ଆଜି ଗଜଲକ୍ଷ୍ମୀଙ୍କ ମେଲଣ

କେନ୍ଦ୍ରାପଡ଼ା ଅଫିସ,୧୬ା୧୦: ଆସନ୍ତା ରବିବାର ଓ ସୋମବାର ଦୁଇଦିନ ଧରି କେନ୍ଦ୍ରାପଡ଼ା ସହରର ୩ ସ୍ଥାନରେ ମା’ଗଜଲକ୍ଷ୍ମୀଙ୍କ ମେଲଣ ପର୍ବ ଓ ଭସାଣି ଅନୁଷ୍ଠିତ ହେବ । ଏଥିପାଇଁ ମେଳଣ କମିଟି, ଶାନ୍ତି କମିଟି, ପୋଲିସ ପ୍ରଶାସନ ସମେତ ପୂଜା କମିଟି କର୍ମକର୍ତ୍ତାଙ୍କ ପକ୍ଷରୁ ତପତ୍ରତା ପ୍ରକାଶ ପାଇଛି । ସହରର ପୁରୁଣା ବସ୍‌ଷ୍ଟାଣ୍ଡ, କେଶପୁର ଓ ନୂଆ ବସ୍‌ଷ୍ଟାଣ୍ଡ ଠାରେ ହେବାକୁ ଥିବା ମେଳଣ ପର୍ବ ପାଇଁ ପ୍ରସ୍ତୁତି କାର୍ଯ୍ୟ ଶେଷ ପର୍ଯ୍ୟାୟରେ ପହଞ୍ଚତ୍ଛି । ଭସାଣି ଉତ୍ସବକୁ ଶାନ୍ତି ଶୃଙ୍ଖଳା ଓ ସରସସୁନ୍ଦର କରିବା ପାଇଁ ଜିଲା ପ୍ରଶାସନ ପକ୍ଷରୁ ବିଭିନ୍ନ କଟକଣା ଜାରି କରାଯାଇଛି। ଅପରପକ୍ଷେ ଏହି ଗଣପର୍ବର ଆରମ୍ଭରୁ ସହରର ବିଭିନ୍ନ ମଣ୍ଡପ ନିକଟରେ ସାଂସ୍କୃତିକ କାର୍ଯ୍ୟକ୍ରମ ପାଇଁ କଳାକାର ପହଞ୍ଚତ୍ ଥିବା ବେଳେ ମେଳଣ ଓ ଭସାଣି ପାଇଁ ଜିଲା ଏବଂ ବାହାର ରାଜ୍ୟରୁ କଳାକାର ଆସିଛନ୍ତି । ଶନିବାର ୭ମ ଦିନରେ ମା’ଙ୍କ ମଣ୍ଡପରେ ପୂର୍ଣ୍ଣାହୁତି ପର୍ବ ଆରମ୍ଭ ହୋଇଛି । ମଧ୍ୟରାତ୍ର ସୁଦ୍ଧା ପୂଜା ପୀଠର ଅସ୍ଥାନ ବିସର୍ଜନ ହେବ । ଗତ ୭ ଦିନ ଧରି ବିଭିନ୍ନ ପୂଜା ମଣ୍ଡପରେ ମା’ଙ୍କୁ ଷୋଢ଼ଶ ଉପଚାରରେ ପୂଜାର୍ଚ୍ଚନା କରାଯାଇଥିଲା । ଏବେ ୨ ଦିନ ମେଳଣ ମଣ୍ଡପରେ ଦେବୀଙ୍କ ଦର୍ଶନ ମିଳିବ । ସହରର ସମସ୍ତ ମୁଣ୍ମୟୀ ପ୍ରତିମା ମେଳଣରେ ଏକତ୍ର ହେବା ସହ ଭୋଗଲାଗି ଦୃଶ୍ୟ ପାଇଁ ଶ୍ରଦ୍ଧାଳୁଙ୍କ ଉତ୍କଣ୍ଠା ବଢ଼ିଛି।
କେଶପୁର ବଜାରରେ ହେଉଥିବା ମେଳଣରେ ପ୍ରାୟ ୩୦ ମେଢ଼ ସାମିଲ ହୋଇଥାନ୍ତି । ସେହିପରି ନୂଆ ବସ୍‌ଷ୍ଟାଣ୍ଡରେ ଅବଶିଷ୍ଟ ମେଢ଼ ଏକତ୍ର ହୁଅନ୍ତି । ତେବେ ପୁରୁଣା ବସ୍‌ଷ୍ଟାଣ୍ଡରେ ସମସ୍ତ ମେଢ଼ ଏକତ୍ର ହେବା ଏହି ସହରର ଏକ ପାରମ୍ପରିକ ବିଧି ରହିଛି । ପୁରୁଣା ବସ୍‌ଷ୍ଟାଣ୍ଡ ମେଳଣର ପରମ୍ପରା ଅନୁଯାୟୀ, ଏହି ସ୍ଥାନର ମା’ ଗଜଲକ୍ଷ୍ମୀ ପ୍ରଥମେ ପୂଜା ମଣ୍ଡପ ଛାଡନ୍ତି। ଦୀର୍ଘ ୯୫ ବର୍ଷର ଏହି ଗଜଲକ୍ଷ୍ମୀଙ୍କ ପୂଜାରେ ଅନେକ ଆଳଙ୍କାରିକ ଓ ସାଜସଜ୍ଜା ପରିବର୍ତ୍ତନ ହୋଇଥିଲେ ମଧ୍ୟ ମେଳଣ ସମୟରେ ପାରମ୍ପରିକ ବିଧିକୁ ଗୁରୁତ୍ୱ ଦିଆଯାଉଥିବା କମିଟିର କର୍ମକର୍ତ୍ତା ପ୍ରକାଶ କରିଛନ୍ତି । ଜନଶ୍ରୁତି ଅନୁଯାୟୀ, ମେଳଣ ପରମ୍ପରା ଆରମ୍ଭରୁ ପୁରୁଣା ବସ୍‌ଷ୍ଟାଣ୍ଡର ମା’ଗଜଲକ୍ଷ୍ମୀ ଅନ୍ୟ ମେଢ଼କୁ ନିମନ୍ତ୍ରଣ କରି ନିଜ ଆସ୍ଥାନରେ ବସିଥାନ୍ତି । ତେବେ ମେଳଣର ଥାନପତି ଭାବେ ନୂଆ ବସ୍‌ଷ୍ଟାଣ୍ଡର ମେଢ଼କୁ ବରଣ କରାଯାଏ। ନୂଆ ବସ୍‌ଷ୍ଟାଣ୍ଡର ମା’ଗଜଲକ୍ଷ୍ମୀ ସର୍ବ ପ୍ରଥମେ ଆସି ମେଲଣ ମଣ୍ଡପରେ ଆସ୍ଥାନ ଥାପିଥାନ୍ତି । ପରେ ଅନ୍ୟ ମେଢ଼ ମେଲଣ ପଡ଼ିଆକୁ ପ୍ରବେଶ କରିଥାଆନ୍ତି । ସେହିପରି ପ୍ରଥମେ ନୂଆ ବସ୍‌ଷ୍ଟାଣ୍ଡ ମେଢ଼ ଓ ଶେଷରେ ପୁରୁଣା ବସ୍‌ଷ୍ଟାଣ୍ଡ ମେଢ଼ ଭସାଣି ଉତ୍ସବରେ ସାମିଲ ହୋଇଥାନ୍ତି । ଏହି ୨ ଦିନ ଉତ୍ସବରେ ବିଭିନ୍ନ ବାଦ୍ୟ, ରୋଷଣୀ, ଅଭିନୟ ମାଧ୍ୟମରେ ମା’ଙ୍କ ବିସର୍ଜନ କରାଯାଇଥାଏ । ସନ୍ଧ୍ୟା ସୁଦ୍ଧା ମା’ଙ୍କ ପୀଠରେ ଶେଷ ଦର୍ଶନ ପାଇଁ ଶ୍ରଦ୍ଧାଳୁଙ୍କ ଭିଡ଼ ବେଶ ଜମିଥିଲା । ଆଇନଶୃଙ୍ଖଳା ରକ୍ଷା କରିବା ପାଇଁ ୨୫ ପ୍ଲାଟୁନ ପୋଲିସ ଫୋର୍ସ ନିୟୋଜିତ ହୋଇଥିବା ଏସ୍‌ଡିପିଓ ଜୟନ୍ତ ମହାପାତ୍ର ସୂଚନା ଦେଇଛନ୍ତି ।


Enter your email to get our daily news in your inbox.

All Right Reserved By Dharitri.Com

ପଦ୍ମପୁର ଆସନରେ ପ୍ରାର୍ଥୀ ଘୋଷଣା ଦ୍ୱନ୍ଦ୍ୱ

ପଦ୍ମପୁର,୨୮।୩. (ପ୍ରଦୀପ୍ତ ଦାଶ): ବରଗଡ଼ ଜିଲାରେ ଥିବା ବିଧାନସଭା ଆସନ ପାଇଁ ବିଜେଡି ବୁଧବାର ପ୍ରାର୍ଥୀ ଘୋଷଣା କରିଛି। କିନ୍ତୁ ପଦ୍ମପୁର ବିଧାନସଭା ଆସନ ପାଇଁ...

ମା’ ପୁଅଙ୍କୁ ହତ୍ୟା କଲେ ମାଓବାଦୀ

ରାଉରକେଲା,୨୮।୩(ସଙ୍ଗୀତା ଜେନା): ଓଡ଼ିଶା-ଝାଡ଼ଖଣ୍ଡ ସୀମାବର୍ତ୍ତୀ ପଶ୍ଚିମ ସିଂହଭୂମ ଚାଇଁବାସା ଅଞ୍ଚଳରେ ମାଓବାଦୀମାନେ ଜଣେ ବୃଦ୍ଧା ଓ ତାଙ୍କ ପୁଅଙ୍କୁ ହତ୍ୟା କରିଛନ୍ତି। ମୃତକ ହେଲେ ଚାଇଁବାସା...

ବସ୍‌ ଧକ୍କାରେ ଚାଲିଗଲା ଜୈନ ସନ୍ନ୍ୟାସିନୀଙ୍କ ଜୀବନ

ଫୁଲନଖରା,୨୮ା୩(ସତ୍ୟରଞ୍ଜନ ଦାସମହାପାତ୍ର): ଭୁବନେଶ୍ୱର-କଟକ ୧୬ ନମ୍ବର ଜାତୀୟ ରାଜପଥର ବମ୍ଫକୁଦ ନିକଟରେ ଏକ ଯାତ୍ରୀବାହୀ ବସ୍‌ ଧକ୍କାରେ ଜଣେ ଜୈନ ସନ୍ନ୍ୟାସିନୀଙ୍କ ମୃତ୍ୟୁ ଘଟିଛି। ସେ...

ମାହାଙ୍ଗା ଡବଲ ମର୍ଡର ମାମଲା: ଅନ୍ତରୀଣ ସୁରକ୍ଷା ବଳବତ୍ତର

କଟକ,୨୮ା୩ (କାର୍ତ୍ତିକ ସାହୁ) ମାହାଙ୍ଗା ଡବଲ ମର୍ଡର ମାମଲାରେ ବିଧାୟକ ପ୍ରତାପ ଜେନାଙ୍କ ଅନ୍ତରୀଣ ସୁରକ୍ଷାକୁ ହାଇକୋର୍ଟ ବଳବତ୍ତର ରଖିଛନ୍ତି। ନିମ୍ନକୋର୍ଟର ନିର୍ଦ୍ଦେଶ ବିରୋଧରେ ବିଧାୟକ...

ଦୁର୍ଘଟଣାରେ ଶ୍ୱଶୁର ମୃତ, ଜ୍ୱାଇଁ ଗୁରୁତର

ଭେଡ଼େନ,୨୮।୩ (ସୁଦନ ମହାକୁର): ବରଗଡ଼ ଜିଲା ଭେଡ଼େନ ଥାନା ଅଧୀନ ଭେଡ଼େନ-ରେମଣ୍ଡା ରାସ୍ତାର ଅପାମରା ନିକଟରେ ଗୁରୁବାର ଏକ ସଡ଼କ ଦୁର୍ଘଟଣା ଘଟିଛି। ଏକ ବାଇାକ୍‌...

କଂଗ୍ରେସରୁ ଇସ୍ତଫା ଦେଲେ ପୂର୍ବତନ ବିଧାୟକ, ବିଜେଡିରେ ଯୋଗଦେବା ସମ୍ଭାବନା

ନୂଆଦିଲ୍ଲୀ ,୨୮।୩: ବିଧାନସଭା ନିର୍ବାଚନ ପୂର୍ବରୁ ଟିଟିଲାଗଡର ପୂର୍ବତନ ବିଧାୟକ ସୁରେନ୍ଦ୍ର ସିଂ ଭୋଇ କଂଗ୍ରେସ ଦଳରୁ ଇସ୍ତଫା ଦେଇଛନ୍ତି। ତିନିଥର ପୂର୍ବତନ କଂଗ୍ରେସ ବିଧାୟକ...

ସୁଧାଂଶୁଙ୍କୁ ଗୁରୁଦାୟିତ୍ୱ ଦେଲା କଂଗ୍ରେସ

ରୂପସା,୨୮।୩(ବାଞ୍ଛାନିଧି ଦେ): ବାଲେଶ୍ୱର ଜିଲା କଂଗ୍ରେସ କମିଟି ସାଧାରଣ ସମ୍ପାଦକ ଓ ମୁଖ୍ୟ ମୁଖପାତ୍ର ସୁଧାଂଶୁ ଶେଖର ଜେନାଙ୍କୁ ପ୍ରଦେଶ କଂଗ୍ରେସ କମିଟି ପକ୍ଷରୁ ଭଦ୍ରକ...

୩୦ ହଜାର ଟଙ୍କା ଲାଞ୍ଚ ନେବା ବେଳେ ସିଟିଓ-ଜିଏସଟି ଅଧିକାରୀଙ୍କୁ ବାନ୍ଧିଲା ଭିଜିଲାନ୍ସ

ଭୁବନେଶ୍ୱର,୨୮।୩: ପୁରୀରେ ଲାଞ୍ଚ ନେଉଥିଲା ବେଳେ ବାଣିଜ୍ୟିକ ଟିକସ ଅଧିକାରୀ (ସିଟିଓ) ଏବଂ ଦ୍ରବ୍ୟ ଏବଂ ସେବା କର (ଜିଏସଟି) ଅଧିକାରୀଙ୍କୁ ଗିରଫ କରିଛି ଓଡ଼ିଶା...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri