Advertisement

ଚୁକ୍ତି ପାଇଁ ଅଟକିଛି ଯୋଡ଼ା ଫ୍ଲାଏଓଭର କାମ

ଯୋଡା, ୧୬।୧୨(ଡି.ଏନ.ଏ.)-କେନ୍ଦୁଝର ଜିଲା ଖଣିବହୁଳ ଯୋଡା ସହରରେ ଗତ ନଭେମ୍ବର ୧୨ ରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଦ୍ୱାରା ଭିଡିଓ କନ୍‌ଫରେନ୍ସିଂ ଜରିଆରେ ଏକ ଫ୍ଲାଏଓଭର ନିର୍ମାଣର ଶୁଭାରମ୍ଭ କରାଯାଇଥିଲା। ପ୍ରାୟ ୨୦୬.୦୨ କୋଟି ଟଙ୍କା ବ୍ୟୟ ଅଟକଳରେ ୪.୮୭୫ କିଲୋମିଟର ଦୈର୍ଘ୍ୟ ବିଶିଷ୍ଟ ଫ୍ଲାଏଓଭର ଯୋଡା ସହର ଡିଏଭି ସ୍କୁଲ ନିକଟରୁ ଯୋଡା ସରକାରୀ ଡାକ୍ତରଖାନା ପର୍ଯ୍ୟନ୍ତ ନିର୍ମାଣ ହେବ। ହେଲେ ଏବେ ଏହି ଫ୍ଲାଏଓଭର ନିର୍ମାଣ ଅନିଶ୍ଚିତତା ଘେରରେ ରହିଛି। ଏହା କେବେ ଆରମ୍ଭ ହେବ ଏବଂ କେବେ ସମ୍ପୂର୍ଣ୍ଣ ହେବ ଏନେଇ ଅଞ୍ଚଳବାସୀଙ୍କ ମନରେ ପ୍ରଶ୍ନବାଚୀ ସୃଷ୍ଟି କରୁଛି। ଏ ସମ୍ପର୍କରେ ସବିଶେଷ ତଥ୍ୟରୁ ଜଣାପଡିଛି ଯେ, ଓଡିଶା ବ୍ରିଜ୍‌ କନଷ୍ଟ୍ରକ୍ସନ କର୍ପୋରେସନ ଲିମିଟେଡ(ଓବିସିସିଏଲ) ପକ୍ଷରୁ ଏହାର ନିର୍ମାଣ ପାଇଁ ଟେଣ୍ଡର କରାଯାଇଥିଲା, ଏହି ଟେଣ୍ଡରରେ ଗୁଜୁରାଟର ଏକ କମ୍ପାନି କାମ ହାତେଇଛିି। ହେଲେ ଟେଣ୍ଡରରେ କାର୍ଯ୍ୟ ହାତେଇଥିବା ଠିକା ସଂସ୍ଥା ସହିତ ଓବିସିସିଏଲର ନିର୍ମାଣ ଚୁକ୍ତି ଏଯାଏ ହୋଇନାହିଁ। ତେଣେ ଯୋଡାର ପିଡବ୍ଲ୍ୟୁଡି ଡାକ ବଙ୍ଗଳାରେ ଅସ୍ଥାୟୀ ଭାବେ ଓବିସିସିଏଲ ପକ୍ଷରୁ ଏକ କାର୍ଯ୍ୟାଳୟ କରାଯାଇ ଜଣେ କନିଷ୍ଠ ଯନ୍ତ୍ରୀ ଓ ଜଣେ କର୍ମଚାରୀ ଅବସ୍ଥାପିତ ଅଛନ୍ତି। କନିଷ୍ଠ ଯନ୍ତ୍ରୀ ଧନେଶ୍ୱର ମାଝୀଙ୍କୁ ପଚାରିବାରୁ ଫ୍ଲାଏଓଭରଟି ୧୨ ମିଟର ଚଉଡା ବିଶିଷ୍ଟ ହେବ, ଏହା ସହିତ ଫ୍ଲାଏଓଭର ତଳେ ଦୁଇଟି ସର୍ଭିସ୍‌ ରୋଡ ଉଭୟ ପାର୍ଶ୍ୱରେ ୫.୫ ମିଟର ଚଉଡ଼ାରେ ଦୁଇ ଗୋଟି ରାସ୍ତା ନିର୍ମାଣ ହେବ। ସର୍ଭିସ୍‌ ରୋଡର ଦୁଇ ପାର୍ଶ୍ୱରେ ୫.୫ ମିଟର ପରେ ଉଭୟ ପାର୍ଶ୍ୱରେ ଡ୍ରେନ ନିର୍ମାଣ ହେବ ା ରାସ୍ତା ପ୍ରଶସ୍ତିକରଣ ପାଇଁ ଏବଂ ଆବଶ୍ୟକ ଜମିର ଅଧିଗ୍ରହଣ ପାଇଁ ଖୁବ୍‌ଶୀଘ୍ର ପଦକ୍ଷେପ ଗ୍ରହଣ କରାଯିବ। ଏଥି ସହିତ ରାସ୍ତା କଡରେ ଥିବା ଟେଲିଫୋନ୍‌ ଖୁଣ୍ଟ, ଇଲେକ୍ଟ୍ରିକ୍‌ ଖୁଣ୍ଟ, ରାସ୍ତା କଡର ଗଛ ପ୍ରଭୃତିକୁ ହଟାଇବା ପାଇଁ ଓବିସିସିଏଲ ପକ୍ଷରୁ ନେସ୍କୋ, ଓପିଟିସିଏଲ, ବିଏସ୍‌ଏନଏଲ, ବନ ବିଭାଗ, ଯୋଡା ପୌରପାଳିକାକୁ ଚିଠି ଦିଆଯାଇଛି ବୋଲି ସମ୍ପୃକ୍ତ କନିଷ୍ଠ ଯନ୍ତ୍ରୀ କହିଛନ୍ତି। ତେବେ ଏହି ଫ୍ଲାଏଓଭର ନିର୍ମାଣ ସମୟରେ ଏକ ଶିଳ୍ପ ପ୍ରତିଷ୍ଠାନ ଦ୍ୱାରା ମାଟି ତଳେ ଯାଇଥିବା କାରଖାନାର ସ୍ଲୋରି ପାଇପ୍‌ ଲାଇନ୍‌ ନିର୍ମାଣରେ ବ୍ୟାଘାତ ସୃଷ୍ଟି କରିବ ବୋଲି ଯୋଡା ବିକାଶ ପରିଷଦର ସଭାପତି ନିରଞ୍ଜନ ବହିଦାର ପ୍ରକାଶ କରିଛନ୍ତି। ଓବିସିସିଏଲ୍‌ ଠାରୁ କାର୍ଯ୍ୟ ପାଇଥିବା ଗୁଜରାଟର ଏକ ଠିକା ସଂସ୍ଥାର ଚୁକ୍ତି ସ୍ବାକ୍ଷରିତ ହେବା ପରେ କାର୍ଯ୍ୟ ଆରମ୍ଭ ଓ ସମ୍ପୂର୍ଣ୍ଣ ସମୟର ସୀମା ନିର୍ଦ୍ଧାରଣ ହେବ ବୋଲି ଓବିସିସିଏଲ୍‌ର ଅସ୍ଥାୟୀ କାର୍ଯ୍ୟାଳୟ ପକ୍ଷରୁ ସୂଚନା ମିଳିଛି।
ଫଟୋ-ଯୋଡ଼ା


Enter your email to get our daily news in your inbox.

All Right Reserved By Dharitri.Com

ରତ୍ନଗର୍ଭାରୁ ମୁହଁ ଫେରାଉଛନ୍ତି ପର୍ଯ୍ୟଟକ

ବରୀ,୨୩।୧(ଡି.ଏନ.ଏ.): ଯାଜପୁର ଜିଲାର ବିଶ୍ୱପ୍ରସିଦ୍ଧ ରତ୍ନଗିରି, ଉଦୟଗିରି ଓ ଲଳିତଗିରି ବୌଦ୍ଧପୀଠ ମଧ୍ୟରେ ରତ୍ନଗିରିର ରହିଛି ସ୍ବତନ୍ତ୍ର ପରିଚୟ। ରତ୍ନଗର୍ଭା ବୋଲି କୁହାଯାଉଥିବା ଏହି ବୌଦ୍ଧପୀଠରେ...

ସମଲେଇ ମନ୍ଦିର ସାନିଟାଇଜ୍‌ କରିବାକୁ ପୂଜକଙ୍କ ଦାବି

ସମ୍ବଲପୁର, ୨।୪ (ବ୍ୟୁରୋ)-କରୋନା ଭୂତାଣୁ ଯୋଗୁଁ ଦୋକାନ, ବଜାର, ରାସ୍ତା ସେନିଟାଇଜ କରାଯାଉଛି। ସମ୍ବଲପୁରର ଇଷ୍ଟଦେବୀ ସମଲେଇ ମନ୍ଦିରକୁ ମଧ୍ୟ କରୋନା କଟକଣା ପୂର୍ବରୁ ରାଜ୍ୟ...

ବୈତରଣୀ ସେତୁ ପ୍ରତି ବିପଦ

ଯାଜପୁର ଅଫିସ/କୋରେଇ(ସ୍ବ.ପ୍ର.),୫।୨: ଯାଜପୁର, କେନ୍ଦୁଝର ଓ ଭଦ୍ରକ ଜିଲାର ସୀମାରେଖା ଭାବେ ବୈତରଣୀ ନଦୀ ପରିଚିତ। ଏହି ୩ ଜିଲା ମଧ୍ୟରେ ଗମନାଗମନ ଓ ଯୋଗାଯୋଗର...

ପ୍ରସୂତିଙ୍କୁ ରକ୍ତ ଦେଇ ଜୀବନ ବଞ୍ଚାଇଲେ ସରପଞ୍ଚ, ସାଧାରଣରେ ପ୍ରଶଂସା

ମାଲକାନଗିରି, ୨୩ା୬(ଡି.ଏନ.ଏ.): ମାଲକାନଗିରି ଜିଲାର ଜଣେ ଯୁବ ସରପଞ୍ଚ ନନ୍ଦ କୁମାର ଆଜମେରା । ଜଣେ ପ୍ରସୂତି ମହିଳାଙ୍କୁ ଶନିବାର ରକ୍ତଦାନ କରି ସେ ମୃତ୍ୟୁମୁଖରୁ...

କରୋନା ଯୋଗୁ ଗୋରୁଗାଈ ଓପାସରେ

ସମ୍ବଲପୁର, ୧୧।୪ (ବ୍ୟୁରୋ)- କରୋନା ଭୂତାଣୁ ପ୍ରତିଷେଧକ ଭାବେ ସମ୍ବଲପୁରରେ ଲକ୍‌ ଡାଉନ ଜାରି ରହିଛି । ଗରିବ ଜନସାଧାରଣଙ୍କୁ ଜିଲା ପ୍ରଶାସନ ଓ ବିଭିନ୍ନ...

ଗଞ୍ଜାମ ଜିଲାକୁ ବନ୍ଦ ହେଲା ଟ୍ରେନ୍‌ ସେବା

ଭୁବନେଶ୍ୱର, ୮ା୭(ବ୍ୟୁରୋ)-ଗଞ୍ଜାମରେ କୋଭିଡ-୧୯ ସଂକ୍ରମଣର ଭୟାବହତାକୁ ଦୃଷ୍ଟିରେ ରଖି ଜିଲାରେ ଟ୍ରେନ୍‌ ସେବାକୁ ବନ୍ଦ କରାଯାଇଛି। ସଂକ୍ରମଣକୁ ରୋକିବା ପାଇଁ ଗଞ୍ଜାମ ଜିଲାର ସମସ୍ତ ଷ୍ଟେସନ...

ଲକ୍‌ଡାଉନ ଉଲଂଘନ, ୫୧ ଗାଡି ଜବତ

ବୌଦ୍ଧ, ୧୫ା୪(ସ୍ବ.ପ୍ର): ଲକଡାଉନ ନିୟମ ଅମାନିଆ ବାଇକ ଚାଳକଙ୍କୁ ସାବାଡ କରିବାକୁ ବୌଦ୍ଧ ପୋଲିସ ପକ୍ଷରୁ ଉଦ୍ୟମ ହୋଇଛି। ବୁଧବାର ପୋଲିସ ପକ୍ଷରୁ ବିଭିନ୍ନ ଛକରେ...

ପ୍ରଶାସନକୁ ଘାରିଛି ଗୋଷ୍ଠୀ ସଂକ୍ରମଣ ଭୟ: ୩ ପଞ୍ଚାୟତ ଶଟ୍‌ଡାଉନ୍‌

ନିଶ୍ଚିନ୍ତକୋଇଲି,୧୪ା୬(ସ୍ବ.ପ୍ର.) : କଟକ ଜିଲା ନିଶ୍ଚିନ୍ତକୋଇଲି ବ୍ଲକରେ ଆକ୍ରାନ୍ତଙ୍କ ସଂଖ୍ୟା ବଢ଼ିବାରେ ଲାଗିଛି। ୪ ପ୍ରବାସୀ ହୋମ୍‌ କ୍ୱାରାଣ୍ଟାଇନ୍‌ରେ ଥାଇ ଗ୍ରାମ, ବଜାରରେ ବହୁ ଲୋକ...

Advertisement
Archives

Model This Week