ସବାଇଘାସର ରାଖୀ

ଭୁବନେଶ୍ୱର,୧।୮(ବ୍ୟୁରୋ): ଆଉ ଗୋଟିଏ ଦିନ ପରେ ଭଉଣୀ-ଭାଇ ବନ୍ଧନର ପବିତ୍ର ପର୍ବ ‘ରାଖୀ ପୂର୍ଣ୍ଣିମା’। ଏଥିପାଇଁ ରାଖୀ ବଜାରରେ ଭିଡ଼ ଲାଗିବା କଥା। କିନ୍ତୁ କରୋନା ମହାମାରୀ ଯୋଗୁ ଏଥର ରାଖୀ ଦୋକାନ ଖୋଲିପାରିନାହିଁ। ତେଣୁ ପ୍ରତିବର୍ଷ ବଜାରକୁ ଆସୁଥିବା ଚାଇନା ରାଖୀ ପରିବର୍ତ୍ତେ ସ୍ବଦେଶୀ ରାଖୀ ପାଇଁ ଏଥର ସମସ୍ତେ ମନ ବଳାଉଛନ୍ତି। କିଏ ଘରେ ବସି ନିଜ ଭାଇ ପାଇଁ ରାଖୀ ତିଆରି କରୁଛି ତ ଆଉ କିଏ ରାଖୀ ତିଆରି କରି ଇ-କମର୍ସରେ ବିକୁଛି। ଏପରି ସ୍ଥିତିରେ ଓର୍‌ମାସ ଏକ ଅଭିନବ ପ୍ରୟାସ କରିଛି। ଏସ୍‌ଏଚ୍‌ଜି ମହିଳାଙ୍କ ଦ୍ୱାରା ପ୍ରସ୍ତୁତ ରାଖୀକୁ ଏହା ବଜାରରେ ବିକ୍ରି କରିବା ଆରମ୍ଭ କରିଛି। ଏଥିରେ ସବାଇ ଘାସରେ ତିଆରି ରାଖୀର ଚାହିଦା ବେଶ୍‌ ଅଧିକ ରହିଛି। ଚଳିତବର୍ଷ ପ୍ରଥମକରି ମାର୍କେଟରେ ବିକ୍ରି ହେଉଛି ‘ସବାଇ ଘାସ ରାଖୀ’। ମୟୂରଭଞ୍ଜ, ବାଲେଶ୍ୱର, ସୋନପୁର ଜିଲାରୁ ଏହି ରାଖୀ ଆସୁଛି। ବିଶେଷକରି ସବାଇ ଘାସ, କାଇଁଚ ଓ ତୁଳାରୁ ଏହି ରାଖୀ ପ୍ରସ୍ତୁତ କରାଯାଉଛି। ସେହିପରି ଧାନ, ଚାଉଳ, ମୁଗ, ବିରିରେ ମଧ୍ୟ ରାଖୀ ପ୍ରସ୍ତୁତ ହୋଇ ବିକ୍ରି ଚାଲିଛି। ଏଥିରେ ରସାୟନିକ ରଙ୍ଗ ପରିବର୍ତ୍ତେ ପ୍ରାକୃତିକ ରଙ୍ଗ ବ୍ୟବହାର କରାଯାଉଛି। ରାଖୀ ତିଆରିରେ ୩ଶହରୁ ଅଧିକ ମହିଳା ଲାଗିଛନ୍ତି।
ଭୁବନେଶ୍ୱରର ବରମୁଣ୍ଡାସ୍ଥିତ ତ୍ରିଶକ୍ତି ମହିଳା ପରିଷଦକୁ ବିକ୍ରି ପାଇଁ ଏହି ଦାୟିତ୍ୱ ଦିଆଯାଇଛି। ଏହି ରାଖୀ ୧୫ରୁ ୩୦ ଟଙ୍କା ପର୍ଯ୍ୟନ୍ତ ରହିଛି। ଦିନକୁ ପ୍ରାୟ ୨ରୁ ୩ଶହ ରାଖୀ ବିକାଯାଉଛି। ଏସ୍‌ଏଚ୍‌ଜି ମହିଳାଙ୍କ ଉତ୍ପାଦିତ ସାମଗ୍ରୀର ବ୍ୟବସାୟୀକରଣ ପାଇଁ ଏଭଳି ପଦକ୍ଷେପ ନିଆଯାଇଛି। ମହିଳାଙ୍କୁ ଡିଜାଇନ୍‌ ଦିଆଯାଇ ବିଭିନ୍ନ ରାଖୀ ସହ ମାସ୍କ ମଧ୍ୟ ତିଆରି କରାଯାଉଛି। ଯଦ୍ୱାରା ଘରେ ବସି ମହିଳାମାନେ ରୋଜଗାର କରିପାରିବେ ବୋଲି ଓର୍‌ମାସ ଡେପୁଟି ସିଇଓ (ପ୍ରଦର୍ଶନୀ) ଜିତେନ୍ଦ୍ର ବାରିକ କହିଛନ୍ତି। ଲକ୍‌ଡାଉନରେ ସମସ୍ତେ ଘରେ ହାତ ବାନ୍ଧି ବସିଥିବାବେଳେ ଏହା ସମସ୍ତଙ୍କୁ ରୋଜଗାରର ବାଟ ଦେଖାଇଛି ବୋଲି ତ୍ରିଶକ୍ତି ମହିଳା ପରିଷଦର ସଦସ୍ୟା ରାଜଲକ୍ଷ୍ମୀ ଜଗଦେବରାୟ କହିଛନ୍ତି। ଲୋକଙ୍କ ଚାହିଦା ଅଧିକ ଥିବାରୁ ଆସନ୍ତା ବର୍ଷ ଅଧିକ ରାଖୀ ଆଣିବୁ। ଏଥର ରାଖୀ ବିକାରୁ ଲାଭାର୍ଥକୁ ମୁଖ୍ୟମନ୍ତ୍ରୀଙ୍କ କୋଭିଡ୍‌ ରିଲିଫ୍‌ ଫଣ୍ଡ୍‌କୁ ଦିଆଯିବ ପାଇଁ ପରିଷଦ ନିଷ୍ପତ୍ତି ନେଇଥିବା ରାଜଲକ୍ଷ୍ମୀ କହିଛନ୍ତି। ଜଣେ ଗ୍ରାହକ ମନସ୍ବିନୀ ପତି କହିଛନ୍ତି, ବର୍ତ୍ତମାନ ରାଖୀ ଦୋକାନ ଖୋଲା ହୋଇନାହିଁ। ତେଣୁ ମୁଁ ଅନ୍‌ଲାଇନ୍‌ରେ ରାଖୀ ଅର୍ଡର କରିଥିଲି ଯାହାର ଦାମ୍‌ ବହୁ ଅଧିକ ଥିଲା। ତାହା ଏପର୍ଯ୍ୟନ୍ତ ପହଞ୍ଚତ୍ନାହିଁ। କିନ୍ତୁ ଏଠାରେ ରାଖୀ ମିଳୁଥିବା ଜାଣିବା ପରେ ବହୁତ ଖୁସି ଲାଗିଲା। କମ୍‌ ଦାମ୍‌ରେ ମନ ପସନ୍ଦର ରାଖୀ ପାଇପାରିଲି।


Enter your email to get our daily news in your inbox.

All Right Reserved By Dharitri.Com

ଶ୍ରୀଲିଙ୍ଗରାଜ ମନ୍ଦିର ଚତୁଃପାର୍ଶ୍ୱ ଉଚ୍ଛେଦ ଆରମ୍ଭ

ଭୁବନେଶ୍ୱର (ବ୍ୟୁରୋ)/ପୁରୁଣା ଭୁବନେଶ୍ୱର (ଡି.ଏନ୍‌.ଏ):ଶ୍ରୀମନ୍ଦିର ଭଳି ଶ୍ରୀଲିଙ୍ଗରାଜ ମନ୍ଦିର ଚତୁଃପାର୍ଶ୍ୱରୁ ହଟିବ ଜବରଦଖଲ। ସୌନ୍ଦର୍ଯ୍ୟକରଣ ସହ ପର୍ଯ୍ୟଟକ ଓ ଶ୍ରଦ୍ଧାଳୁଙ୍କ ଯାତାୟାତ ସହଜ ହେବ। ଏଥିପାଇଁ...

ଶ୍ରୀମନ୍ଦିରରେ ସଅଳ ନୀତିକାନ୍ତି, ଶୃଙ୍ଖଳିତ ଦର୍ଶନ

ପୁରୀ ଅଫିସ,୧୨ା୧୧: ଶ୍ରୀମନ୍ଦିରରେ ମଙ୍ଗଳବାର କାର୍ତ୍ତିକ ପୂର୍ଣ୍ଣିମା ନୀତି ଅନୁଷ୍ଠିତ ହୋଇଯାଇଛି। ସଅଳ ନୀତିକାନ୍ତି ଯୋଗୁ ଦର୍ଶନ ଶୃଙ୍ଖଳିତ ହୋଇଛି। ପ୍ରବଳ ଗହଳି ସତ୍ତ୍ବେ ଶ୍ରଦ୍ଧାଳୁମାନେ...

ସଙ୍ଗରୋଧ ଗୃହରୁ ୨୫ଶ୍ରମିକ ଫେରାର

ଭବାନୀପାଟଣା/କୋକସରା,୨୩।୪(ସ୍ବ.ପ୍ର/ଡି.ଏନ୍‌.ଏ.): ଲକ୍‌ଡାଉନକୁ କଡାକଡି କରିବା ପାଇଁ ପ୍ରତି ଜିଲା ସୀମାନ୍ତରେ ପାଟ୍ରୋଲିଂ ବ୍ୟବସ୍ଥା ସହ ଧରପଗଡ଼ ଜାରି ରହିଛି। ଏହି କ୍ରମରେ ନବରଙ୍ଗପୁର-କଳାହାଣ୍ଡି ଜିଲା ସୀମାନ୍ତ...

କରୋନା ମୁକାବିଲା: ଖରିଫ୍‌ ଋଣ ପରିମାଣ ବୃଦ୍ଧି

ଭୁବନେଶ୍ୱର,୨୨। ୫ (ବ୍ୟୁରୋ): ରାଜ୍ୟ ସରକାର କୋଭିଡ୍‌-୧୯ର ମୁକାବିଲା ପାଇଁ ଜୋର୍‌ଦାର ପ୍ରୟାସ ଚଳାଇଛନ୍ତି। ବିଶେଷକରି ରାଜ୍ୟର ଚାଷୀଙ୍କୁ ଅଣ୍ଟା ସଳଖିବା ପାଇଁ ସରକାର ଖରିଫ୍‌...

ଇଂଲିଶରେ ନୟାଗର୍‌ ଲେଖାକୁ ବିରୋଧ: ଜିଲାପାଳଙ୍କ ଜରିଆରେ ମୁଖ୍ୟମନ୍ତ୍ରୀଙ୍କୁ ଦାବିପତ୍ର

ନୟାଗଡ଼ ଅଫିସ,୧୩।୭: ଇଂଲିଶରେ ନୟାଗର୍‌ ନୁହେଁ ନୟାଗଡ଼ ଲେଖିବା ଦାବିରେ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଶୁକ୍ରବାର ରୋଟାରୀ କ୍ଲବ ପକ୍ଷରୁ ଜିଲାପାଳଙ୍କୁ ଦାବିପତ୍ର ପ୍ରଦାନ କରାଯାଇଛି। ରୋଟାରୀ...

୧୩ରେ ବିଜେଡି ବିଧାୟକ ଦଳ ବୈଠକ

ଭୁବନେଶ୍ୱର, ୯।୧୧(ବ୍ୟୁରୋ): ଆସନ୍ତା ୧୩ ତାରିଖରୁ ଷୋଡ଼ଶ ବିଧାନସଭା ଦ୍ୱିତୀୟ ଅଧିବେଶନ ପାଇଁ କାର୍ଯ୍ୟସୂଚୀ ଧାର୍ଯ୍ୟ ହୋଇଛି। ଏହି ପରିପ୍ରେକ୍ଷୀରେ ବିଜୁ ଜନତା ଦଳର ବିଧାୟକ...

ଶ୍ରୀମନ୍ଦିର ଟଙ୍କା ଫେରିବା ପ୍ରସଙ୍ଗ: ପ୍ରଧାନମନ୍ତ୍ରୀ, ଅର୍ଥମନ୍ତ୍ରୀଙ୍କୁ ଧନ୍ୟବାଦ ଦେଲା ରାଜ୍ୟ ଭାଜପା

ଭୁବନେଶ୍ୱର,୨୦ା୩(ବ୍ୟୁରୋ): ଶ୍ରୀମନ୍ଦିର ଜମା ଅର୍ଥକୁ ରାଜ୍ୟ ସରକାର ରାଷ୍ଟ୍ରାୟତ୍ତ ବ୍ୟାଙ୍କରେ ନ ରଖି ୟେସ୍‌ ବ୍ୟାଙ୍କ ଭଳି ଏକ ଘରୋଇ ବ୍ୟାଙ୍କରେ ରଖିଥିଲେ। ଶ୍ରୀମନ୍ଦିରର ୫୪୫...

ନିୟମ ଉଲ୍ଲଂଘନ ଦେଶର ବିକାଶରେ ବାଧା ସୃଷ୍ଟି କରେ

ଭୁବନେଶ୍ୱର, ୧୮ା୧(ବ୍ୟୁରୋ): ଭାରତ ବ୍ୟତୀତ ଅନ୍ୟ ଦେଶଗୁଡ଼ିକରେ ଟ୍ରାଫିକ୍‌ ଲାଇଟ୍‌ ମାଧ୍ୟମରେ ଟ୍ରାଫିକ୍‌ ନିୟନ୍ତ୍ରିତ ହୋଇଥାଏ। କିନ୍ତୁ ଭାରତରେ ଟ୍ରାଫିକ୍‌ ନିୟନ୍ତ୍ରଣ ଲାଗି ପୋଲିସ ନିୟୋଜିତ...

Coronavirus Update

UTI
Archives

Model This Week

Why Dharitri

Leave a comment

Your email address will not be published. Required fields are marked *