ଛତ୍ରପୁର,୧୬।୪(ଦିଲ୍ଲୀପ ସାମଲ): କେନ୍ଦ୍ରୀୟ ବିଦ୍ୟାଳୟ ଛତ୍ରପୁର ପ୍ରଥମ CBSE ଦଶମ ଶ୍ରେଣୀ(୨୦୨୬) ପରୀକ୍ଷାରେ ଶତପ୍ରତିଶତ ଫଳାଫଳ ଅର୍ଜନ କରି ଏକ ଗୌରବମୟ ସଫଳତା ହାସଲ କରିଛି।
ମୋଟ ୩୯ ଜଣ ଛାତ୍ରଛାତ୍ରୀ ପରୀକ୍ଷାରେ ଅଂଶଗ୍ରହଣ କରିଥିଲେ ଏବଂ ସମସ୍ତେ ସଫଳତାର ସହିତ ଉତ୍ତୀର୍ଣ୍ଣ ହୋଇଛନ୍ତି। ଏହି ପରୀକ୍ଷାରେ ସାଇସ୍ମୃତି ଶତପଥୀ (୯୮.୪%) ପ୍ରଥମ ସ୍ଥାନ ଅଧିକାର କରିଥିବାବେଳେ, ସୁଧାଶୁଂ ଶେଖର ପ୍ରଧାନ (୯୮.୦%) ଓ ଆୟୁଷ ପଟ୍ଟନାୟକ (୯୬.୮%) ଦ୍ୱିତୀୟ ଓ ତୃତୀୟ ସ୍ଥାନ ଅଧିକାର କରିଛନ୍ତି। ୫ ଜଣ ଛାତ୍ରଛାତ୍ରୀ ୯୫% ଉପରେ ଅଙ୍କ ପାଇଛନ୍ତି
୧୦ ଜଣ ୯୦%ରୁ ୯୫% ମଧ୍ୟରେ ଅଙ୍କ ପାଇଛନ୍ତି।
ବିଶେଷ ଉଲ୍ଲେଖନୀୟ ଯେ, ସଂସ୍କୃତ ବିଷୟରେ ୬ ଜଣ ଛାତ୍ରୀଛାତ୍ର ୧୦୦/୧୦୦ ଅଙ୍କ ଅର୍ଜନ କରିଛନ୍ତି। ଏହି ସଫଳତା ଉପଲକ୍ଷେ ବିଦ୍ୟାଳୟର ପ୍ରିନ୍ସିପାଲ ଶ୍ରୀ ରାଜେନ୍ଦ୍ର କୁମାର ପଣ୍ଡା, ଛାତ୍ରୀଛାତ୍ର, ଶିକ୍ଷକ ଓ ଅଭିଭାବକମାନଙ୍କୁ ଅଭିନନ୍ଦନ ଜଣାଇଛନ୍ତି। ସେ କହିଛନ୍ତି ଯେ, ଏହି ସଫଳତା ସମସ୍ତଙ୍କ ସଂଯୁକ୍ତ ପ୍ରୟାସ, ଶୃଙ୍ଖଳାବଦ୍ଧ ପାଠପଢ଼ା ଓ ନିଷ୍ଠାର ଫଳ, ଏହା ଛାତ୍ରୀଛାତ୍ରମାନଙ୍କର କଠିନ ପରିଶ୍ରମ, ଶିକ୍ଷକମାନଙ୍କର ନିଷ୍ଠା ସହ କାମ ଏବଂ ଅଭିଭାବକମାନଙ୍କର ସହଯୋଗ ଯୋଗୁ ସମ୍ଭବ ହୋଇପାରିଛି।
Dharitri – Odisha’s No.1 Odia Daily
