ଦାରିଙ୍ଗବାଡି, ୨୦/୨(ଅରୁଣ ସାହୁ)-କନ୍ଧମାଳ ଜିଲା ଦାରିଙ୍ଗବାଡି ବ୍ଲକ ଗ୍ରୀନବାଡି ପଞ୍ଚାୟତ ପାଟ୍ଟା ଗ୍ରାମରେ ଥିବା ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟର ପ୍ରଥମ ବାର୍ଷିକ ଉତ୍ସବ ଶୁକ୍ରବାର ବିଦ୍ୟାଳୟର ପ୍ରଧାନ ଶିକ୍ଷକ ନବୀନ କୁମାର ସାହୁଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି। ଏହି ଉତ୍ସବରେ ଦାରିଙ୍ଗବାଡି ପଞ୍ଚାୟତ ସମିତିର ଅଧ୍ୟକ୍ଷ ସୁଶାନ୍ତ କୁମାର ପ୍ରଧାନ ମୁଖ୍ୟ ଅତିଥିଭାବେ ଯୋଗଦେଇଥିଲେ। ଅନ୍ୟତମ ଅତିଥିଭାବେ ଦାରିଙ୍ଗବାଡି ବିଇଓଙ୍କ କାର୍ଯ୍ୟାଳୟର ୩ ଜଣ ଅତିରିକ୍ତ ବିଇଓ ଗୋକୁଳାନନ୍ଦ ନାୟକ, ବନମାଳୀ ମାଝୀ ଏବଂ କୌଶିକ ନାୟକଙ୍କ ସମେତ ବ୍ଲକର କନିଷ୍ଠ ଯନ୍ତ୍ରୀ ସୁଶାନ୍ତ ପ୍ରଧାନ, ସରପଞ୍ଚ ସୁନିତା ପ୍ରଧାନ, ପୂର୍ବତନ ସରପଞ୍ଚ ସଞ୍ଜୟ ପ୍ରଧାନ, ସିଆରସିସି ତାପସ ନାୟକ, ଶ୍ରାନିକେତା ସିଆରସିସି ଜୟଦେବ ସାହୁ, ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ କେଶବ କଂହର, ନାଏବ ସରପଞ୍ଚ ବିଶ୍ରବ ପ୍ରଧାନ ପ୍ରମୁଖ ମଞ୍ଚାସିନ ରହିଥିଲେ। ସିର୍କାବର୍ଗ ସିଆରସିସି ମନୋଜ କୁମାର ବେହେରା କାର୍ଯ୍ୟକ୍ରମରେ ମଞ୍ଚ ପରିଚାଳନା କରିଥିଲେ। ଅତିଥିଙ୍କୁ ସ୍ବାଗତ ସହ ପରିଚୟ ପ୍ରଦାନ କରିଥିଲେ।
ଏହି ଅବସରରେ ମଞ୍ଚାସୀନ ଅତିଥି ମାନେ ବିଦ୍ୟାଳୟର ଛାତ୍ରୀଛାତ୍ରଙ୍କୁ ସେମାନଙ୍କ ଭବିଷ୍ୟତ ଉଜ୍ଜ୍ୱଳମୟ କାମନା କରିବା ସହ ଭଲ ମଣିଷ ଭାବେ ନିଜକୁ ଗଢି ତୋଳିବାକୁ ପରାମର୍ଶ ଦେଇଥିଲେ। ଛାତ୍ରୀଛାତ୍ର ଦେଶର ଭବିଷ୍ୟତ ତେଣୁ ନିଜ ପାଠ ପଢାକୁ ଭବିଷ୍ୟତ ଲକ୍ଷ୍ୟ ଧାର୍ଯ୍ୟ କରି ଭଲ ପାଠ ପଢିବାକୁ ପରାମର୍ଶ ଦେଇଥିଲେ। ବିଦ୍ୟାଳୟର ପ୍ରଧାନ ଶିକ୍ଷକ ବାର୍ଷିକ ବିବରଣୀ ପଠନ କରିବା ସହ ବିଦ୍ୟାଳୟରେ ରହିଥିବା ସମସ୍ୟାର ସମାଧାନ ପାଇଁ ଉପସ୍ଥିତ ଅତିଥିଙ୍କୁ ଅବଗତ କରାଇଥିଲେ।
ପ୍ରକାଶ ଯେ, ବିଦ୍ୟାଳୟ ୧୯୯୨ ମସିହାରେ ପ୍ରାଥମିକ ବିଦ୍ୟାଳୟ ଭାବେ ସ୍ଥାପନ କରାଯାଇଥିଲା ପ୍ରଥମେ ୩ ଜଣ ଛାତ୍ରୀଛାତ୍ର ଓ ଦୁଇଜଣ ଶିକ୍ଷକଙ୍କୁ ନେଇ ଚାଳ ଘରେ ପାଠପଢା ଆରମ୍ଭ ହୋଇଥିଲା ଏବେ ଏହି ବିଦ୍ୟାଳୟ ଏବେ ଉଚ୍ଚ ପ୍ରାଥମିକ ବିଦ୍ୟାଳୟ ଭାବେ ପ୍ରଥମରୁ ଅଷ୍ଟମ ପର୍ଯ୍ୟନ୍ତ ଛାତ୍ରୀଛାତ୍ର ଅଧ୍ୟୟନ କରୁଛନ୍ତି। ୨୦୨୩ ମସିହାରେ ମୁଖ୍ୟମନ୍ତ୍ରୀଙ୍କ ଠାରୁ ପୁରସ୍କାର ପ୍ରାପ୍ତ ହୋଇପାରିଛି। କିନ୍ତୁ ଛାତ୍ରୀଛାତ୍ରଙ୍କ ପାଇଁ ବାର୍ଷିକ ଉତ୍ସବ ପାଳନ ହୋଇନଥିବା ବେଳେ ଦୀର୍ଘ ୩୪ ବର୍ଷ ପରେ ପ୍ରଥମ ଥର ପାଇଁ ବାର୍ଷିକ ଉତ୍ସବ ପାଳନ କରାଯାଉଛି। ବିଦ୍ୟାଳୟର ବହୁ ଛାତ୍ରୀଛାତ୍ରୀ ଏଠି ପଢି ଏବେ ସରକାରୀ ଶିକ୍ଷକ ଓ ଅନ୍ୟାନ୍ୟ ଚାକିରି କରୁଥିବା କୁହାଯାଇଥିଲା। ଏବେ ବିଭିନ୍ନ ପ୍ରତିଯୋଗିତାରେ ଛାତ୍ରୀଛାତ୍ର ପଞ୍ଚାୟତ, ବ୍ଲଜ, ଜିଲା ସ୍ତରରେ କୃତିତ୍ୱ ଅର୍ଜନ କରୁଥିବା କୁହାଯାଇଥିଲା।
ଏହି ଅବସରରେ ଛାତ୍ରୀଛାତ୍ରଙ୍କୁ ନେଇ ବିଭିନ୍ନ ବାର୍ଷିକ ପ୍ରତିଯୋଗିତା ତଥା ଖେଳ କୁଦ ତଥା ଲମ୍ବା ଡିଆଁ, ଉଚ୍ଚ ଡିଆଁ, ଦୌଡି ଡିଆଁ, ଗଣିତ ଦୌଡ, ଆଳୁ ଚାମଚ ଖେଳ, ଚିତ୍ରାଙ୍କନ, ଶହେ ମିଟର ଓ ୬୦ ମିଟର ଦୌଡ, ଅଖା ଦୌଡ଼ ଆଦି କରାଯାଇଥିଲା। ସେଥିରେ କୃତିତ୍ୱ ଛାତ୍ରୀଛାତ୍ରଙ୍କୁ ଅତିଥିଙ୍କ ଦ୍ୱାରା ପୁରସ୍କାର ପ୍ରଦାନ କରାଯାଇଥିଲା। ଏହି ଉତ୍ସବକୁ ପ୍ରଧାନ ଶିକ୍ଷକ ନବୀନ କୁମାର ସାହୁଙ୍କ ତତ୍ତ୍ୱାବଧାନରେ ସହକାରୀ ଶିକ୍ଷୟିତ୍ରୀଶିକ୍ଷକ ରତ୍ନବତୀ କଂହର, ସୂଚିତ୍ରା ପ୍ରଧାନ ଏବଂ ନବ କିଶୋର ପ୍ରଧାନ ପ୍ରମୁଖ ପରିଚାଳନା କରିଥିଲେ। ଏଥିସହ ଗ୍ରାମବାସୀ ଓ ବିଦ୍ୟାଳୟ ପରିଚାଳନା କମିଟି ଏଥିରେ ସହଯୋଗ କରିଥିଲେ।
Dharitri – Odisha’s No.1 Odia Daily
