ଦୀର୍ଘ ବାଟ ଯାତ୍ରା କରିବା ସମୟରେ ଲୋକଙ୍କ ମନୋରଞ୍ଜନ ପାଇଁ ଅନେକ ଜିନିଷ ରହିଥାଏ। ମାତ୍ର ବିମାନ ଯାତ୍ରା କରିବା ସମୟରେ ଜଣେ ଅର୍ଥନୈତିକ ଯେତେବେଳେ ଏକ ଗଣିତ ପ୍ରଶ୍ନ ସମାଧାନ କରୁଥିଲେ ସେତେବେଳେ ବଡ଼ ସମସ୍ୟା ଉଭା ହେଲା। ତାଙ୍କ ପାଖ ସିଟ୍ରେ ବସିଥିବା ମହିଳା କ୍ରୁ ମେମ୍ବରଙ୍କୁ ଏମିତି ଏକ କଥା କହିଲେ ଫଳରେ ବିମାନଟି ୨ ଘଣ୍ଟା ବିଳମ୍ବରେ ଉଡ଼ିଲା। ଜାଣନ୍ତୁ ଏ ସମ୍ପର୍କରେ….
ୟନିଭର୍ସିଟି ଅଫ୍ ପେନ୍ସିଲଭେନିଆର ଆସୋସିଏଟ୍ ପ୍ରଫେସର ଗୁଇଡୋ ମେଞ୍ଜିଓଙ୍କ ସହିତ ୨୦୧୬ରେ ହୋଇଥିବା ଏକ ଘଟଣା ଏବେ ସୋସିଆଲ ମିଡିଆରେ ଭାଇରାଲ ହେଉଛି। The Indigo Papillon-Online School of Metaphysics ଟୁଇଟର ପେଜ୍ରେ ଏହି ପୋଷ୍ଟଟି ଶେୟାର ହୋଇଛି। ଏଥିରେ କ୍ୟାପଶନ ଲେଖାହୋଇଛି, ଯଦି ସ୍କୁଲରେ ଗଣିତ ପ୍ରତି ଧ୍ୟାନ ଦେଇଥାନ୍ତେ, ତେବେ ଆଜି ଏହା ଏତେ ଭୟଙ୍କର ହୋଇ ନ ଥାନ୍ତା।
ପ୍ରଫେସର ଜଣକ ବିମାନରେ ଫିଲୋଡେଲ୍ଫିଆରୁ ନ୍ୟୁୟର୍କ ଯାଉଥିଲେ। ସେ କାନାଡାର ଓଣ୍ଟୋରିଓ କ୍ୱିନ୍ସ ୟୁନିଭର୍ସିଟିରେ ଭାଷଣ ଦେଉଥିଲେ। ମାତ୍ର ବିମାନରେ ଜଣେ ମହିଳା ଯାତ୍ରୀଙ୍କ ଯୋଗୁ ପୂରା ବିମାନ ଉଡ଼ାଣରେ ବିଳମ୍ବ ହେଲା।
ଆମେରିକୀୟ ଏୟାରଲାଇନ୍ସର ମୁଖପାତ୍ର କେସି ନଟର୍ନ କହିଛନ୍ତି, ମେଞ୍ଜେିଓ ନିଜ ସିଟ୍ରେ ବସି ଗଣିତ ସମୀକରଣ ସମାଧାନ କରୁଥିଲେ। ଏହି ସମୟରେ ଜଣେ ମହିଳାଙ୍କୁ କିଛି ସନ୍ଦେହ ହେଲା। ସେ ମହିଳା କ୍ରୁ ମେମ୍ବରଙ୍କୁ କହିଥିଲେ ତାଙ୍କ ଦେହ ଭଲ ନାହିଁ। ବିମାନ ଉଡ଼ାଣ ଆରମ୍ଭ ହେବା ଠିକ୍୍ ପୂର୍ବରୁ ଏଜେଣ୍ଟମାନେ ଆସି ମେଞ୍ଜିଓଙ୍କୁ ଓହ୍ଲାଇବାକୁ କହିଥିଲେ। ଯଦିଓ ମେଞ୍ଜିଓ କିଛି ବୁଝି ପାରି ନ ଥିଲେ।
ମେଞ୍ଜିଓ ସମାଧାନ କରୁଥିବା ଗଣିତ ସମୀକରଣ ଦେଖି ମହିଳା ଭାବିଲେ ,ଡା ଏକ ଆତଙ୍କବାଦୀ ସଙ୍କେତ। ତେବେ ମେଞ୍ଜିଓ ସୁରକ୍ଷା ଅଧିକାରୀଙ୍କୁ କହିଥିଲେ ସେ କ’ଣ କରୁଥିଲେ। ପଚରାଉଚରା ଏବଂ ନିରାପତ୍ତା ମଧ୍ୟରେ ବିମାନଟି ଦୁଇ ଘଣ୍ଟାରୁ ଅଧିକ ବିଳମ୍ବରେ ଉଡ଼ାଣ କରିଥିଲା। ପାଇଲଟ୍ ଯେତେବେଳେ ଏକଥା ଜାଣିଲେ ସେ ଲଜ୍ଜା ଅନୁଭବ କଲେ।
ଅନ୍ୟପକ୍ଷରେ ରେଡିଟ୍ ବ୍ୟବହାରକାରୀମାନେ ଏହି ଅଜବ ପରିସ୍ଥିତି ଉପରେ କମେଣ୍ଟ କରି ଲେଖିଛନ୍ତି, ଏହା ଆଲଜେବ୍ରା, ଅଲ-କାଏଦା ନୁହେଁ।
