କାର୍ଯ୍ୟବ୍ୟସ୍ତତା ଭିତରେ ନିଜକୁ ଅଣଦେଖା କରିବା କାରଣରୁ ଅଧିକାଂଶ ମହିଳା ବିଭିନ୍ନ ସ୍ବାସ୍ଥ୍ୟ ସମସ୍ୟାର ସମ୍ମୁଖୀନ ହୋଇଥାନ୍ତି। ତେଣୁ ଫିଟ୍ନେସ୍ ଲାଗି ଅଳ୍ପ ବୟସରୁ ହିଁ କେତେକ କଥା ପ୍ରତି ଯନତ୍ଶୀଳ ହେବା ଆବଶ୍ୟକ। ଜାଣି ରଖନ୍ତୁ ସେ ସମ୍ପର୍କରେ…
ପ୍ରତିଦିନ ୩୦ମିନିଟ୍ ଶାରୀରିକ ବ୍ୟାୟାମ କରନ୍ତୁ। ଏହାଦ୍ବାରା ଶରୀରରେ ରକ୍ତ ସଞ୍ଚାଳନ ଠିକ୍ ଭାବେ ହୋଇଥାଏ, ମାଂସପେଷୀ ମଜ୍ଭୁତ ହୋଇଥାଏ ଏବଂ ରୋଗ ପ୍ରତିରୋଧକ ଶକ୍ତି ବଢିଥାଏ। ସେହିପରି ଶ୍ୱାସ କ୍ରିୟା ଠିକ୍ ରଖିବା, ହୃତ୍ପିଣ୍ଡକୁ ମଜ୍ଭୁତ କରିବା ଲାଗି ୧୦ ମିନିଟ୍ ବ୍ରିଦିଂ ଏକ୍ସରସାଇ୍ କରନ୍ତୁ(ସକାଳେ ୫ମି. ଏବଂ ସଂଧ୍ୟା ୫ମି.)।
ଦୈନିକ ୧୦-୧୫ ଗ୍ଲାସ ପାଣି ପିଅନ୍ତୁ।
ଶର୍କରା ଯୁକ୍ତ ଖାଦ୍ୟ ବା ମିଠା ଏବଂ ଚର୍ବିଯୁକ୍ତ ଖାଦ୍ୟ ଯଥା ସମ୍ଭବ କମ୍ ଖାଆନ୍ତୁ। ଏହା ପରିବର୍ତ୍ତେ ପ୍ରୋଟିନ୍ଯୁକ୍ତ ଖାଦ୍ୟ ଖାଆନ୍ତୁ। ଏହାସହ ଫାଇବର, କାର୍ବୋହାଇଡ୍ରେଟ୍ ଯୁକ୍ତ ଖାଦ୍ୟକୁ ଖାଦ୍ୟ ତାଲିକାରେ ସାମିଲ କରନ୍ତୁ।
ଚା କିମ୍ବା କଫି ପିଇବାର ଅଭ୍ୟାସ ଥିଲେ ଏହା ବଦଳରେ ଗ୍ରୀନ୍ ଟି ପିଇବା ଉପକାରୀ।
କାମର ଚାପ, ମାନସିକ ଅବସାଦ ଆଦି ଥିଲେ ନିଜକୁ ସେଥିରୁ ମୁକାଳିବା ଲାଗି ମନ ପସନ୍ଦର ମ୍ୟୁଜିକ୍ ଶୁଣନ୍ତୁ, ବହି ପଢନ୍ତୁ, ଫିଲ୍ମ ଦେଖନ୍ତୁ। କାରଣ ମନ ଖୁସି ରହିଲେ ଶରୀର ସୁସ୍ଥ ରହିଥାଏ।
ଯେତେ କାମ ଥିଲେ ସୁଦ୍ଧା ସକାଳ ଜଳଖିଆ ଖାଇବାରେ ଆଦୌ ଅବହେଳା କରନ୍ତୁ। ସବୁଠୁ ଗୁରୁତ୍ୱପୂର୍ଣ୍ଣ କଥା ହେଲା ପ୍ରତିଦିନ ଆବଶ୍ୟକ ନିଦ୍ରା ଗ୍ରହଣ କରନ୍ତୁ।
