ଦାରିଙ୍ଗବାଡି,୨୪।୧୧(ଅରୁଣ ସାହୁ): ଗୋଟିଏ ପଟେ ଲଘୁଚାପର ପ୍ରଭାବରେ ପ୍ରଭାବିତ ହୋଇ ଶୀତ ଲୁଚକାଳି ଖେଳୁଥିବାବେଳେ ଏହାର ପ୍ରଭାବ କନ୍ଧମାଳ ଜିଲା ଦାରିଙ୍ଗବାଡି ଅଞ୍ଚଳରେ ଦେଖିବାକୁ ମିଳିଛି। ଗତ ୨ ଦିନ ହେଲା ଅଞ୍ଚଳରେ ସକାଳୁଆ ଶୀତ କୁହୁଡିର ପ୍ରଭାବରେ ହେଉଥିବା କୁହାଯାଉଛି। ଘନ କୁହୁଡି ଯୋଗୁ ଗାଡି ମୋଟର ଯାତାୟତରେ ସମସ୍ୟା ଦେଖାଯାଇଛି। ପ୍ରାୟ ୧୦ ମିଟର ଆଗକୁ ଦୃଶ୍ୟ ହେବା ସମ୍ଭବ ହେଉ ନ ଥିବା ଜଣାପଡିଛି। କୁହୁଡି ଯୋଗୁ ଶୀତ ଦ୍ବିଗୁଣିତ ହୋଇଛି। ଝିପି ଝିପି ବର୍ଷା ଭଳି କୁହୁଡି ଯୋଗୁ ଯାତାୟାତବେଳେ ବାଇକ ଆରୋହୀ ସମ୍ପୂର୍ଣ୍ଣ ଓଦା ହେଉଥିବା କହିଛନ୍ତି। ତେବେ ଲଘୁଚାପ ଯୋଗୁ ତାପମାତ୍ରା ଉପରମୁହାଁ ହୋଇ ରବିବାର ୧୫ ଡିଗ୍ରୀରେ ପହଞ୍ଚିଥିବାବେଳେ ସୋମବାର ସକାଳୁ ୨ ଡିଗ୍ରୀ ତାପମାତ୍ରା ହ୍ରାସ ପାଇ ୧୩ ଡିଗ୍ରୀ ରହିଥିବା ବ୍ଲକ କାର୍ଯ୍ୟାଳୟ ସୂତ୍ରରୁ ଜଣାପଡିଛି।
Dharitri – Odisha’s No.1 Odia Daily
