ବାଲିଗୁଡ଼ା,୨।୫:(ସଞ୍ଜୟ କୁମାର ପାଣିଗ୍ରାହୀ): କନ୍ଧମାଳ ଜିଲା ବାଲିଗୁଡା ଥାନା ଅନ୍ତର୍ଗତ ବାରଖମା ଫାଣ୍ଡି ସୁଡ୍ରା ଗ୍ରାମରେ ଏକ ବଡ଼ ଧରଣର ଅଘଟଣ ଘଟିଛି । ଏଥିରେ ଜଣେ ବୃଦ୍ଧା ଜୀବନ୍ତ ଦଗ୍ଧ ହୋଇଥିବାବେଳେ ଦୁଇ ପୁଅ ଗୁରୁତର ହୋଇ ବାଲିଗୁଡା ମେଡିକାଲରେ ଚିକିତ୍ସିତ ହେଉଛନ୍ତି। ଘଟଣାରୁ ପ୍ରକାଶ ଯେ, କାଳବୈଶାଖୀ ଯୋଗୁ ବିଭିନ୍ନ ଅଞ୍ଚଳରେ ଦୁଇ ଦିନ ହେବ ବିଦ୍ୟୁତ ସଂଯୋଗ ବିଚ୍ଛିନ୍ନ ହୋଇଯାଇଥିବାରୁ ସବୁ ଆଡେ ଅନ୍ଧାର ଥିଲା । ଏଣୁ ଶୁକ୍ରବାର ରାତିରେ ବାରଖମା ଫାଣ୍ଡି ସୁଡ୍ରା ଗ୍ରାମର ସୁବାଷ ଚନ୍ଦ୍ର ସାହୁଙ୍କ ଘରେ କ୍ୟାଣ୍ଡେଲ ଜଳି ରହିଥିବାବେଳେ କୌଣସି କାରଣବସତଃ ନିଆ ଲାଗି ଘରେ ଅଗ୍ନିକାଣ୍ଡ ଘଟିଥିଲା। ଏହାରି ଭିତରେ ଘରେ ଗ୍ୟାସ ସିଲିଣ୍ଡର ରହିଥିବାରୁ ଅଧିକ ଜାଳି କ୍ଷୟ କ୍ଷତି ଘଟିଥିଲା। ଘରେ ରହିଥିବା ବୃଦ୍ଧା ନାରଚୁ ସାହୁ (୬୦) ଜୀବନ୍ତ ଦଗ୍ଧ ହୋଇଯାଇଥିବା ବେଳେ ଚାରି ପୁଅଙ୍କ ମଧ୍ୟରୁ ଦୁଇ ପୁଅ ଅଗ୍ନି ସ୍ପର୍ଶରେ ଆସି ଗୁରୁତର ଆହତ ହୋଇଛନ୍ତି। ଘଟଣାସ୍ଥଳରେ ବାଲିଗୁଡ଼ା ଅଗ୍ନିଶମ ବିଭାଗ ପହଞ୍ଚି ନିଆଁକୁ ଆୟତ୍ତ କରିଛି ।
