ବିନା ମାଟିରେ ଫଳ ଏବଂ ପରିବା ଚାଷ ବିଷୟରେ ଆପଣ କେବେ ଶୁଣିଛନ୍ତି। ଆପଣ ଭାବୁଥିବେ ଏହା କିପରି ସମ୍ଭବ? ପୁଣେର ନିଲା ରେନାଭିକର ଗତ ୧୦ ବର୍ଷ ଧରି ଘରର ଛାତ ଉପରେ ବିନା ମାଟିରେ ଫଳ ଓ ପନିପରିବା ଚାଷ କରୁଛନ୍ତି। ଯାହାକି ଅନ୍ୟମାନଙ୍କ ପାଇଁ ପ୍ରେରଣା ସାଜିଛି। ସେ ମଧ୍ୟ ଆକାଉଣ୍ଟାଣ୍ଟ ଏବଂ ମାରାଥନ ରନର୍ ଭାବରେ କାର୍ଯ୍ୟ କରିନ୍ତି। ନୀଲା ତାଙ୍କ ଘର ଛାତର ୪୫୦ ବର୍ଗଫୁଟର ଏକ ସ୍ଥାନକୁ ଫାର୍ମ ଭାବରେ ରକ୍ଷଣାବେକ୍ଷଣ କରନ୍ତି, ଯେଉଁଠାରେ ସେ ଅନେକ ଉପାୟରେ ଫଳ, ଫୁଲ ପନିପରିବା ଚାଷ କରନ୍ତି।
ଜାଣନ୍ତୁ କିପରି ହୁଏ ବିନା ମାଟିରେ ଚାଷ
ଚାଷ ପାଇଁ ନିଲା ମାଟି ବ୍ୟବହାର କରନ୍ତି ନାହିଁ। ସେ ଶୁଖିଲା ପତ୍ର, ରୋଷେଇ ଘରର ବର୍ଜ୍ୟବସ୍ତୁ ଏବଂ ଗୋବରରୁ କମ୍ପୋଷ୍ଟ ପ୍ରସ୍ତୁତ କରି ସେଥିରେ ଲଗାନ୍ତି। କମ୍ପୋଷ୍ଟରେ ଥିବା ପତ୍ର ଯୋଗୁ ମାଟି ବିନା ଆର୍ଦ୍ରତା ଦୀର୍ଘ ସମୟ ପର୍ଯ୍ୟନ୍ତ ରହିଥାଏ, ଯାହା ଉଦ୍ଭିଦକୁ ବଢ଼ାଇବାରେ ସାହାର୍ଯ୍ୟ କରେ।ନୀଲାଙ୍କ ଅନୁଯାୟୀ, ଏହି କାମ ପାଇଁ କେହିବି ସମୟ ବାହାର କରିବା ଆବଶ୍ୟକ।
କେଉଁଠୁ ମିଳିଲା ପ୍ରେରଣା
ବିନା ମାଟିରେ ଏ ସବୁ କରିବା ପାଇଁ ନିଲାଙ୍କୁ ଇଣ୍ଟରନେଟ ସାହାଯ୍ୟ କରିଥିଲା। ସେ ୟୁଟ୍ୟୁବରେ ବିଭିନ୍ନ ପ୍ରକାରର ଭିଡିଓ ଦେଖି ଏସବୁ କାର୍ଯ୍ୟ ଆରମ୍ଭ କରିଥିଲେ।
ଫେସବୁକରେ ଚାଷ ସମ୍ବନ୍ଧୀୟ ଟିପ୍ସ
ନିଲା ବଗିଚାରେ ୧୦୦ ଟି କ୍ୟାନ୍ ଅଛି ଯେଉଁଥିରେ ସେ ବିଭିନ୍ନ ପ୍ରକାରର ଫଳ ଏବଂ ପନିପରିବା ଚାଷ କରନ୍ତି। ସେ ବଗିଚାରୁ ଫଳ ଏବଂ ପନିପରିବା ମଧ୍ୟ ନିଜ ସାଙ୍ଗମାନଙ୍କୁ ବାଣ୍ଟନ୍ତି। କେବଳ ଏତିକି ନୁହେଁ, ନୀଲା ତାଙ୍କ ସାଙ୍ଗମାନଙ୍କ ସହିତ ଫେସବୁକରେ ‘ଅର୍ଗାନିକ ବଗିଚା’ ନାମକ ଏକ ଟିମ୍ ଗଠନ କରିଛନ୍ତି। ଯେଉଁଥିରେ ପ୍ରାୟ ତିରିଶ ହଜାର ଲୋକ ଯୋଗ ଦେଇଛନ୍ତି। ଏହି ଟିମ୍ ମାଧ୍ୟମରେ ଚାଷ ଏବଂ ଉଦ୍ୟାନ ସମ୍ବନ୍ଧୀୟ ଟିପ୍ସ ଦିଅନ୍ତି।
କିପରି ହେଲା ଆରମ୍ଭ
ନିଲା ପ୍ରଥମେ ଏକ ବାଲ୍ଟିରେ କମ୍ପୋଷ୍ଟ ଲଗାଇ କାକୁଡି ମଞ୍ଜି ପୋତିଥିଲେ। ପ୍ରାୟ ୪୦ ଦିନ ପରେ ଗଛରେ କାକୁଡି ହୋଇଥିଲା। ପରେ ସେ ଲଙ୍କା, ଟମାଟୋ, ଆଳୁ ଇତ୍ୟାଦି ଲଗାଇଲେ। ନୀଲା ରେନାଭିକରଙ୍କ ଅନୁଯାୟୀ, ମାଟି ବିନା ଚାଷରେ ପ୍ରମୁଖ ଲାଭ ଅଛି – ପ୍ରଥମେ କୀଟନାଶକ ବ୍ୟବହାର ନାହିଁ, ବିନା ମାଟିରେ ଅଧିକ ପୁଷ୍ଟିକର ଦେଇଥାଏ।
