Posted inଜାତୀୟ

‘ବାକ୍‌ ସ୍ବାଧୀନତା ସମ୍ପୂର୍ଣ୍ଣ ଅଧିକାର ନୁହେଁ’

ବମ୍ବେ,୧୩।୯(ପି.ଟି.): ଭାରତୀୟ ସମ୍ବିଧାନର ଧାରା-୧୯ରେ ଉଲ୍ଲେଖ ଥିବା ବାକ୍‌ ସ୍ବାଧୀନତା(ଫ୍ରିଡମ୍‌ ଅଫ୍‌ ସ୍ପିଚ୍‌ ଆଣ୍ଡ୍‌ ଏକ୍ସେପ୍ରେଶନ) ସମ୍ପୂର୍ଣ୍ଣ ଅଧିକାର ନୁହେଁ ବୋଲି ଶୁକ୍ରବାର ବମ୍ବେ ହାଇକୋର୍ଟ ଏକ ଗୁରୁତ୍ୱପୂର୍ଣ୍ଣ ରାୟରେ ପ୍ରକାଶ କରିଛନ୍ତି। ଏଥିସହିତ ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକ୍‌ରେ ଏବଂ ତାଙ୍କ ପୁତ୍ର ତଥା ମନ୍ତ୍ରୀ ଆଦିତ୍ୟ ଠାକ୍‌ରେଙ୍କ ବିରୋଧରେ ଟୁଇଟ୍‌ରେ ଅପମାନ ସୂଚକ ମନ୍ତ୍ରବ୍ୟ ଦେଇଥିବା ମହିଳାଙ୍କ ବିରୋଧରେ କୌଣସି କଠୋର କାର୍ଯ୍ୟାନୁଷ୍ଠାନ ନ ନେବାକୁ ହାଇକୋର୍ଟଙ୍କ ଯୁଗ୍ମ ଖଣ୍ଡପୀଠ ପ୍ରକାଶ କରିଛନ୍ତି। ସୁନୈନା ହୋଲେ(୩୮) ନାମ୍ନୀ ଜଣେ ମହିଳା ତାଙ୍କ ବିରୋଧରେ କରାଯାଇଥିବା ଏଫ୍‌ଆଇଆର୍‌କୁ ରଦ୍ଦ କରିବା ଉଦ୍ଦେଶ୍ୟରେ ଆଗତ କ୍ରିମିନାଲ ପିଟିଶନର ଶୁଣାଣି କରି ବିଚାରପତି ଏସ୍‌.ଏସ୍‌. ଶିନ୍ଦେ ଏବଂ ଏମ୍‌.ଏସ୍‌. କର୍ଣ୍ଣିକ ଏହି ରାୟ ପ୍ରକାଶ କରିଛନ୍ତି।
ପ୍ରକାଶ ଯେ, ସୁନୈନା ଭିନ୍ନ ଭିନ୍ନ ସମୟରେ ଟୁଇଟ୍‌ରେ ୩ଟି ପୋଷ୍ଟ କରିଥିଲେ। ସେଥିରୁ ଗୋଟିଏ ଏପ୍ରିଲରେ ଲକ୍‌ଡାଉନ ଆରମ୍ଭରେ କରିଥିଲେ। ସେଥିରେ ସେ ଏକ ଭିଡିଓ ପୋଷ୍ଟ କରିଥିଲେ। ଯେଉଁଥିରେ ଜଣେ ବ୍ୟକ୍ତି କୋଭିଡ୍‌-୧୯ ବିଫଳତା ପାଇଁ ପ୍ରଧାନମନ୍ତ୍ରୀଙ୍କୁ ଦାୟୀ କରିଥିଲେ ଏବଂ ଏହି ପୋଷ୍ଟରେ ସେ ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକ୍‌ରେଙ୍କୁ ମଧ୍ୟ ଟ୍ୟାଗ୍‌ କରିଥିଲେ। ଦ୍ୱିତୀୟ ଟୁଇଟ୍‌ରେ ସେ ଉଭୟ ପ୍ରଧାନମନ୍ତ୍ରୀ ମୋଦି ଏବଂ ମୁଖ୍ୟମନ୍ତ୍ରୀ ଉଦ୍ଧବଙ୍କ ବ୍ୟଙ୍ଗ କରିଥିଲେ। ସେହିପରି ତୃତୀୟ ଟୁଇଟ୍‌ରେ ସେ ଏକ ମେସେଜ୍‌ର ଉତ୍ତର ଦେଇଥିଲେ, ଯେଉଁଥିରେ ତାଙ୍କୁ ପଚରାଯାଇଥିଲା ଯେ, ସେ ଜଣେ ଉତ୍ତର ଭାରତୀୟ ହୋଇ ମହାରାଷ୍ଟ୍ରର ମନ୍ତ୍ରୀଙ୍କ ବିରୋଧରେ ଏପରି ସମାଲୋଚନା କିପରି କରୁଛନ୍ତି ଏବଂ ସେଥିରେ ସେ ଉତ୍ତର ଦେଇଥିଲେ ଯେ, ଯେହେତୁ ସେ ଭାରତୀୟ ସେ କୌଣସି ଭିନ୍ନତା ଅନୁଭବ କରୁନାହାନ୍ତି। ଏହାପରେ ତାଙ୍କ ବିରୋଧରେ ଆଇପିସି ଦଫା-୧୫୩(ଏ) (କୌଣସି ଧର୍ମ, ସମ୍ପ୍ରଦାୟ, ଜନ୍ମ ସ୍ଥାନ, ଭାଷାକୁ ନେଇ ବିଭିନ୍ନ ଗୋଷ୍ଠୀ ମଧ୍ୟରେ ଶତ୍ରୁତା ମନୋଭାବ ସୃଷ୍ଟି କରିବା), ୪୯୯(ମାନହାନୀ) ଏବଂ ୫୦୫(ସର୍ବସାଧାରଣରେ ସମ୍ମାନହାନୀ ଭଳି ମନ୍ତବ୍ୟ ଦେବା)ରେ ମାମଲା ରୁଜୁ ହୋଇଥିଲା। ଅତିରିକ୍ତ ସରକାରୀ ଓକିଲ ଜେ.ପି. ୟାଗ୍ନିକ କୋର୍ଟରେ କହିଥିଲେ ଯେ, ହୋଲିଙ୍କୁ ପୋଲିସ ଏବଂ ତଦନ୍ତକାରୀ ଅଧିକାରୀଙ୍କ ନିକଟରେ ଉପସ୍ଥିତ ରହିବାକୁ ନୋଟିସ୍‌ ଜାରି କରାଯାଇଥିଲେ ସୁଦ୍ଧା ହାଜର ହୋଇ ନ ଥିଲେ କିମ୍ବା ତଦନ୍ତରେ ସହଯୋଗ କରୁନାହାନ୍ତି। ଅପରପକ୍ଷରେ ହୋଲିଙ୍କ ଓକିଲ ଚନ୍ଦ୍ରଚୁଡ଼ କହିଥିଲେ ଯେ, ସେ ଗିରଫକୁ ଭୟ କରି ପୋଲିସ ନିକଟରେ ହାଜର ହୋଇ ନ ଥିଲେ। ଉକ୍ତ ମାମଲାର ବିଚାର କରି ଅଦାଲତ ହୋଲିଙ୍କୁ ୨ ସପ୍ତାହ ପର୍ଯ୍ୟନ୍ତ ଗିରଫ ନ କରିବାକୁ ପୋଲିସ ଏବଂ ତଦନ୍ତକାରୀ ସଂସ୍ଥାକୁ ନିର୍ଦ୍ଦେଶ ଦେଇଛନ୍ତି। ଆବେଦନକାରୀଙ୍କ ଆଇନ୍‌ଜୀବୀ ଚନ୍ଦ୍ରଚୁଡ଼ ଅଦାଲତରେ କହିଛନ୍ତି ଯେ, ହୋଲିଙ୍କ ଟୁଇଟ୍‌କୁ ନେଇ ଏବେ ରାଜନୀତି କରାଯାଉଛି। ତାଙ୍କର ବାକ୍‌ ସ୍ବାଧୀନତା ଉପରେ ଜାଣିଶୁଣି ଅଙ୍କୁଶ ଲଗାଯାଉଛି। ଏହାର ଉତ୍ତରରେ ଅଦାଲତ କହିଥିଲେ ଯେ, ବେଳେବେଳେ ନାଗରିକମାନେ ଭାବୁଛନ୍ତି ଯେ, ବାକ୍‌ ସ୍ବାଧୀନତା ତାଙ୍କର ସମ୍ପୂର୍ଣ୍ଣ ଅଧିକାର ଅଟେ। ସେମାନେ ଭୁଲି ଯାଉଛନ୍ତି ଯେ, ବାକ୍‌ ସ୍ବାଧୀନତାରେ ମଧ୍ୟ କିଛି କଟକଣା ରହିଥାଏ ବୋଲି ଖଣ୍ଡପୀଠ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ଦ୍ୱିତୀୟ ଡୋଜ୍‌ ଟିକା ନେଇନାହାନ୍ତି ୧୧ କୋଟି

ନୂଆଦିଲ୍ଲୀ, ୨୭।୧୦: ଦେଶର ସାବାଳକ ଜନସଂଖ୍ୟାର ୭୬ ପ୍ରତିଶତରୁ ଊର୍ଦ୍ଧ୍ୱ କୋଭିଡ୍‌ ଟିକାର ଅନୂ୍ୟନ ଗୋଟିଏ ଡୋଜ୍‌ ନେଇଥିବାବେଳେ ମାତ୍ର ୩୨ ପ୍ରତିଶତ ଦୁଇଟି ଡୋଜ୍‌...

ପ୍ରଧାନମନ୍ତ୍ରୀ ଦେଶଠାରୁ ଊର୍ଦ୍ଧ୍ୱରେ ନୁହନ୍ତି

ନୂଆଦିଲ୍ଲୀ,୨୭।୧୦: “କିଏ ପେଗାସସ୍‌କୁ ଆଣିଛି ? ଏହାଦ୍ୱାରା କେଉଁ ମାନଙ୍କୁ ଟାର୍ଗେଟ କରାଯାଇଛି ? ଅନ୍ୟ କୌଣସି ଦେଶ ପାଖରେ ଆମ ଲୋକଙ୍କ ତଥ୍ୟ ଅଛି...

ଗରିବ କୃଷକ ପରିବାରରୁ ରକେଟ୍‌ମ୍ୟାନ୍‌ ଶିବନ

ଚନ୍ଦ୍ରୟାନ-୨ର ଚନ୍ଦ୍ରପୃଷ୍ଠରେ ଅବତରଣ କରିବାର କିଛି କ୍ଷଣ ପୂର୍ବରୁ ଲ୍ୟାଣ୍ଡର ସହ ଯୋଗାଯୋଗ ବିଚ୍ଛିନ୍ନ ହେବାପରେ ଏହି ମିଶନକୁ ପୂର୍ଣ୍ଣ ସଫଳତା ମିଳିନଥିଲେ ବି ଭାରତୀୟ...

ବଞ୍ଚି ରହିଛି ଭାଇଚାରା: ଘର ଛାଡି ପଳାଉଥିବା ମୁସଲମାନ୍‌ଙ୍କୁ ସୁରକ୍ଷା ପ୍ରତିଶ୍ରୁତି ଦେଲେ ହିନ୍ଦୁ

ନୂଆଦିଲ୍ଲୀ, ୧।୩: ଦିଲ୍ଲୀରେ ଘଟିଥିବା ଭିଡ଼ ହିଂସାପରେ ଲୋକେ ନିଜର ସୁରକ୍ଷା ନେଇ ସନ୍ଦେହରେ ପଡ଼ିଛନ୍ତି। ଶାହିନ ବାଗ୍‌ଠାରୁ ମାତ୍ର ୨ କିମି ଦୂରରେ ଦକ୍ଷିଣ-ପୂର୍ବ...

ବାବ୍ରୀ ମସ୍‌ଜିଦ ଭଙ୍ଗ ମାମଲା: ସୁପ୍ରିମକୋର୍ଟଙ୍କୁ ଅଧିକ ସମୟ ମାଗିଲେ ବିଚାରପତି

ନୂଆଦିଲ୍ଲୀ, ୧୬ା୭: ବାବ୍ରୀ ମସ୍‌ଜିଦ ଭଙ୍ଗ ମାମଲାର ଶୁଣାଣି କରୁଥିବା ସ୍ବତନ୍ତ୍ର ବିଚାରପତି ଏସ୍‌.କେ. ଯାଦବ ଶୁଣାଣି ଶେଷ କରିବା ଲାଗି ସୁପ୍ରିମକୋର୍ଟଙ୍କୁ ଅଧିକ ସମୟ...

ମୋଦି ଚାହାନ୍ତି ‘ସର୍ଭିଲାନ୍ସ ଷ୍ଟେଟ୍‌’

କୋଲକାତା,୨୨ା୭(ପି.ଟି.): କେନ୍ଦ୍ରରେ କ୍ଷମତାସୀନ ମୋଦି ସରକାର ଏକ ‘ସର୍ଭିଲାନ୍ସ ଷ୍ଟେଟ୍‌’ ପ୍ରତିଷ୍ଠା କରିବାକୁ ଉଦ୍ୟମ ଚଳାଇଛନ୍ତି। ତେଣୁ ଏକଚ୍ଛତ୍ରବାଦୀ ଭାଜପା ସରକାରକୁ କ୍ଷମତାଚ୍ୟୁତ କରିବା ଲାଗି...

ଜାମିନ ପରେ ଦୀପ ସିଦ୍ଧୁ ଗିରଫ

ନୂଆଦିଲ୍ଲୀ, ୧୮ା୪: ଜାନୁୟାରୀ ୨୬ ଲାଲକିଲ୍ଲା ହିଂସା ମାମଲାରେ ଗିରଫ ପଞ୍ଜାବ ଅଭିନେତା ଦୀପ ସିଦ୍ଧୁଙ୍କୁ ଶନିବାର ଦିଲ୍ଲୀର ଏକ କୋର୍ଟ ଜାମିନ୍‌ ପ୍ରଦାନ କରିବାର...

ଦ୍ରୌପଦୀଙ୍କୁ ସମର୍ଥନ ଦେବେ ଶିନ୍ଦେଙ୍କ ସମର୍ଥକ

ମୁମ୍ବାଇ,୧୨।୭: ଦେଶରେ ରାଷ୍ଟ୍ରପତି ନିର୍ବାଚନକୁ ନେଇ ରାଜନୀତି ବେଶ୍‌ ସରଗରମ ରହିଛି। ରାଷ୍ଟ୍ରପତି ନିର୍ବାଚନରେ ଏନ୍‌ଡିଏ ପ୍ରାର୍ଥୀ ଦ୍ରୌପଦୀ ମୁର୍ମୁଙ୍କୁ ଶିବସେନା ସମ୍ପୂର୍ଣ୍ଣ ସମର୍ଥନ କରିବ।...

Advertisement
Archives

Model This Week