ହାରାରେ,୩।୫: ଜିମ୍ବାଓ୍ବେ ବିପକ୍ଷ ପ୍ରଥମ ଟେଷ୍ଟ ମ୍ୟାଚ୍ରେ ଭ୍ରମଣକାରୀ ପାକିସ୍ତାନ ଏକ ଇନିଂସ ଓ ୧୧୬ ରନରେ ବିଜୟୀ ହୋଇଛି। ଏଥିସହ ୨ ମ୍ୟାଚ୍ ବିଶିଷ୍ଟ ଏହି ସିରିଜରେ ପାକିସ୍ତାନ ୧-୦ରେ ଅଗ୍ରଣୀ ହାସଲ କରିଛି। ଟସ୍ ଜିତି ଜିମ୍ବାଓ୍ବେ ପ୍ରଥମ ଇନିଂସରେ ୫୯.୧ ଓଭରରେ ୧୭୬ ରନ ସଂଗ୍ରହ କରିଥିଲା। ଜବାବରେ ପାକିସ୍ତାନ ପ୍ରଥମ ଇନିଂସରେ ୧୩୩ ଓଭରରେ ୪୨୬ ରନକରି ଅଲଆଉଟ ହୋଇ ୨୫୦ ରନରେ ଅଗ୍ରଣୀ ହାସଲ କରିଥିଲା। ଏହାପରେ ଦ୍ୱିତୀୟ ଇନିସଂ ଆରମ୍ଭ କରି ଜିମ୍ବାଓ୍ବେ ୪୬.୨ ଓଭରରେ ୧୩୪ ରନକରି ଅଲ୍ଆଉଟ ହୋଇଥିଲା। ଫଳରେ ଜିମ୍ବାଓ୍ବେ ଇନିଂସ ପରାଜୟ ବରଣ କରିଥିଲା। ପାକିସ୍ତାନ ଦ୍ରୁତ ବୋଲର ହାସନ ଅଲୀ ପ୍ରଥମ ଇନିଂସରେ ୪ ଓ ଦ୍ୱିତୀୟ ଇନିଂସରେ ୫ ଉଇକେଟ ହାସଲ କରି ପ୍ଲେୟର ଅଫ୍ ଦି ମ୍ୟାଚ୍ ବିବେଚିତ ହୋଇଛନ୍ତି। ପାକିସ୍ତାନ ପକ୍ଷରୁ ପ୍ରଥମ ଇନିଂସରେ ଫଓ୍ବାଦ ଆଲମ ସର୍ବାଧିକ ୧୪୦ ରନର ଶତକୀୟ ପାଳି ଖେଳିଥିଲେ।
ସଂକ୍ଷିପ୍ତ ସ୍କୋର:
ଜିମ୍ବାଓ୍ବେ ପ୍ରଥମ ଇନିଂସ: ୫୯.୧ ଓଭରରେ ୧୭୬
ପାକିସ୍ତାନ ପ୍ରଥମ ଇନିଂସ: ୧୩୩ ଓଭରରେ ୪୨୬
(ଫଓ୍ବାଦ ଆଲମ- ୧୪୦, ଇମ୍ରାନ ବଟ୍ଟ- ୯୧, ଅବିଦ ଅଲି- ୬୦, ବ୍ଲେସିଂ ମୁଜାରବାନି- ୪/୭୩, ଡୋନାଲ୍ଡ ତିରିପାନୋ- ୩/୮୯, ରିଚାର୍ଡ ଏନ୍ଗାର୍ଭା- ୨/୧୦୪)।
ଜିମ୍ବାଓ୍ବେ ଦ୍ୱିତୀୟ ଇନିଂସ: ୪୬.୨ ଓଭରରେ ୧୩୪
(ତାରିସାଇ ମୁସାକାଣ୍ଡା- ୪୩, ବ୍ରେଣ୍ଡନ ଟେଲର- ୨୯, କେଭିନ୍ କାସୁଜା- ୨୮, ହାସନ ଅଲୀ- ୫/୩୬, ନୌମାନ ଅଲୀ- ୨/୨୭)।
