ମାୟାମି ଗାର୍ଡେନ୍ସ,୧୯ା୭: ବୁକାୟୋ ସାକାଙ୍କ ହ୍ୟାଟ୍ରିକ ଗୋଲ ବଳରେ ରବିବାର ଚଳିତ ଫିଫା ବିଶ୍ୱକପ୍ରେ ଅନୁଷ୍ଠିତ ପ୍ଲେ-ଅଫ୍ ମ୍ୟାଚ୍ରେ ଇଂଲଣ୍ଡ ୬-୪ ଗୋଲରେ ଫ୍ରାନ୍ସକୁ ପରାସ୍ତ କରି ବ୍ରୋଞ୍ଜ ମେଡାଲ ଜିତିଛି।
୧୯୮୨ ସଂସ୍କରଣରେ ହଙ୍ଗେରୀ ୧୦-୧ ଗୋଲରେ ଏଲ ସାଲଭାଡରକୁ ପରାସ୍ତ କରିବା ପରଠାରୁ ଏହା ବିଶ୍ୱକପ୍ର ସବୁଠୁ ହାଇସ୍କୋରିଂ ମ୍ୟାଚ୍ ଥିଲା। ଏପର୍ଯ୍ୟନ୍ତ ବିଶ୍ୱକପ୍ରେ ତୃତୀୟ ସ୍ଥାନ ଲାଗି ଖେଳାଯାଇଥିବା ମ୍ୟାଚ୍ରେ କଦାପି ୧୦ ଗୋଲ ହୋଇ ନ ଥିଲା। ତେବେ ୧୯୫୪ ସଂସ୍କରଣରେ ଅଷ୍ଟ୍ରିଆ ୭-୫ ଗୋଲରେ ସୁଇଜରଲାଣ୍ଡକୁ ହରାଇଥିଲା, ଯାହାକି ବିଶ୍ୱକପ୍ ଇତିହାସର ସର୍ବାଧିକ ସ୍କୋର। ୧୯୬୬ରେ ଏକମାତ୍ର ବିଶ୍ୱକପ୍ ଟ୍ରଫି ଜିତିଥିବା ଇଂଲଣ୍ଡ ଲାଗି ଏହା ଦ୍ୱିତୀୟ ଶ୍ରେଷ୍ଠ ପ୍ରଦର୍ଶନ। ମ୍ୟାଚ୍ରେ କିଲିଆନ ଏମ୍ବାପେ ଡବଲ ଗୋଲ କରିବା ସହ ଚଳିତ ବିଶ୍ୱକପ୍ରେ ତାଙ୍କ ଗୋଲ ସଂଖ୍ୟାକୁ ୧୦ରେ ପହଞ୍ଚାଇଛନ୍ତି। ଏଥିସହିତ ସେ ୨୨ ବିଶ୍ୱକପ୍ ମ୍ୟାଚ୍ରେ ୨୨ଟି ଗୋଲ କରିଛନ୍ତି।
