Posted inଖେଳ

ପ୍ରଶଂସା କଲେ ଏଫ୍‌ଆଇଏଚ୍‌ ସଭାପତି

ଭୁବନେଶ୍ୱର, ୩୦।୧(କ୍ରୀଡ଼ା ପ୍ରତିନିଧି): ହକି ବିଶ୍ୱକପ୍‌ ଇତିହାସରେ ଚଳିତ ସଂସ୍କରଣର ଆୟୋଜନ ଅନ୍ୟତମ ଶ୍ରେଷ୍ଠ। ହକି ପ୍ରତି ଓଡ଼ିଶା ସରକାରଙ୍କ ଭଲପାଇବା ଯୋଗୁ ଏହା ସମ୍ଭବ ହୋଇପାରିଛି। ଏଥିପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଯେତେ ପ୍ରଶଂସା କଲେ ମଧ୍ୟ କମ୍‌ ହେବ। ତେବେ ଏଥର ବିଶ୍ୱକପ୍‌ ରାଜ୍ୟର ୨ଟି ସ୍ଥାନରେ ଆୟୋଜନ ହୋଇ ବିଶ୍ୱ ହକି ପାଇଁ ଉଦାହରଣ ପାଲଟିଛି ବୋଲି ରବିବାର କଳିଙ୍ଗ ଷ୍ଟାଡିୟମରେ ଅନୁଷ୍ଠିତ ଖବରଦାତା ସମ୍ମିଳନୀରେ ପ୍ରକାଶ କରିଛନ୍ତି ଅନ୍ତର୍ଜାତୀୟ ହକି ଫେଡେରେଶନ୍‌ (ଏଫ୍‌ଆଇଏଚ୍‌) ସଭାପତି ତାୟାବ ଇକ୍ରାମ। ବିଶ୍ୱ ହକି ପାଇଁ ଏହା ଭଲ ଅଭିଜ୍ଞତା ଆଣିଛି। ଓଡ଼ିଶା ସମେତ ଜାତୀୟ ଓ ଅନ୍ତର୍ଜାତୀୟସ୍ତରର ଅନେକ ଦର୍ଶକ ଏହି ମ୍ୟାଚ୍‌ ଉପଭୋଗ କରିଛନ୍ତି। ସେମାନଙ୍କ ପାଇଁ ସୁବନ୍ଦୋବସ୍ତ କରାଯାଇଥିଲା। କେବଳ ଷ୍ଟାଡିୟମରେ ଯେ ଅଧିକ ଦର୍ଶକ ମ୍ୟାଚ୍‌ ଉପଭୋଗ କରିଛନ୍ତି ତା ନୁହେଁ, ଟେଲିଭିଜନ ମାଧ୍ୟମରେ ମଧ୍ୟ ରେକର୍ଡ ସଂଖ୍ୟକ ହକିପ୍ରେମୀ ଟୁର୍ନାମେଣ୍ଟ ଦେଖିଛନ୍ତି ବୋଲି ଇକ୍ରାମ କହିଛନ୍ତି।

ଭିତ୍ତିଭୂମିର ଉପଯୋଗ ସମ୍ପର୍କରେ ଆଲୋଚନା

ହକି ବିଶ୍ୱକପ୍‌ ପାଇଁ ଭୁବନେଶ୍ୱର କଳିଙ୍ଗ ଷ୍ଟାଡିୟମର ନବୀକରଣ କରାଯାଇଥିବାବେଳେ ରାଉରକେଲାର ବିର୍ସା ମୁଣ୍ଡା ଷ୍ଟାଡିୟମକୁ ନୂଆକରି ନିର୍ମାଣ କରାଯାଇଛି। ଅତ୍ୟାଧୁନିକ ବିର୍ସା ମୁଣ୍ଡା ଷ୍ଟାଡିୟମ ହେଉଛି ବିଶ୍ୱର ଅନ୍ୟତମ ବୃହତ୍ତମ। ବିଶ୍ୱକପ୍‌ ପରେ ଏହି ଭିତ୍ତିଭୂମିଗୁଡ଼ିକର କିପରି ଉପଯୋଗ କରାଯାଇ ପାରିବ ସେ ସମ୍ପର୍କରେ ଓଡ଼ିଶା ସରକାରଙ୍କ ସହ ଆଲୋଚନା ହୋଇଛି। ଏଥିରୁ ଭଲ ଫଳ ମିଳିଛି ବୋଲି ଇକ୍ରାମ କହିଛନ୍ତି। ଚଳିତ ହକି ବିଶ୍ୱକପ୍‌ରେ ଅନେକ ସମୟରେ ଅମ୍ପାୟରଙ୍କ ନିଷ୍ପତ୍ତି ଭୁଲ୍‌ ପ୍ରମାଣିତ ହେଉଛି। ଫିଲ୍ଡ ଅମ୍ପାୟରଙ୍କ ନିଷ୍ପତ୍ତି ଅନେକ ସମୟରେ ଭିଡିଓ ରେଫେରାଲରେ ବଦଳି ଯାଉଛି। ଏ ସମ୍ପର୍କରେ ଇକ୍ରାମ ସିଧାସଳଖ କିଛି ଉତ୍ତର ରଖି ନ ଥିଲେ ମଧ୍ୟ ଏହା ଆଲୋଚନାସାପେକ୍ଷ ବୋଲି କହିଛନ୍ତି।

ପାଣିବିହୀନ ଟର୍ଫରେ ପରବର୍ତ୍ତୀ ବିଶ୍ୱକପ୍‌

ବର୍ତ୍ତମାନ ବିଶ୍ୱର ବିଭିନ୍ନ ଷ୍ଟାଡିୟମରେ ବ୍ୟବହାର ହେଉଥିବା ହକି ଟର୍ଫଗୁଡ଼ିକ ଲାଗି ପ୍ରଚୁର ପାଣି ଆବଶ୍ୟକ ହେଉଛି। ପର୍ଯ୍ୟାପ୍ତ ପାଣି ବ୍ୟବହାର ନ ହେଲେ ତାହା ଖେଳିବା ଉପଯୋଗୀ ହୋଇପାରୁନାହିଁ। ତେଣୁ ‘ପାଣି ବଞ୍ଚାନ୍ତୁ, ଜୀବନ ବଞ୍ଚାନ୍ତୁ’ ନ୍ୟାୟରେ ଏଥିରେ ପରିବର୍ତ୍ତନ ପାଇଁ ଯୋଜନା ଚାଲିଛି। ଆସନ୍ତା ଅଲିମ୍ପିକ୍ସ ପରେ ଷ୍ଟାଡିୟମର ଟର୍ଫଗୁଡ଼ିକୁ ପରିବର୍ତ୍ତନ କରାଯାଇ ଜଳବିହୀନ ଟର୍ଫ ବିଛାଯିବାକୁ ଯୋଜନା ରହିଛି। ଏଥିପାଇଁ ପରୀକ୍ଷା ନିରୀକ୍ଷା ଚାଲିଛି। ସମ୍ଭବତଃ ୨୦୨୪ ମଧ୍ୟଭାଗ ସୁଦ୍ଧା ଏହା ଉପରେ କାମ ଶେଷ ହେବ। ନୂଆ ଟର୍ଫ ବିଛାହେଲେ ଖେଳିବା ସମୟରେ ଆଉ ପାଣି ପ୍ରୟୋଗ କରିବାକୁ ପଡ଼ିବ ନାହିଁ। ତେଣୁ ନେଦରଲାଣ୍ଡ୍ସ ଓ ବେଲଜିୟମରେ ହେବାକୁଥିବା ପରବର୍ତ୍ତୀ ହକି ବିଶ୍ୱକପ୍‌ ନୂଆ ଟର୍ଫରେ ଖେଳାଯିବା ଆଶା ରହିଛି ବୋଲି ସେ ପ୍ରକାଶ କରିଛନ୍ତି।

ଏସିଆନ ଗେମ୍ସ ହାଙ୍ଗଝୋଉରେ ହେବ

ଆଗାମୀ ପ୍ୟାରିସ୍‌ ଅଲିମ୍ପିକ୍ସ ପାଇଁ କ୍ୱାଲିଫାୟର୍ସ ଇଭେଣ୍ଟଭାବେ ପରିଚିତ ଏସିଆନ ଗେମ୍ସ ନିର୍ଦ୍ଧାରିତ କାର୍ଯ୍ୟସୂଚୀ ଅନୁସାରେ ହାଙ୍ଗଝୋଉରେ ହିଁ ଅନୁଷ୍ଠିତ ହେବ। ଏସିଆନ ଗେମ୍ସ ପ୍ରକୃତରେ ଗତବର୍ଷ ହେବାର ଥିଲା, ମାତ୍ର କୋଭିଡ୍‌-୧୯ ସଂକ୍ରମଣ ପାଇଁ ଏହାକୁ ସ୍ଥଗିତ ରଖାଯାଇଥିଲା। ଇକ୍ରାମ କହିଛନ୍ତି, ଏସିଆନ ଗେମ୍ସ ହାଙ୍ଗଝୋଉରେ ନିଶ୍ଚିତ ଅନୁଷ୍ଠିତ ହେବ। ମୁଁ ନିଜେ କୋଅର୍ଡିନେଶନ କମିଶନ୍‌ର ଜଣେ ବରିଷ୍ଠ ସଦସ୍ୟ। ଆମେ ଆସନ୍ତା ମାର୍ଚ୍ଚରେ ଚାଇନାରେ ଏକ ବୈଠକ କରିବୁ। ପ୍ରକୃତରେ ଇଭେଣ୍ଟ ପାଇଁ ଭେନ୍ୟୁ ଗତବର୍ଷ ମଧ୍ୟ ପ୍ରସ୍ତୁତ ଥିଲା। ତେଣୁ ସେଠାରେ ଆଗାମୀ ଦିନରେ ଏସିଆନ ଗେମ୍ସ ଆୟୋଜନ ନେଇ କୌଣସି ଅସୁବିଧା ନାହିଁ। ତେଣୁ ଏହାର ବିକଳ୍ପ ଟୁର୍ନାମେଣ୍ଟ ସମ୍ପର୍କରେ ଚିନ୍ତା କରାଯାଉନାହିଁ ବୋଲି ଇକ୍ରାମ କହିଛନ୍ତି। ଖବରଦାତା ସମ୍ମିଳନୀରେ ଉପସ୍ଥିତ ଥିବା ଏଫ୍‌ଆଇଏଚ୍‌ ସିଇଓ ଥିଏରୀ ୱିଲ ଖେଳର ବୈଷୟିକ ଦିଗ ଉପରେ ବିଶେଷ ଆଲୋକପାତ କରିଥିଲେ।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ଦିଲ୍ଲୀକୁ ୧୮୬ ରନର ଟାର୍ଗେଟ୍‌ ଦେଲା ରାଜସ୍ଥାନ

ଜୟପୁର,୨୮।୩: ଦିଲ୍ଲୀ କ୍ୟାପିଟାଲ ଏବଂ ରାଜସ୍ଥାନ ରୟାଲ ମଧ୍ୟରେ ଖେଳାଯାଉଥିବା ୯ମ ମ୍ୟାଚରେ ଦିଲ୍ଲୀକୁ ୧୮୬ ରନର ଲକ୍ଷ୍ୟ ଦେଇଛି ରାଜସ୍ଥାନ। ଏହି ମ୍ୟାଚ ଜୟପୁରର...

କେଶବ ମହାରାଜଙ୍କୁ ଦଳରେ ସାମିଲ କଲା ରାଜସ୍ଥାନ ରୟାଲ୍ସ, କେକେଆର ଆଣିଲା ୧୬ ବର୍ଷ ବୟସ୍କ ଆଫଗାନିସ୍ତାନ ସ୍ପିନର

ନୂଆଦିଲ୍ଲୀ ,୨୮।୩: ଆହତ ପ୍ରସିଦ୍ଧ କ୍ରିଷ୍ଣାଙ୍କ ସ୍ଥାନରେ ବଦଳ ଖେଳାଳି ଭାବେ ରାଜସ୍ଥାନ ରୟାଲ୍ସ ଦକ୍ଷିଣ ଆଫ୍ରିକାର ସ୍ପିନର କେଶବ ମହାରାଜଙ୍କୁ ଦଳରେ ସାମିଲ କରିଛି।...

ଇତିହାସ ରଚିଲେ ରିଷଭ ପନ୍ତ, ଏଭଳି କରିବାରେ ହେଲେ ୭ମ ଖେଳାଳି

ଜୟପୁର,୨୮।୩: ୨୦୨୪ ଆଇପିଏଲର ୧୭ ତମ ସିଜନରେ ପ୍ରାୟ ପ୍ରତ୍ୟେକ ମ୍ୟାଚରେ ନୂଆ ରେକର୍ଡ ସୃଷ୍ଟି ହେଉଛି । ଜୟପୁରର ସୱାଇ ମାନ ସିଂ ଷ୍ଟାଡିୟମରେ...

ମୁମ୍ବାଇ ଇଣ୍ଡିଆନ୍ସ ପାଇଁ ଖରାପ ଖବର, ଏହି ଗୁରୁତ୍ୱପୂର୍ଣ୍ଣ ଖେଳାଳିଙ୍କ ଫେରିବା କଷ୍ଟକର

ନୂଆଦିଲ୍ଲୀ,୨୮।୩: ସନରାଇଜର୍ସ ହାଇଦ୍ରାବାଦ ବିପକ୍ଷରେ ପରାଜୟ ପରେ ମୁମ୍ବାଇ ଇଣ୍ଡିଆନ୍ସ ପାଇଁ ଆଉ ଏକ ଖରାପ ଖବର ଆସିଛି। ଦଳର ଷ୍ଟାର ବ୍ୟାଟର ସୂର୍ଯ୍ୟକୁମାର ଯାଦବ...

ହାର୍ଦ୍ଦିକ ପାଣ୍ଡ୍ୟାଙ୍କୁ ଭିଲିଆନ୍‌ ସଜେଇଲେ ଏହି କ୍ରିକେଟର୍‌: କହିଦେଲେ ଏମିତି କଥା

ହାଇଦ୍ରାବାଦ୍‌,୨୮।୩: ମୁମ୍ବାଇ ଇଣ୍ଡିଆନ୍ସକୁ ସନରାଇଜର୍ସ ହାଇଦ୍ରାବାଦ ବିପକ୍ଷରେ ପରାଜୟର ସାମ୍ନା କରିବାକୁ ପଡିଛି। ହାର୍ଦ୍ଦିକ ପାଣ୍ଡ୍ୟାଙ୍କ ଅଧିନାୟକତ୍ୱକୁ ନେଇ ପ୍ରଶ୍ନ ଉଠିଛି। ଏଥି ସହ ବର୍ତ୍ତମାନ...

ରୋହିତଙ୍କୁ ସମ୍ଭାଳିବାକୁ ପଡିଲା ମୁମ୍ବାଇ ଇଣ୍ଡିଆନ୍ସର ଅଧିନାୟକତ୍ୱ! ପାଣ୍ଡ୍ୟାଙ୍କୁ କହିଲେ…

ନୂଆଦିଲ୍ଲୀ,୨୮।୩: ମୁମ୍ବାଇ ଇଣ୍ଡିଆନ୍ସ ବିପକ୍ଷରେ ସନରାଇଜର୍ସ ହାଇଦ୍ରାବାଦ ୨୦ ଓଭରରେ ୩ ଉଇକେଟ୍‌ ହରାଇ ୨୭୭ ରନ୍‌ ସଂଗ୍ରହ କରିଥିଲା। ଆଇପିଏଲ ଇତିହାସରେ ଏହା ହେଉଛି...

ପାଣ୍ଡ୍ୟାଙ୍କୁ ଗାଳି, ଗାଏକଓ୍ବାଡଙ୍କ ପାଇଁ ତାଳି…ଅଧିନାୟକ ଦାୟିତ୍ୱ କିଭଳି ଦିଆଯାଏ ଧୋନୀଙ୍କଠାରୁ ଶିଖିବା ଉଚିତ

ନୂଆଦିଲ୍ଲୀ,୨୮।୩: ଆଇପିଏଲ୍‌ରେ ମାର୍ଚ୍ଚ ୨୪ ଏବଂ ୨୬ର ଦୃଶ୍ୟ ବହୁତ କିଛି ବୟାନ କରୁଛି। ପ୍ରଥମେ ମାର୍ଚ୍ଚ ୨୪ ବିଷୟରେ କଥା ହେବା। ଏହି ଦିନ...

ଭାରତର ଏହି ସହରରେ ପ୍ରସ୍ତୁତ ହୁଏ ଆଇପିଏଲ୍‌ ବଲ୍‌, ବର୍ଷକୁ ୫୦୦ କୋଟି ଟଙ୍କା ରୋଜଗାର

ବର୍ତ୍ତମାନ ଆଇପିଏଲ ଚାଲିଛି। ଇଣ୍ଡିଆନ ପ୍ରିମିୟର ଲିଗ୍‌କୁ ନେଇ ଲୋକଙ୍କ ମଧ୍ୟରେ ଏକ ବଡ଼ କ୍ରେଜ୍‌ ରହିଛି। ଏହି ପ୍ରତିଯୋଗିତା ୬୬ ଦିନ ପର୍ଯ୍ୟନ୍ତ ଚାଲିବ।...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri