ଦାରିଙ୍ଗବାଡ଼ି,୧୧ା୧୨(ଅରୁଣ ସାହୁ): ଓଡ଼ିଶାର କଶ୍ମୀର ଦାରିଙ୍ଗବାଡ଼ିରେ ଏବେ ପର୍ଯ୍ୟଟକଙ୍କ ଭିଡ଼ ଦେଖିବାକୁ ମିଳିଛି। ତେବେ ଏକାଧିକ ପର୍ଯ୍ୟଟନକ୍ଷେତ୍ର ଦୃଷ୍ଟି ଆଢୁଆଳରେ ରହିଥିବାରୁ ଦାରିଙ୍ଗବାଡ଼ି ଆସୁଥିବା ପର୍ଯ୍ୟଟକ ଅସନ୍ତୋଷ ପ୍ରକାଶ କରୁଛନ୍ତି। ଏଭଳି ଏକ ପର୍ଯ୍ୟଟନକ୍ଷେତ୍ର ରହିଛି ସେଠି ପ୍ରଶାସନର ଦୃଷ୍ଟି ପଡୁ ନ ଥିବା ଅଭିଯୋଗ ହେଉଛି।
ପ୍ରକାଶ ଯେ, କଫି ବଗିଚା ସମ୍ମୁଖରେ ରହିଛି ୟୁକାଲପଟାସ୍ ଜଙ୍ଗଲ। ଉକ୍ତ ଜଙ୍ଗଲରେ ବୁଲିବା ପାଇଁ ୨ ପାଖେ ୟୁକାଲପଟାସ୍ ଜଙ୍ଗଲ ରହିଥିବା ବେଳେ ମଝିରେ ମାଟି ରାସ୍ତା ରହିଛି। ସେହି ମାଟି ରାସ୍ତାରେ ବୁଲିବାକୁ ଓ ସୌନ୍ଦର୍ଯ୍ୟର ଉପଭୋଗ କରିବାକୁ ପର୍ଯ୍ୟଟକ ଅଧିକ ପସନ୍ଦ କରନ୍ତି। କୁହାଯାଏ, ୟୁକାଲପଟାସ୍ର ପତ୍ର ମୁଣ୍ଡ ବ୍ୟଥା ପାଇଁ ଔଷଧ ପ୍ରସ୍ତୁତ ହୋଇଥାଏ। ସେହି ପତ୍ରର ବାସ୍ନା କୁ ପର୍ଯ୍ୟଟକଙ୍କ ପ୍ରଥମ ପସନ୍ଦ ହୋଇଥାଏ କିନ୍ତୁ ଏବେ ଉକ୍ତ ଜଙ୍ଗଲରେ କୁଢ଼କୁଢ଼ ଅଳିଆ ଆବର୍ଜନା, ପ୍ଲାଷ୍ଟିକ୍, ଅଇଁଠା ଖଲି ସବୁକୁ ଆଣି ଜଙ୍ଗଲକୁ ଡମ୍ପିଂୟାର୍ଡ଼ ଭାବେ ବ୍ୟବହାର କରାଯାଉଛି। ଫଳରେ ଉକ୍ତ ଜଙ୍ଗଲର ସୌନ୍ଦର୍ଯ୍ୟ ନଷ୍ଟ ହେବା ସହ ପୁତିମୟଗନ୍ଧ ଯୋଗୁ ସେଠାରେ ପର୍ଯ୍ୟଟକ ବୁଲିବାକୁ ପସନ୍ଦ କରୁ ନ ଥିବା ଜଣାପଡିଛି। ଯଦି କୁହାଯିବ ଡ଼ୁଲୁରୀ ଭଳି ଉକ୍ତ ୟୁକାଲପଟାସ୍ ଜଙ୍ଗଲରେ ମଧ୍ୟ ସୁନ୍ଦର ପରିବେଶ ରହିଛି ଓ ପର୍ଯ୍ୟଟକ ଡ଼ୁଲୁରୀ ପରେ ଏହି ଜଙ୍ଗଲକୁ ପର୍ଯ୍ୟଟକ ବହୁତ ପସନ୍ଦ କରୁଥିଲେ କିନ୍ତୁ ପରିବେଶ ଦୂଷିତ ପରେ ପର୍ଯ୍ୟଟକ ଧିରେ ଧିରେ ମୁହଁ ଫେରାଇବା ଆରମ୍ଭ କରୁଛନ୍ତି। ଚାରିଆଡ଼େ ବସ୍ତାବସ୍ତା ପ୍ଲାଷ୍ଟିକ ଭର୍ତ୍ତି ହୋଇଛି। ରାସ୍ତା ସାରା ଏଭଳି ପଡ଼ିଥିବାରୁ ପର୍ଯ୍ୟଟକ ଉକ୍ତ ପର୍ଯ୍ୟଟନକ୍ଷେତ୍ରରୁ ମୁହଁ ଫେରେଇବା ଆରମ୍ଭ କଲେଣି। ଗତ ୩ ବର୍ଷ ହେଲା ସେଠାରେ ପର୍ଯ୍ୟଟକ ବୁଲିବା କମିଯାଇଛି।
Dharitri – Odisha’s No.1 Odia Daily
