ପ୍ଲାଷ୍ଟିକ ବୋତଲରେ ଫୁଲବଗିଚା

ପୁରୀ ଅଫିସ, ୧।୮:  ପ୍ରତି ତାଙ୍କର ଆଗ୍ରହ ଥିଲା। ଆଉ ତାଙ୍କ ହାତରେ ଗଛ ଭଲ ହୁଏ ବୋଲି ମା’ କୁହନ୍ତି। ତେଣୁ ବର୍ଷାଦିନେ ତାଙ୍କ ଘରବାଡ଼ିିରେ ଯେଉଁ ଗଛ ଲଗାଯାଏ ତାକୁ ସେ ହିଁ ଲଗାଇଥାନ୍ତି। ଏବେବି ତାଙ୍କର ଏହି ଆଗ୍ରହ ଜାରି ରହିଛି। ରେଲୱେରେ କାମ କରୁଥିଲେ ବି ଫୁରସତ୍‌ ସମୟ ବାହାର କରି ଗଛ ଲଗାଉଛନ୍ତି। ସବୁଠୁ ବଡ଼ କଥା ହେଉଛି ବାହାରେ ଫିଙ୍ଗାଯାଉଥିବା ପ୍ଲାଷ୍ଟିକ ବୋତଲକୁ ବ୍ୟବହାର କରି ସେଥିରେ ବିଭିନ୍ନ ପ୍ରକାର ଗଛ ଲଗାଇଛନ୍ତି। ଏମିତି ଜଣେ ବୃକ୍ଷପ୍ରେମୀ ମଣିଷ ହେଉଛନ୍ତି କାମଦେବ ମହାରଣା। ପରିବେଶ ପ୍ରତି ତାଙ୍କର ଦୁର୍ବଳତା ଯୋଗୁ ଅନେକେ ତାଙ୍କୁ ନେଚର ମ୍ୟାନ୍‌ ବୋଲି ଡାକିଥାନ୍ତି। ଅସ୍ତରଙ୍ଗ ବଡ଼ଗୋଲା ଅଞ୍ଚଳର କାମଦେବ ରେଲ୍‌ଓ୍ବେରେ ଗେଟ୍‌ କିପର ଭାବେ କାମ କରୁଛନ୍ତି। ପୁରୀ ସିଦ୍ଧମହାବୀର ଲେଭଲ କ୍ରସିଂରେ କାର୍ଯ୍ୟରତ କାମଦେବ ଏହି ଲେଭଲ କ୍ରସିଂ ଅଫିସକୁ ସୌନ୍ଦର୍ଯ୍ୟପୂର୍ଣ୍ଣ କରିଦେଇଛନ୍ତି। ବାହାରେ ଫିଙ୍ଗାଯାଉଥିବା ସିଙ୍ଗଲ ୟୁଜ୍‌ଡ ପ୍ଲାଷ୍ଟିକ ବୋତଲକୁ ସେ ଗୋଟାଇ ଆଣି ସେଥିରେ ଫୁଲଗଛ ଲଗାଇ ବଗିଚା ଭଳି ସଜାଇଛନ୍ତି। କାମଦେବ କହିଛନ୍ତି, ଅନେକ ସମୟରେ ପାସେଞ୍ଜରମାନେ ଟ୍ରେନରେ ପାଣି ପିଇସାରି ଖାଲି ବୋତଲ ଫିଙ୍ଗି ଦେଇଥାନ୍ତି। ଏହି ବୋତଲକୁ କିପରି ବ୍ୟବହାର କରିହେବ ଚିନ୍ତା କରି ସେଥିରେ ଗଛ ଲଗାଇବାର ନିଜ ଆଗ୍ରହକୁ ସେ ସଫଳ କରିଛନ୍ତି। ବୋତଲକୁ କାଟି ସେଥିରେ ମାଟି, ଗୋଡ଼ି ଦେଇ ବିଭିନ୍ନ ପ୍ରକାର ଫୁଲ ଗଛ ଲଗାଇଛନ୍ତି। ଲୁହା ତାର ଦେଇ ଏହି ଗଛଗୁଡ଼ିକୁ ଗ୍ରୀଲରେ ଝୁଲାଇଛନ୍ତି। ସବୁଦିନ ଡ୍ୟୁଟିକୁ ଆସିବା ପରେ ପ୍ରଥମେ ଗଛଗୁଡ଼ିକରେ ପାଣି ଦେଇ ଯତ୍ନ ନିଅନ୍ତି। ଲେଭଲ କ୍ରସିଂ ଅଫିସକୁ ଏକ ବଗିଚାର ରୂପ ଦେଇଛନ୍ତି। ଏଥିରେ ତାଙ୍କୁ ସହକର୍ମୀମାନେ ବି ସହଯୋଗ କରନ୍ତି।
କାମଦେବଙ୍କ ମତରେ ବର୍ଜ୍ୟବସ୍ତୁର ଉଚିତ ବ୍ୟବହାର କରିପାରିଲେ ତାହା ପରିବେଶ ଅନୁକୂଳ ହୋଇପାରିବ। ବର୍ତ୍ତମାନ କରୋନା ଯୋଗୁ ବେଶି ଟ୍ରେନ୍‌ ଚଳାଚଳ କରୁ ନ ଥିବାରୁ ସେ ବିଭିନ୍ନ ଗଛ ଲଗାଇ ସେମାନଙ୍କ ଯତ୍ନ ନେବାରେ ସମୟ କାଟୁଛନ୍ତି। ଫନୀ ବାତ୍ୟାରେ ଏହି ଗେଟ୍‌ ଅଫିସ ଭାଙ୍ଗିଯାଇଥିଲା। ଏହା ପୁନଃ ନିର୍ମାଣ ହେବା ପରେ ସେଥିରେ ଗଛ ଲଗାଇବା ଆରମ୍ଭ କରିଥିଲେ। ଏବେ ବିଭିନ୍ନ ପ୍ରକାର ହ୍ୟାଙ୍ଗିଙ୍ଗ୍‌ ପ୍ଲାଣ୍ଟ ସହ ଗୋଲାପ, ମନ୍ଦାର ଆଦି ଗଛ ଲଗାଇଛନ୍ତି। ଏହାବ୍ୟତୀତ କ୍ରୋଟନ ଗଛ ବି ରହିଛି। କେବଳ ତାଙ୍କ ଅଫିସ ନୁହେଁ, ନିଜେ ରହୁଥିବା ପିକେଆର୍‌ଆଇଟି ଘରକୁ ବି ଏମିତି ଫୁଲ ଓ ଫଳ ଗଛରେ ସେ ସଜାଇଛନ୍ତି। କେବଳ ଗଛ ପ୍ରତି ତାଙ୍କର ଯେ ଭଲ ପାଇବା ରହିଛି ତା ନୁହେଁ, ସମୟ ପାଇଲେ ସେ କବିତା ଲେଖିଥାନ୍ତି। ଏକାଧିକ ସାହିତ୍ୟ ଆସର ଓ କବି ସମ୍ମିଳନୀରେ ଭାଗ ନେଇଥିବା କାମଦେବଙ୍କର ତିନୋଟି କବିତା ପୁସ୍ତକ (କବି, ଛାଇ ସହ ସବୁଦିନ ଓ କଫି ବଗିଚା) ମଧ୍ୟ ପ୍ରକାଶ ପାଇଛି।


Enter your email to get our daily news in your inbox.

All Right Reserved By Dharitri.Com

ଜିଲାରେ ୨୬୪.୬ ମିମି ବର୍ଷା: ରାଜପଥରେ ଆଣ୍ଠୁଏ ପାଣି

ଅନୁଗୋଳ ଅଫିସ, ୯।୯ :ଲଗାଣ ବର୍ଷା ପରେ ରବିବାର ସକାଳୁ ପାଗ ଟିକେ ଶୁଖିଲା ଥିଲା। ଏପରି କି ମଧ୍ୟାହ୍ନ ପର୍ଯ୍ୟନ୍ତ ସହରର ପାଗ ଭଲ...

ବିଶୁଦ୍ଧିକରଣ ହେଲା ମୁଖ୍ୟରାସ୍ତା

ଫୁଲବାଣୀ ଅଫିସ, ୨ା୪- କନ୍ଧମାଳ ଜିଲା ଫୁଲବାଣୀ ସହରର ମୁଖ୍ୟ ରାସ୍ତାଗୁଡ଼ିକୁ ବିଶୋଧନ କରାଯାଇଛି। ପୌର ପରିଷଦ ଓ ଅଗ୍ନିଶମ ବିଭାଗର କର୍ମଚାରୀ ହାଇପୋ କ୍ଲୋରାଇଡ଼...

ବିଧାୟକଙ୍କ ସହ ସ୍ତ୍ରୀ ମଧ୍ୟ କାଟିଲେ ଧାନ

ନବରଙ୍ଗପୁର,୨୮।୧୦(ବି.ପ୍ର.): ଉମରକୋଟ ବିଧାୟକ ନିତ୍ୟାନନ୍ଦ ଗଣ୍ଡ ନିଜର ନିଆରା କାର୍ଯ୍ୟଶୈଳୀକୁ ନେଇ ପ୍ରାୟ ସବୁବେଳେ ଚର୍ଚ୍ଚାରେ ରହିଆସିଛନ୍ତି। ବିଧାୟକ ତାଙ୍କ ବ୍ୟସ୍ତ ବହୁଳ ଜୀବନରୁ ସମୟ...

ସ୍କୁଲରେ ଛାତ୍ରଙ୍କୁ ତାଲା ପକାଇବା ଘଟଣା: ତଦନ୍ତ କରି କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଡିଇଓଙ୍କୁ ନିର୍ଦ୍ଦେଶ

ଭୁବନେଶ୍ୱର/ବାଲେଶ୍ୱର ଅଫିସ,୧୨।୯ (ବ୍ୟୁରୋ): ବାଲେଶ୍ୱର ସହର ମଠସାହି ମହାବୀର ନୋଡାଲ ସ୍କୁଲରେ ପ୍ରଥମ ଶ୍ରେଣୀ ଛାତ୍ରଙ୍କୁ ତାଲା ପକାଇ ପଳାଇବା ଘଟଣାରେ ସ୍କୁଲ ଓ ଗଣଶିକ୍ଷା...

ନାଗାବେଶରୁ ହୋଇଛି ନାଁ

ପୁରୀ ଅଫିସ, ୨୭।୧୧: ଦାରୁଦିଅଁଙ୍କ ନାଗାର୍ଜୁନ ବେଶ ଖୁବ୍‌ ଆକର୍ଷଣୀୟ ଓ ମନୋମୁଗ୍ଧକର। ଏହି ବେଶରେ ଠାକୁରମାନେ ଯାହା ବିଭୂଷିତ ହୁଅନ୍ତି ତାହାକୁ କାରିଗରମାନେ ନିଷ୍ଠା...

ଅଭିଯୁକ୍ତ ଗ୍ରାମ ସଭାପତି ଗିରଫ

ଢେଙ୍କାନାଳ ଅଫିସ, ୨୧।୩ ଆଇଆର୍‌ବି ହାବିଲଦାର ରାମଚନ୍ଦ୍ର ସାହୁ ହତ୍ୟା ଘଟଣାର ମୁଖ୍ୟ ଅଭିଯୁକ୍ତ ତଥା ଗ୍ରାମ ସଭାପତି ଶ୍ରୀକାନ୍ତ ସାହୁ ଶୁକ୍ରବାର ଧରାପଡ଼ିଛନ୍ତି। ପାରିଖେଦା...

ସମସ୍ୟା ଥିଲେ ଜଣାଅ: ଏସ୍‌ପି

ଅନୁଗୋଳ ଅଫିସ, ୨୯।୩ – ଲକ୍‌ଡାଉନ୍‌ ବେଳେ ଅନୁଗୋଳ ଜିଲାବାସୀଙ୍କୁ ସହାୟତା ପାଇଁ ପୋଲିସ ଓ ପ୍ରଶାସନ ସର୍ବଦା ପ୍ରସ୍ତୁତ ରହିଛି। ଯଦି କେହି କୌଣସି...

ପ୍ରବାସୀଙ୍କୁ ନେଇ ଆଜି ଆସିବ ଆଉ ଏକ ଟ୍ରେନ୍‌

ବାରିପଦା ଅଫିସ,୨୮ା୫-ଲକ୍‌ଡାଉନ ଯୋଗୁ ବାଙ୍ଗାଲୋରରେ ଫସି ରହିଥିବା ପ୍ରବାସୀମାନଙ୍କୁ ନେଇ ପୁଣି ଏକ ଶ୍ରମିକ ସ୍ପେଶାଲ୍‌ ଟ୍ରେନ୍‌ ଗୁରୁବାର ମୟୂରଭଞ୍ଜ ଜିଲାର ବାରିପଦାକୁ ଆସିବ। ମଙ୍ଗଳବାର...

Advertisement


Archives

Model This Week