କେସିଙ୍ଗା ,୨୨।୧(ତୁମେଶ୍ୱର ସାହୁ): କଳାହାଣ୍ଡି ଜିଲା କେସିଙ୍ଗା ବନ ଖଣ୍ଡ ଅଧିନସ୍ଥ ତହସିର ଗ୍ରାମ ସ୍ଥିତ କ୍ଷୁଦ୍ର ଜଳସେଚନ ପ୍ରକଳ୍ପ ଅଞ୍ଚଳରେରେ ମୃତ ହାତୀର ଖଣ୍ଡ ବିଖଣ୍ଡିତ ମୃତଦେହ ୭ଫୁଟ ମାଟି ତଳୁ ବନ ବିଭାଗ ଓ ପ୍ରାଣୀ ଚିକିତ୍ସା ବିଭାଗ କେସିଙ୍ଗା, ଭବାନୀପାଟଣାର ମିଳିତ ଉଦ୍ୟମରେ ଜେସିବି ଲଗାଇ ବୁଧବାର ଉଦ୍ଧାର କରାଯାଇଛି। ଏଠାରେ ବିଶେଷ ସୂଚନା ଯେ
କନ୍ଧମାଳ ବାଲିଗୁଡା ବନଖଣ୍ଡ ଅଞ୍ଚଳରୁ ମୃତ ହାତୀ ଚଳିତ ମାସ ୫ରେ ନିଖୋଜ ଥିବା ଘଟଣା ସାରା ରାଜ୍ୟରେ ଚର୍ଚ୍ଚା ଧରିଥିଲା। କଳାହାଣ୍ଡି କେସିଙ୍ଗା ତହଁସିର ଗ୍ରାମ ନିକଟରେ ଥୁବା କ୍ଷୁଦ୍ର ଜଳସେଚନ ପ୍ରକଳ୍ପ ନିକଟରେ ୭ଫୁଟ ତଳେ ଫୋତା ଯାଇଥିଲା କୌଣସି ସୂତ୍ରରୁ ବନ ବିଭାଗ ଖବର ପାଇ ଘଟଣା ସ୍ଥଳରେ ପହଞ୍ଚି ତଦନ୍ତ କରିଥିଲେ। ବନ ବିଭାଗ ଜାଣିବାରୁ ଜେସବି ଦ୍ୱାରା ମୃତଦେହ ୭ ଫୁଟ ମାଟି ତଳୁ ଖଣ୍ଡବିଖଣ୍ଡିତ ହାଡ଼ ଉଦ୍ଧାର କରାଯାଇଛି। କେସିଙ୍ଗା ଓ ଭବାନୀପାଟଣା ପ୍ରାଣୀ ଚିକିତ୍ସାଳୟ ପକ୍ଷରୁ ବୁଧବାର ରାତି ଯାଏ ଶବ ବ୍ୟବଛେଦ କରାଯାଇଥିବାର ଜଣାପଡ଼ିଛି। ଘଟଣା ସ୍ଥଳକୁ କୌଣସି ଗଣମାଧ୍ୟମକୁ ଛଡା ଯାଇ ନ ଥିଲା। ଏଠାରେ ସୂଚନାଯୋଗ୍ୟ ଯେ,
ନିଲମ୍ବିତ ରେଞ୍ଜର ବିନୟ ବିଶିଙ୍କ ଘର ହେଉଛି କେସିଙ୍ଗା ବ୍ଲକ କନ୍ତେଶିର ଗ୍ରାମ। ତାଙ୍କ ଗ୍ରାମ ନିକଟରୁ ମିଳିଲା କନ୍ଧମାଳ ରୁ ନିଖୋଜ ଥୁବା ମୃତ ହାତୀର ଦେହାବଶେଷ।
ହାତୀ ପୋତା ହୋଇଥିବା ସ୍ଥାନ ଜଣା ପଡିବା ପରେ ଏହି ଅପରେଶନକୁ ସମ୍ପୂର୍ଣ୍ଣ ଗୁପ୍ତ ରଖା ଯାଇଥିଲା । ପରେ ବନ ବିଭାଗ ପକ୍ଷରୁ ଗ୍ରୀନ ବେରିକେଟ କରି ଘୋଡାଇ ଦେଇଥିଲେ। କେସିଙ୍ଗା ପ୍ରାଣୀ ଚିକିତ୍ସାଳୟର ବିଶେଷଜ୍ଞ ମାନେ ସେହି ସ୍ଥାନରେ ଶବ ବ୍ୟବଚ୍ଛେଦ କରିଥିଲେ। ଏମିତି କି ଗଣ ମାଧ୍ୟମ ପ୍ରତିନିଧି ଙ୍କୁ ଫୋଟୋ ଉଠାଇବାକୁ ମଧ୍ୟ ମନା କରାଯାଇ ଥିଲା। ବାଲିଗୁଡା ଡି. ଏଫ. ଓ. ଙ୍କ ନେତୃତ୍ୱରେ ଏହି ଅପରେଶନ ହୋଇଥିଲା। କଳାହାଣ୍ଡି ଉତ୍ତର ବନଖଣ୍ଡ ଡି. ଏଫ .ଓ .କନ୍ଧମାଳ ଜିଲାର ଅପରେସନ ହେଉଛି ବୋଲି କହିଥିଲେ। କନ୍ଧମାଳ ଜିଲ୍ଲାରୁ ଆସିଥିବା ବନ ବିଭାଗ ଅଧିକାରୀମାନେ ସୂଚନା ଦେବା ପାଇଁ ମନା କରିଥିଲେ। ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ଏତେବଡ଼ ସମ୍ବେଦନଶୀଳ ଘଟଣାରେ ଅପରେଶନ ବେଳେ ରାତି ହୋଇଥିଲେ ବି ମୋବାଇଲ ଲାଇଟରେ କିପରି ବ୍ୟବଚ୍ଛେଦ କରିଥିଲେ? ଆରମ୍ଭରୁ ଏହି ଘଟଣାରେ ବନ ବିଭାଗର ତଦନ୍ତ ନେଇ ସନ୍ଦେହ ସୃଷ୍ଟି ହୋଇଛି। ଘଟଣାରେ ସଂଶ୍ଳିଷ୍ଟ ଥବା ରେଞ୍ଜର ବିନୟ ବିଶଙ୍କୁ ନିଲମ୍ବିତ କରିଥିବାବେଳେ ତାଙ୍କ ଗାଁ ନିକଟରୁ ମିଳିଛି ମୃତ ହାତୀର ଖଣ୍ଡ ବିଖଣ୍ଡିତ ଦେହାବଶେଷ।
ଏ ସଂକ୍ରାନ୍ତରେ କେସିଙ୍ଗା ରେଞ୍ଜର ସ୍ନିଗ୍ଧାରାଣୀ ବଳିୟାର ସିଂ ଙ୍କୁ ପଚାରିବାରୁ ଡ଼ି ଏଫ ଓ ପ୍ରେସ ମିଟ ଦ୍ୱାରା ସୂଚନା ଦେବେ ବୋଲି ପ୍ରକାଶ କରିଥିଲେ।
Dharitri – The Largest & Most Trusted Odia Daily
