ଫ୍ଲାକ୍ସ ସିଡ୍ ବା ଅଳସୀ ମଞ୍ଜିରେ ଭରିରହିଛି ଅନେକ ପୋଷକ ତତ୍ତ୍ୱ। ଏହାକୁ ପ୍ରତିଦିନ ଖାଦ୍ୟ ତାଲିକାରେ ସାମିଲ କଲେ, ବିଶେଷ କରି ଶୀତଦିନେ ଏହାକୁ ଖାଇଲେ ଥଣ୍ଡା, କାଶ, ଫ୍ଲୁ ଭଳି ବିଭିନ୍ନ ସ୍ବାସ୍ଥ୍ୟ ସମସ୍ୟା ଦୂର ହୋଇଥାଏ। ଜାଣିବା ଏହା ସମ୍ପର୍କରେ…
ଏହା ପୃଥିବୀର ସବୁଠୁ ପୁରୁଣା ଶସ୍ୟ ଭିତରୁ ଗୋଟିଏ। ବ୍ରାଉନ୍ ଏବଂ ଗୋଲ୍ଡେନ୍ ଦୁଇଟି ରଙ୍ଗରେ ମିଳୁଥିବା ଏହି ଶସ୍ୟରେ ଭରି ରହିଛି ପ୍ରୋଟିନ୍, ଫାଇବର୍, ଓମେଗା-୩ ଫ୍ୟାଟି ଏସିଡ୍, ଭିଟାମିନ୍ ଏବଂ ମିନେରାଲ୍ ଭଳି ବିଭିନ୍ନ ପ୍ରକାରର ପୋଷକ ତତ୍ତ୍ୱ ପ୍ରଚୁର ପରିମାଣରେ ଭରିରହିଛି।
ଏହାକୁ ପ୍ରତିଦିନ ଖାଇଲେ ମେଦବହୁଳତା ଏବଂ ମଧୁମେହ ରୋଗ ହେବାକୁ ଦିଏ ନାହିଁ।
ଏଥିରେ ଅଧିକ ପରିମାଣରେ ଲିଗ୍ନାନ୍ସ୍ ରହିଛି ଯାହାକି କ୍ୟାନ୍ସର ଭଳି ମାରାତ୍ମକ ରୋଗଠାରୁ ଦୂରେଇ ରଖିବାରେ ସାହାଯ୍ୟ କରିଥାଏ। ଅନ୍ୟ ଖାଦ୍ୟ ତୁଳନାରେ ଏହା ୭୫-୮୦୦ ଗୁଣ ଅଧିକ ଲିଗ୍ନାନ୍ସ୍ ଶରୀରକୁ ଯୋଗାଇଥାଏ। ଯାହାକି ଶରୀରରେ ଥିବା ଫ୍ୟାଟ୍କୁ କମ୍ କରିବାରେ ସାହାଯ୍ୟ କରିଥାଏ।
ଏଥିରେ ଆଣ୍ଟିଇନ୍ଫ୍ଲାମେଟାରି ଗୁଣ ରହିଛି ଯାହାକି ଶୀତଦିନେ ଉପୁଜୁଥିବା ଆଣ୍ଠୁଗଣ୍ଠି ବିନ୍ଧା ଭଳି ସମସ୍ୟାଠୁ ଦୂରେଇ ରଖିଥାଏ।
ଶୀତଦିନେ ଅନେକଙ୍କଠାରେ ବଦହଜମି କିମ୍ବା କୋଷ୍ଟକାଠିନ୍ୟ ଭଳି ସମସ୍ୟା ଦେଖାଦେଇଥାଏ। ଫ୍ଲାକ୍ ସିଡ୍ରେ ଅଧିକ ପରିମାଣରେ ଫାଇବର ଥିବାରୁ ଏହାକୁ ଖାଇଲେ ହଜମଜନିତ ସମସ୍ତ ସମସ୍ୟା ଦୂର ହୋଇଥାଏ।
ଏହା ଶୀତଦିନେ ହେଉଥିବା କାଶ, ଗଳା ଯନ୍ତ୍ରଣା ଆଦିକୁ ଦୂର କରିବାରେ ସାହାଯ୍ୟ କରିଥାଏ।
