ଇଲଂଣ୍ଡ ପାଇଁ ୪ଟି ଟେଷ୍ଟ ଏବଂ ୧୫ଟି ଦିନିକିଆ ଅନ୍ତରାଷ୍ଟ୍ରିୟ ମ୍ୟାଚ୍ ଖେଳିସାରିଥିବା ପୂର୍ବତନ କ୍ରିକେଟର ରବିନ ଜ୍ୟାକ୍ମ୍ୟାନ୍ଙ୍କର ମୃତ୍ୟୁ ଘଟିଛି। ମୃତ୍ୟୁ ବେଳକୁ ତାଙ୍କୁ ୭୫ ବର୍ଷ ହୋଇଥିଲା। ଅନ୍ତରାଷ୍ଟ୍ରୀୟ କ୍ରିକେଟ ପରିଷଦ (ଆଇସିସି) ପକ୍ଷରୁ ଏହି ଶୁକ୍ରବାର ସୂଚନା ଦିଆଯାଇଛି।
ଆଇସିସି ସୂଚନା ଦେଇ କହିଛି, ଆମେ ମହାନ ସମୀକ୍ଷକ ତଥା ଇଂଲଣ୍ଡର ପୂର୍ବତନ ବୋଲର ରବିନ ଜ୍ୟାକେମ୍ୟାନଙ୍କ ମୃତ୍ୟୁରେ ଦୁଖିତ। ତାଙ୍କ ପରିବାର ଏକ ସାଙ୍ଗମାନଙ୍କୁ କ୍ରିକେଟ ଜଗତ ପକ୍ଷରୁ ସମବେଦନା।
ଜ୍ୟାକ୍ମ୍ୟାନ୍ ୧୯୬୬ରୁ ୧୯୮୨ ମଧ୍ୟରେ ୩୯୯ ଦିନିକିଆ ମ୍ୟାଚ୍ରେ ୧୪୦୨ ଓ୍ବିକେଟ୍ ନେଇଥିଲେ। କ୍ରିକେଟରୁ ଅବସର ପରେ ସେ ସ୍ତ୍ରୀଙ୍କ ସହ ଦକ୍ଷିଣ ଆଫ୍ରିକାରେ ରହିଥିଲେ। କ୍ରିକେଟ ପରେ ରବିନ୍ ଜଣେ ସମୀକ୍ଷକ ଭାବେ ବେଶ୍ ପ୍ରସିଦ୍ଧ ହୋଇଥିଲେ।
୧୯ ୭୪ରେ ଅନ୍ତରାଷ୍ଟ୍ରୀୟ କ୍ରିକେଟରୁ ଡେବ୍ୟୁ କରିଥିଲେ ଜ୍ୟାକ୍ମ୍ୟାନ୍।ଶେଷ ଥର ପାଇଁ ସେ ୧୯୮୩ରେ ଶେଷ ମ୍ୟାଚ୍ ଖେଳିଥିଲେ। ମାତ୍ର ତାଙ୍କର ଦିନିକିଆ କ୍ୟାରିୟର ୧୯୬୬ରୁ ଆରମ୍ଭ ହୋଇଥିଲା। ସେବେଠାରୁ ସେ ୧୯୮୨ ପର୍ଯ୍ୟନ୍ତ କ୍ରିକେଟ ଖେଳିଥିଲେ।
