ପ୍ୟାରିସ, ୨୫।୯: ଆଫ୍ରିକୀୟ ଦେଶ ନାଇଜରରେ ସାମରିକ କ୍ଷମତା ଦଖଲର ପ୍ରାୟ ଦୁଇମାସ ପରେ ରାଷ୍ଟ୍ରପତି ଇମାନୁଏଲ ମାକ୍ରୋନ ରବିବାର ଘୋଷଣା କରିଛନ୍ତି ନାଇଜରରୁ ଫ୍ରାନ୍ସ ନିଜର ରାଷ୍ଟ୍ରଦୂତଙ୍କୁ ପ୍ରତ୍ୟାହାର କରିବାକୁ ନିଷ୍ପତ୍ତି ନେଇଛି। ସେ ଆହୁରି କହିଛନ୍ତି ଆଗାମୀ କିଛି ଘଣ୍ଟା ମଧ୍ୟରେ ଆମର ରାଷ୍ଟ୍ରଦୂତ ଏବଂ ଅନେକ କୂଟନୀତିଜ୍ଞ ଫ୍ରାନ୍ସକୁ ଫେରିବେ। ରାଷ୍ଟ୍ରପତି ମାକ୍ରୋନଙ୍କ ଅନୁଯାୟୀ ଫ୍ରାନ୍ସ ମଧ୍ୟ ଆସନ୍ତା ମାସରେ ନାଇଜରରୁ ନିଜର ସୈନ୍ୟ ପ୍ରତ୍ୟାହାର କରିବ।
ଫ୍ରାନ୍ସ ଟେଲିଭିଜନକୁ ଦେଇଥିବା ଏକ ସାକ୍ଷାତକାରରେ ରାଷ୍ଟ୍ରପତି ଇମାନୁଏଲ ମାକ୍ରୋନ କହିଛନ୍ତି ନାଇଜରରୁ ଫ୍ରାନ୍ସ ଏହାର ରାଷ୍ଟ୍ରଦୂତଙ୍କୁ ପ୍ରତ୍ୟାହାର କରିବାକୁ ନିଷ୍ପତ୍ତି ନେଇଛି। ଏହି ସମୟରେ ସେ କହିଛନ୍ତି ଆମର ରାଷ୍ଟ୍ରଦୂତ ଏବଂ ବହୁ କୂଟନୀତିଜ୍ଞ ଆସନ୍ତା କିଛି ଘଣ୍ଟା ମଧ୍ୟରେ ଫ୍ରାନ୍ସକୁ ଫେରିବେ। ସେ କହିଛନ୍ତି ନାଇଜରକୁ ସାମରିକ ସହାୟତା ସମାପ୍ତ ହୋଇଛି ଏବଂ ଫ୍ରାନ୍ସ ସୈନ୍ୟମାନେ ଆସନ୍ତା ସପ୍ତାହ ଏବଂ ମାସ ମଧ୍ୟରେ ଏବଂ ବର୍ଷ ଶେଷ ସୁଦ୍ଧା ସମ୍ପୂର୍ଣ୍ଣ ପ୍ରତ୍ୟାହାର କରିବେ।
ଏଥି ସହିତ ରାଷ୍ଟ୍ରପତି ମାକ୍ରୋନଙ୍କ ଏହି ବିବୃତ୍ତି ଉପରେ ପ୍ରତିକ୍ରିୟା ପ୍ରକାଶ କରି ନାଇଜରର ସାମରିକ ଶାସକମାନେ ଫ୍ରାନ୍ସର ଏହି ପଦକ୍ଷେପକୁ ସ୍ବାଗତ କରିଛନ୍ତି। ସାମରିକ ଶାସକମାନେ ଏହାକୁ ସାର୍ବଭୌମତ୍ୱ ଦିଗରେ ଏକ ବଡ ପଦକ୍ଷେପ ବୋଲି ମଧ୍ୟ କହିଛନ୍ତି। ଏହାପୂର୍ବରୁ ସାମରିକ ଶାସକମାନେ ନାଇଜରର ରାଷ୍ଟ୍ରପତି ମହମ୍ମଦ ବାଜୁମଙ୍କୁ ବଳପୂର୍ବକ କ୍ଷମତାରୁ ହଟାଇ ଦେଇଥିଲେ ଏବଂ ଫ୍ରାନ୍ସର ରାଷ୍ଟ୍ରଦୂତ ସିଲଭେନ ଇଟ୍ଟଙ୍କୁ ଦେଶ ଛାଡିବାକୁ କହିଥିଲେ।
ରାଷ୍ଟ୍ରପତି ଇମାନୁଏଲ ମାକ୍ରୋନ କହିଥିଲେ ନାଇଜରରେ ସାମରିକ ଶାସକ ଫ୍ରାନ୍ସର ରାଷ୍ଟ୍ରଦୂତଙ୍କୁ ବନ୍ଧକ ରଖିଛନ୍ତି।
