ୮ ବର୍ଷ ବହୁତ ଲମ୍ବା ସମୟ। ରବିଚନ୍ଦ୍ରନ ଅଶ୍ୱିନଙ୍କ କଥା ଭାବନ୍ତୁ। କିଙ୍ଗ୍ସ ଏକାଦଶ ପଞ୍ଜାବ ପାଇଁ ଅଧିନାୟକ ହୋଇ ଦୁଇ ବର୍ଷ ମଧ୍ୟରେ ସେ ପ୍ରଦର୍ଶନ କରିପାରି ନ ଥିଲେ। ଫଳରେ ତାଙ୍କୁ ଅଧିନାୟକ ପଦରୁ ହଟାଇ ଦିଆଯାଇଥିଲା। ଧୋନୀ ୩ଟି ଏବଂ ରୋହିତ ୪ଟି ଆଇପିଏଲ୍‌ ଟାଇଟଲ ଟିମ୍‌ ନାମରେ କରିଛନ୍ତି। ସେଥିପାଇଁ ସେମାନେ ଏତେ ଦିନ ପର୍ଯ୍ୟନ୍ତ ଅଧିନାୟକ ଅଛନ୍ତି। ହେଲେ ଯଦି ରୋହିତ ୮ ବର୍ଷରେ ପ୍ରଦର୍ଶନ କରିପାରି ନ ଥାନ୍ତେ ତେବେ ତାଙ୍କୁ ଅଧିନାୟକତ୍ୱରୁ ହଟାଇ ଦିଆଯାଇଥାନ୍ତା ବୋଲି ମୁଁ ବିଶ୍ୱାସ କରେ। କାରଣ ଭିନ୍ନ ଲୋକଙ୍କ ପାଇଁ ଅଲଗା ନିୟମ ନାହିଁ।

ଗୌତମ ଆହୁରି ମଧ୍ୟ କହିଛନ୍ତି, ମୁଁ ବିରାଟଙ୍କ ବିପକ୍ଷରେ ନୁହେଁ, ହେଲେ ଏଭଳି ସମୟରେ ତାଙ୍କୁ ହାତ ଉଠାଇବାକୁ ପଡ଼ିବ ଏବଂ ସେ ଦାୟୀ ବୋଲି କହିବାକୁ ହେବ। ଯେହେତୁ କୋହଲି ଟାଇଟଲ ଜିତିବାରେ ବିଫଳ ହେଉଛନ୍ତି ଆର୍‌ସିବିକୁ ଅନ୍ୟ ଅଧିନାୟକ ଖୋଜିବାର ଆବଶ୍ୟକତା ରହିଛି।

ତେବେ ଶୁକ୍ରବାର ଖେଳାଯାଇଥିବା ମ୍ୟାଚ୍‌ରେ ପ୍ରଥମେ ବ୍ୟାଟିଂ କରିବାକୁ ଆସିଥିଲା ଆର୍‌ସିବି। ହେଲେ ଦଳ ୨୦ ଓଭରରେ ମାତ୍ର ୧୩୧ ରନ୍‌ କରିଥିଲା। ଏହି ବିଜୟ ଲକ୍ଷ୍ୟକୁ ସନରାଇଜର୍ସ ହାଇଦ୍ରାବାଦ ୧୯.୪ ଓଭରରେ ହାସଲ କରି ନେଇଥିଲା। ଚଳିତ ଆଇପିଏଲ୍‌ରେ ଏହାକୁ ମିଶାଇ କ୍ରମାଗତ ଭାବେ ୫ମ ପରାଜୟ ବରଣ କରିଥିବା ଆର୍‌ସିବି ଫାଇନାଲ ଖେଳିବାରୁ ବଞ୍ଚିତ ହେବା ସହ ଏଲିମିନେଟ ହୋଇଥିଲା।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ବକ୍ସିଂ ଡେ ଟେଷ୍ଟ: ଅଷ୍ଟ୍ରେଲିଆ ବୃହତ୍‌ ଅଗ୍ରଣୀ, ନ୍ୟୁଜିଲାଣ୍ଡର ସଂଘର୍ଷ ଜାରି

ମେଲବୋର୍ନ,୨୮।୧୨(ଏଏଫ୍‌ପି)- ସ୍ଥାନୀୟ ମେଲବୋର୍ନ କ୍ରିକେଟ ଗ୍ରାଉଣ୍ଡ (ଏମ୍‌ସିଜି)ରେ ଚାଲିଥିବା ନ୍ୟୁଜିଲାଣ୍ଡ ବିପକ୍ଷ ଦ୍ୱିତୀୟ ଟେଷ୍ଟ ମ୍ୟାଚ୍‌ରେ ଘରୋଇ ଅଷ୍ଟ୍ରେଲିଆ ବୃହତ୍‌ ଅଗ୍ରଣୀ ହାସଲ କରିବା ସହ...

ବାର୍ସିଲୋନାକୁ ମେସିଙ୍କ ସମାଲୋଚନା

ବାର୍ସିଲୋନା, ୨୬ା୯ (ଏପି): ଲୁଇସ୍‌ ସୁଆରେଜଙ୍କୁ ଆଟ୍‌ଲେଟିକୋ ମାଡ୍ରିଡ୍‌କୁ ବଦଳି କରାଯିବା ନିଷ୍ପତ୍ତିରେ ଆର୍ଜେଣ୍ଟିନାର ଷ୍ଟାର ଫୁଟ୍‌ବଲର ତାଙ୍କ କ୍ଲବ ବାର୍ସିଲୋନାକୁ ସମାଲୋଚନା କରିଛନ୍ତି। ଉରୁଗୁଏ...

କମ୍‌ ରନ୍‌ ଦେଇ ଅଧିକ ଉଇକେଟ ନେବାର ରେକର୍ଡ

ନର୍ଥ ସାଉଣ୍ଡ,୨୬।୮: ଏଠାରେ ଖେଳାଯାଇଥିବା ଓ୍ବେଷ୍ଟଇଣ୍ଡିଜ ବିପକ୍ଷ ପ୍ରଥମ ଟେଷ୍ଟକୁ ଭାରତୀୟ ଦଳ ବୃହତ୍‌ ବ୍ୟବଧାନରେ ଜିତିନେଇଛି। ବିଜୟରେ ୟର୍କର ସ୍ପେଶାଲିଷ୍ଟ ଯଶ୍‌ପ୍ରୀତ ବୁମ୍‌ରା ପ୍ରମୁଖ...

ଅମୋଲ ମଜୁମ୍‌ଦାର ଦକ୍ଷିଣ ଆଫ୍ରିକା ବ୍ୟାଟିଂ କୋଚ୍‌

ନୂଆଦିଲ୍ଲୀ, ୧୦ା୯ (ପି.ଟି.)- ମୁମ୍ବାଇ ଷ୍ଟଲ୍‌ଓ୍ବାର୍ଟ ଅମୋଲ ମଜୁମ୍‌ଦାର ସୋମବାର ଭ୍ରମଣକାରୀ ଦକ୍ଷିଣ ଆଫ୍ରିକା କ୍ରିକେଟ ଦଳର ବ୍ୟାଟିଂ କୋଚ୍‌ ଭାବେ ନିଯୁକ୍ତି ପାଇଛନ୍ତି। ଦକ୍ଷିଣ...

ସାଙ୍ଗାକରାଙ୍କୁ ପଛରେ ପକାଇବେ ଓ୍ବାର୍ନର

ଦୁବାଇ, ୨୧।୯: ଆଇପିଏଲ୍‌-୧୩ର ଏକ ମ୍ୟାଚ୍‌ରେ ସୋମବାର ସନ୍‌ରାଇଜର୍ସ ହାଇଦ୍ରାବାଦ ଓ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ମଧ୍ୟରେ ମ୍ୟାଚ୍‌ ଅନୁଷ୍ଠିତ ହେବ। ସ୍ଥାନୀୟ ଦୁବାଇ ଇଣ୍ଟରନ୍ୟାଶନାଲ...

ଇତିହାସ ରଚିଲେ ସିନ୍ଧୁ

ଟୋକିଓ,୧।୮: ଇତିହାସ ରଚିଲେ ଭାରତୀୟ ମହିଳା ଶଟଲର ପି ଭି ସିନ୍ଧୁ। ପ୍ରଥମ ଭାରତୀୟ ମହିଳା ଖେଳାଳି ଭାବେ ସିନ୍ଧୁ ଜିତିଛନ୍ତି ଦୁଇଟି ଅଲିମ୍ପିକ୍ସ ପଦକ।...

ଷ୍ଟୋକ୍ସ ବିବିସି ସ୍ପୋଟର୍‌ସ ପର୍ସନାଲିଟି ଅଫ୍‌ ଦ ଇୟର

ଲଣ୍ଡନ,୧୬।୧୨- ବିବିସି ସ୍ପୋଟର୍‌ସ ପର୍ସନାଲିଟି ଅଫ୍‌ ଦ ଇୟର ପୁରସ୍କାରରେ ଇଂଲଣ୍ଡ କ୍ରିକେଟ ହ୍ୟାଟ୍ରିକ କରିଛି। ବିଶ୍ୱକପ୍‌ ଚାମ୍ପିୟନ ଇଂଲଣ୍ଡକୁ ବର୍ଷର ଶ୍ରେଷ୍ଠ ଦଳ ଓ...

ଜ୍ୟାକ୍‌ କାଲିସ୍‌ ଗୋଟିଏ ପାର୍ଶ୍ୱ ନିଶ କାଟି ଛାଡିଲେ ଫଟୋ, କାରଣ ଜାଣିଲେ କରିବେ ସଲାମ୍‌

ଦକ୍ଷିଣ ଆଫ୍ରିକାର ପୂର୍ବତନ ଅଲରାଉଣ୍ଡର ଜ୍ୟାକ୍‌ କାଲିଲ ନିଜ ସୋସିଆଲ ଆକାଉଣ୍ଟରେ ଏକ ଫଟୋ ଛାଡିଛନ୍ତି। ଯାହାକୁ ନେଇ ଏବେ ଜୋରଦାର ଚର୍ଚ୍ଚା ଚାଲିଛି। ଏହି...

Advertisement
Ten Cric Info


Archives

Model This Week