ଇସଲାମାବାଦ,୧୩ା୩: ପାକିସ୍ତାନ ଇତିହାସରେ ପ୍ରଥମଥର ପାଇଁ ସରକାର ତୋସାଖାନାଙ୍କ ଉପହାରର ରେକର୍ଡ ସାର୍ବଜନୀନ କରିଛନ୍ତି।
ଏକ ରିପୋର୍ଟ ଅନୁଯାୟୀ, ୪୪୬ ପୃଷ୍ଠା ସମ୍ବଳିତ ତଥ୍ୟରେ ୨୦୦୨ରୁ ୨୦୨୩ ମଧ୍ୟରେ ରେକର୍ଡ ରହିଛି। ପାକିସ୍ତାନର ରାଷ୍ଟ୍ରପତି, ପ୍ରଧାନମନ୍ତ୍ରୀ ଏବଂ ମନ୍ତ୍ରୀମାନେ ଗ୍ରହଣ କରିଥିବା ଉପହାର ତାଲିକା ସାର୍ବଜନୀନ କରାଯାଇଛି।
ଏଥିମଧ୍ୟରୁ ଇମ୍ରାନ ଖାନ୍ ୮୫ ମିଲିୟନ ପାକିସ୍ତାନୀ ମୂଲ୍ୟର ଏକ ହୀରା-ସୁନା ଘଣ୍ଟା କିଣିଛନ୍ତି। ସେହିପରି ପୂର୍ବତନ ରାଷ୍ଟ୍ରପତି ଜେନେରାଲ (ଅବସରପ୍ରାପ୍ତ) ପରଭେଜ ମୁଶାରଫ, ପୂର୍ବତନ ପ୍ରଧାନମନ୍ତ୍ରୀ ସୌକତ ଅଜିଜ୍, ୟୁସୁଫ୍ ରାଜା ଗିଲାନି, ରାଜା ପରଭେଜ ଅଶ୍ରଫ୍, ନଓ୍ବାଜ ସରିଫଙ୍କ ଦ୍ୱାରା ଦିଆଯାଇଥିବା ଉପହାରଗୁଡ଼ିକରେ ରେକର୍ଡ କରାଯାଇଛି। ଏହି ରେକର୍ଡରେ ଦର୍ଶାଯାଇଛି ଯେ, କେବଳ ଇମ୍ରାନ ୮.୫ କୋଟି ମୂଲ୍ୟର ହୀରା-ସୁନା ଘଣ୍ଟା, ୧୫ ଲକ୍ଷ ମୂଲ୍ୟର କଲମ ଏବଂ ୮୭ ଲକ୍ଷ ମୂଲ୍ୟର ମୁଦି କିଣିଛନ୍ତି।
