ସାର କଳାବଜାର, ଚାଷୀକୁଳ ହତାଶ

ଯାଜପୁର,୨୧ା୮(ହର୍ଷବର୍ଦ୍ଧନ ବେହେରା) :ଯାଜପୁର ଜିଲାର ନଦୀ ତଟବର୍ତ୍ତୀ ଅଞ୍ଚଳରେ ବନ୍ୟା ଦାଉ ସାଧିବା ପରେ ଅତ୍ୟଧିକ ସାର ଦର ବୃଦ୍ଧି ଏବଂ କଳାବଜାରକୁ ନେଇ ଏବେ ଜିଲାର ଚାଷୀଙ୍କ ମୁଣ୍ଡରେ ଚଡ଼କ ପଡିଛି ା ବର୍ଷାପରେ ଚାଷକାର୍ଯ୍ୟ ଜୋରସୋର ଚାଲିଥିବାରୁ ଲାଭଖୋର ସାର ବେପାରୀମାନେ ନିର୍ଦ୍ଧାରିତ ସରକାରୀ ଦରଠାରୁ ବହୁ ଅଧିକ ମୂଲ୍ୟରେ ସାର ବିକ୍ରୀ କରୁଥିବାରୁ ଚାଷୀକୂଳ ହତାଶ ହୋଇ ପଡିଛନ୍ତି ା ମାର୍କଫେଡ ଜରିଆରେ ଜିଲାର ପ୍ରାଥମିକ କୃଷି ସେବା ସମବାୟ ସମିତି(ପାକ୍ସ) ଏବଂ ନିଯୁକ୍ତ ଡିଲରମାନଙ୍କୁ ବିଭିନ୍ନ ସାର ଯୋଗାଇ ଦିଆଯାଉଛି। କିନ୍ତୁ କେତେଜଣ ଡିଲର ସବ୍‌ସିଡି ହଡପ ପାଇଁ କେତେକ ଖୁଚୁରା ବ୍ୟବସାୟୀମାନଙ୍କୁ ଯୋଗାଇ ଦେଇ ଅଧିକ ଲାଭ ରଖୁଛନ୍ତି। ଫଳରେ ଚାଷୀଙ୍କ ପାଖକୁ ସାର ପହଞ୍ଚିଲା ବେଳକୁ ନିର୍ଦ୍ଧାରିତ ଦରଠାରୁ ବହୁ ଗୁଣ ଅଧିକ ଦରରେ ବିକ୍ରୀ ହେଉଥିବା ଅଭିଯୋଗ ହେଉଛି। ଏହି କ୍ରମରେ କଳାବଜାରୀ ସମ୍ଭାବନା କମ ଥିବା ପାକ୍ସଗୁଡିକୁ ମାର୍କଫେଡ ଜାଣିଶୁଣି ଆବଶ୍ୟକ ମୁତାବକ ସାର ଯୋଗାଇ ଦେଉ ନ ଥିବା ମଧ୍ୟ ମତପ୍ରକାଶ ପାଇଛି।
ଚଳିତ ଖରିଫ ଋତୁରେ ପାକ୍ସଗୁଡିକରେ ୮୪୯୯ ମେଟ୍ରିକ ଟନ(ଏମଟି) ସାର ଯୋଗାଇବାକୁ ନିର୍ଦ୍ଧାରିତ ହୋଇଛି। ହେଲେ ଗତ ୧ା୪ା୨୦୨୩ ରୁ ୧୮ା୮ା୨୦୨୩ ପର୍ଯ୍ୟନ୍ତ ଜିଲାର ୬୨ଟି ପାକ୍ସଗୁଡିକ ମାତ୍ର ୧୮୨୯.୩୮୮ ଏମଟି ସାର ଉଠାଇ ପାରିଛି। ଏଥିରେ ସର୍ବାଧିକ ଚାହିଦା ଥିବା ୟୁରିଆ ୮୨୦.୩୦୫ ଏମଟି, ଡିଏପି ୭୫୦.୦୫ ଏମଟି, ଏମଓପି ୧୨୭.୫ ଏମଟି, ଏନପିକେଏସ୍‌ ୩୬ ଏମଟି, ସିଆଇଏଲ ୨୮-୨୮ ସାର ୯୦.୫ ଏମଟି ଓ ଇଫକୋ ୫ ଏମଟି ସାର ରହିଛି। ମାର୍କଫେଡର ପରିଚାଳନା ନିର୍ଦ୍ଦେଶକ ସମସ୍ତ ଏରିଆ ମେନେଜର ଓ ଗୋଦାମ ମେନେଜରମାନଙ୍କୁ ଗୋଦାମ ବ୍ୟବସ୍ଥା କରିବା ସହିତ ମାସିକ ଲକ୍ଷ୍ୟଧାର୍ଯ୍ୟ କରିବାକୁ ନିର୍ଦ୍ଦେଶ ଦେଇଛନ୍ତି ା ପ୍ରତିବର୍ଷ ସରକାର ଏପରି ଭାବେ ଚାଷୀଙ୍କ ପାଇଁ ୟୁରିଆ ସହ ଅନ୍ୟାନ୍ୟ ସାର ଯୋଗାଇ ଦେଉଛନ୍ତି ା ବିଶେଷ କରି ପାକ୍ସଗୁଡିକରେ ଆବଶ୍ୟକ ଅନୁଯାୟୀ ଗୋଦାମ ଗୃହ ନ ଥିବାରୁ ଚାହିଦା ମୁତାବକ ସାର ଉଠାଉ ନ ଥିବା ଜଣାପଡିଛି। ଫଳରେ ଚାଷୀ ବାଧ୍ୟ ହୋଇ କେଜି ପ୍ରତି ପ୍ରାୟ ୧୦ଟଙ୍କା ଚଢା ଦରରେ ୟୁରିଆ ସାର ଖୁଚୁରା ବ୍ୟବସାୟୀଙ୍କ ଠାରୁ କିଣୁଛନ୍ତି ା ଚାହିଦା ମୁତାବକ ସାର ଅଭାବ ନାହିଁ ବୋଲି ପ୍ରଶାସନ ପକ୍ଷରୁ କୁହାଯାଉଥିବାବେଳେ ବର୍ତ୍ତମାନ ପରିସ୍ଥିତିରେ ଧାନ ଚାଷ ପାଇଁ ପ୍ରଥମ ସାର ପ୍ରୟୋଗ ସମୟ । ସବୁଜ ବିପ୍ଳବ ନାମରେ ସରକାର ଯେଉଁ ରାସାୟନିକ ସାରର ବ୍ୟବହାର କରିବା ପାଇଁ ପ୍ରବର୍ତ୍ତାଇଥିଲେ ତାହା ଏବେ ଚାଷୀଙ୍କ ପାଇଁ କାଳ ହୋଇଛି । ଧାନ ଫସଲରେ ମାତ୍ରାଧିକ ସବୁଜିମା ଓ ଅଧିକ ଅମଳ ଆଶାରେ ଚାଷୀ ଚାଷ ଜମିରେ ବ୍ୟାପକ ଭାବରେ ବିଭିନ୍ନ ସାର ବ୍ୟବହାର କରୁଛନ୍ତି। ପ୍ରକୃତ ପକ୍ଷେ କହିବାକୁ ଗଲେ ଅଞ୍ଚଳର ଚାଷୀଙ୍କୁ ଏକ ପ୍ରକାର ସାରର ଅଭ୍ୟାସ ଲଗେଇ ଦିଆଯାଇଛି। ଫଳରେ ଗ୍ରାମାଞ୍ଚଳ ଚାଷୀଙ୍କୁ ଲାଇସେନ୍ସ ନ ଥିବା ଖୁଚୁରା ବିକ୍ରେତାମାନେ ସାରର କଳାବଜାର କରି ଚଢ଼ାଦରରେ ବିକ୍ରୀ କରୁଛନ୍ତି । ଚଷୀମାନେ ରୁଆପୋତା କାର୍ଯ୍ୟ ସମୟରେ ଆବଶ୍ୟକ ଥିବା ଗ୍ରୋମର, ଡିଏପି, ୟୁରିଆ, ପଟାସ ଆଦି ଉପଯୁକ୍ତ ଦର ଏବଂ ଠିକ ସମୟରେ ନ ମିଳିବା ଦ୍ୱାରା ଚାଷ କାମ ଅଟକି ରହିଛି। ଜିଲାର ଯଖପୁରା, ରାଣୀପଡା, ଦୁଧୁଝରି, ପ୍ରଥମାଖଣ୍ଡି, ସିଂହପୁର, ନଠୁଆବର, ଓଡିଶୋ, ବ୍ରହ୍ମବରଦା, ମୁଗୁପାଳ, ସାମନ୍ଥପୁର, ପହଙ୍ଗା, ଅଣକା, ସାଉଡିଆ, ଚାରିନଙ୍ଗଳ ରାଇପୁର ଇତ୍ୟାଦି ପାକ୍ସଗୁଡିକରେ ଏଯାଏ ଦୁଇ ଅଙ୍କ ପର୍ଯ୍ୟନ୍ତ ସାର ଉଠାଇ ପାରିନାହିଁ। ଫଳରେ ସଂପୃକ୍ତ ଅଞ୍ଚଳର ଚାଷୀମାନେ ଖୁଚୁରା ବେପାରୀଙ୍କଠାରୁ ଚଢା ଦରରେ ସାର କିଣି ଶୋଷଣର ଶିକାର ହେଉଥିବା ଅଭିଯୋଗ ହେଉଛି। ଏହି ସମୟରେ ସାର ପ୍ରୟୋଗ ନ କଲେ ଉତ୍ପାଦନ ୫୦ ପ୍ରତିଶତ ହ୍ରାସ ପାଇବା ସମ୍ଭାବନା ରହିଛି । ତେଣୁ ଚାଷୀ ସାର ପାଇଁ ବିକଳ ଅବସ୍ଥାରେ ରହିଥିବାବେଳେ ସାର ବ୍ୟବସାୟୀମାନେ ୟୁରିଆ ସାରର ଉପରୋକ୍ତ ସବସିଡିକୁ ହଡପ କରିବା ଓ ସାର କୃତ୍ରିମ ଅଭାବୀ ପରିସ୍ଥିତି ସୃଷ୍ଟି କରି କଳାବଜାର କରିବାକୁ ଯୋଜନା କରିଛନ୍ତି। ଏହି ପରିସ୍ଥିତିରେ ସାର ବ୍ୟବସାୟୀଙ୍କୁ ନିୟନ୍ତ୍ରଣ କରିବାରେ କୃଷି ବିଭାଗ ସଂପୂର୍ଣ୍ଣ ବିଫଳ ହୋଇଛି । ଚାଷୀଙ୍କ ପାଇଁ ସାର ବିକ୍ରୀ କରାଇବା ବିଭାଗର ପ୍ରଥମ ଦାୟିତ୍ୱ । ଏହି ଦାୟିତ୍ୱ ବିଭାଗ ନିର୍ବାହ କରୁନାହିଁ ା ସାର ଲୁଚାଇ ରଖିବା ଏକ ଧର୍ତ୍ତବ୍ୟ ଅପରାଧ ହୋଇଥିବାରୁ ସେ ବ୍ୟବସାୟୀମାନଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ପାଇଁ ଚାଷୀ ମହଲରେ ଦାବି ହେଉଛି ା ମାଧପୁର ଗ୍ରାମର ଚାଷୀ ଗୋପୀନାଥ ବିଶ୍ୱାଳ ଓ ଜଳେଶ୍ୱର ଗ୍ରାମର ଚାଷୀ ସୁବାସ ରାଉତଙ୍କ କହିବା ଅନୁସାରେ ସେମାନେ ୫୦ କେଜି ପ୍ୟାକେଟ ନାଗାର୍ଜୁନ ୟୁରିଆ ସାରର ସରକାରୀ ଦର ୨୭୯ ରହିଥିବାବେଳେ ସେମାନଙ୍କୁ ୩୭୦ ଟଙ୍କାରୁ ଉର୍ଦ୍ଧ୍ୱ ଦରରେ କିଣିବାକୁ ପଡୁଛି। ସେହିପରି ଇଫକୋ ସାର ଦର ୨୬୯ ରହିଥିବାବେଳେ ୩୩୦ ଟଙ୍କା ଦେବାକୁ ପଡୁଛି। ଏଭଳି ଭାବେ ମାର୍କଫେଡ ଏବଂ ନୀରିକ୍ଷଣ ଦାୟିତ୍ୱରେ ଥିବା ଅଧିକାରୀଙ୍କ ସହ ଡିଲରମାନଙ୍କ ଅସାଧୁ ମେଣ୍ଟ ରହିଥିବାରୁ ଖୁଚୁରା ବେପାରୀ ସଂଖ୍ୟା ବଢିବା ସହ ଚାଷୀ ଶୋଷଣର ଶିକାର ହେଉଥିବା ମତପ୍ରକାଶ ପାଇଛି। ଏ ସଂକ୍ରାନ୍ତରେ ଯାଜପୁର ଏଆରସିଏସ ଶରତ ଚନ୍ଦ୍ର ମଲିକଙ୍କୁ ପଚାରିବାରୁ ସେ କହିଛନ୍ତି, ଗୋଦାମ ଗୃହ ଅଭାବରୁ ଆବଶ୍ୟକ ସାର ଉଠାଯାଇ ପାରିନାହିଁ। ତେବେ ସାରର କଳାବଜାରକୁ ନିୟନ୍ତ୍ରଣ କରିବାକୁ ସବୁପ୍ରକାର ବ୍ୟବସ୍ଥା କରାଯାଇଛି।


Enter your email to get our daily news in your inbox.

All Right Reserved By Dharitri.Com

ବରଗଡ଼ରେ ଧଳାଜହର କାରବାରର ପର୍ଦ୍ଦାଫାଶ: ୯୦ ଗ୍ରାମ ବ୍ରାଉନ୍ ସୁଗାର ଜବତ, ପୋଲିସ ହାତରେ ଧରାପଡ଼ିଲେ ଦମ୍ପତି

ବରଗଡ଼,୧୮।୧୧(ପ୍ରେମାନନ୍ଦ ଖମାରୀ)- ବରଗଡ଼ ଟାଉନ୍ ଥାନା ପୋଲିସକୁ ନିଶା କାରବାର ବିରୋଧୀ ଅଭିଯାନରେ ଏକ ବଡ଼ ସଫଳତା ମିଳିଛି । ବୁଧବାର ପୋଲିସ ଚଢ଼ାଉ କରି ବ୍ରାଉନ୍…

ଡାକ୍ତରଙ୍କ ଅବହେଳାରୁ ଛାତ୍ରୀ ମୃତ୍ୟୁ ଅଭିଯୋଗ, କାର୍ଯ୍ୟାନୁଷ୍ଠାନ, କ୍ଷତିପୂରଣ ଦାବିରେ ଧାରଣା

ନୂଆପଡ଼ା,୧୮।୧୧(ମକାରୁ ବେମାଲ): ନୂଆପଡ଼ା ଜିଲା ବୋଡେନ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଡାକ୍ତର ଓ ନର୍ସଙ୍କ ଅବହେଳା ଯୋଗୁ ଅଷ୍ଟମ ଶ୍ରେଣୀ ଛାତ୍ରୀଙ୍କ ମୃତ୍ୟୁ ହୋଇଥିବା ପରିବାର ଲୋକେ ଅଭିଯୋଗ…

ସରକାରଙ୍କ ବଡ଼ ନିଷ୍ପତ୍ତି; ଘୁଞ୍ଚିଲା ପଞ୍ଚାୟତ ନିର୍ବାଚନ, ବିଧାନସଭା ପରେ….

ଲକ୍ଷ୍ନୌ,୧୮।୧୧: ଉତ୍ତରପ୍ରଦେଶରେ ପଞ୍ଚାୟତ ନିର୍ବାଚନକୁ ନେଇ ବଡ଼ ନିଷ୍ପତ୍ତି ନେଇଛନ୍ତି ଯୋଗୀ ସରକାର । ପଞ୍ଚାୟତ ନିର୍ବାଚନ କରାଇବାର ସମୟସୀମାକୁ ଆଉ ୬ ମାସ ବୃଦ୍ଧି କରାଯାଇଛି…

‘ଅକ୍ବାନ’ ଆଲର୍ଟ: ଗୁଡ଼ାରି ବ୍ଲକ ପ୍ରଶାସନର ଜରୁରୀ ବୈଠକ, ମୁଖ୍ୟାଳୟ ନ ଛାଡ଼ିବାକୁ କର୍ମଚାରୀଙ୍କୁ କଡ଼ା ନିର୍ଦ୍ଦେଶ

ଗୁଡ଼ାରି,୧୮ା୧୧(ପ୍ରମୋଦ କୁମାର ପତି ): ସମ୍ଭାବ୍ୟ ବାତ୍ୟା ‘ଅକ୍ବାନ’କୁ ଦୃଷ୍ଟିରେ ରଖି ଗୁଡ଼ାରି ବ୍ଲକ ପ୍ରଶାସନ ପକ୍ଷରୁ ସମସ୍ତ ପ୍ରକାର ପ୍ରସ୍ତୁତି ଚୂଡ଼ାନ୍ତ ପର୍ଯ୍ୟାୟରେ ପହଞ୍ଚିଛି ।…

କେନ୍ଦୁଝରର ଗୌରବ: ବିଶିଷ୍ଟ କବି ଭୈରବ ଚନ୍ଦ୍ର ବେହେରାଙ୍କୁ ମିଳିଲା ମର୍ଯ୍ୟାଦାଜନକ ‘ଉତ୍କଳ ସାହିତ୍ୟ ରତ୍ନ ସମ୍ମାନ’

ପାଟଣା,୧୮।୧୧(ବୀର କିଶୋର ଦାଶ): କେନ୍ଦୁଝର ଜିଲା ପାଟଣା ବ୍ଲକ ଅନ୍ତର୍ଗତ କଣ୍ଟିଆପଡ଼ା ପଞ୍ଚାୟତ ଜାମୁନାଳିଆ ଗ୍ରାମର ବିଶିଷ୍ଟ କବି, ଗାଳ୍ପିକ ତଥା ଶିକ୍ଷାବିତ୍ ଭୈରବ ଚନ୍ଦ୍ର ବେହେରାଙ୍କୁ…

ରେଡ୍ ଜୋନ୍‌ରେ ଗଞ୍ଜାମ: ଅଫିସରଙ୍କ ହଜିଗଲାଣି ନିଦ, ଚିନ୍ତାରେ ଲୋକେ; ନିୟୋଜିତ ହେଲେ ୪୦ ଉଦ୍ଧାରକାରୀ ଦଳ…

ଭଞ୍ଜନଗର, ୧୮।୧୧ (ବାବୁଲା ପ୍ରଧାନ): ସମ୍ଭାବ୍ୟ ବାତ୍ୟା ଓ ଲଗାଣ ବର୍ଷାକୁ ନେଇ ଗଞ୍ଜାମ ଜିଲାରେ ଆଶଙ୍କା ବଢ଼ିଥିବା ବେଳେ ପ୍ରଶାସନ ପକ୍ଷରୁ ପ୍ରସ୍ତୁତିକୁ ଜୋରଦାର କରାଯାଇଛି।…

ପ୍ଲେଇଂ ଇଲେଭେନ୍‌ରେ ସୁଯୋଗ ନମିଳିବାକୁ ରାଗିଗଲେ ଖେଳାଳି, କହିଲେ ମୋର ଆତ୍ମସମ୍ମାନ….

ନୂଆଦିଲ୍ଲୀ, ୧୮।୧୧: ଦୋହାରେ ନଭେମ୍ବର ୧୯ରୁ ଆରମ୍ଭ ହେବ ୨୦୨୬ ପୁରୁଷ ଇମର୍ଜିଂ ଏସିଆ କପ୍‌ । ଏହି ଟୁର୍ଣ୍ଣାମେଣ୍ଟରେ ଇଣ୍ଡିଆ-ଏ ପକ୍ଷରୁ ଖେଳିବେ ଭାରତୀୟ ଅଲରାଉଣ୍ଡର…

Litton Das: ପ୍ରଥମେ ଶତକ, ଏବେ ଉଇକେଟକିପିଂରେ ରଚିଲେ ଇତିହାସ, ଭାଙ୍ଗିଲେ ୪୭ ବର୍ଷ ପୁରୁଣା ବିଶ୍ୱ ରେକର୍ଡ

ଢାକା/ଜୋହାନ୍ସବର୍ଗ,୧୮।୧୧: ଟେଷ୍ଟ କ୍ରିକେଟରେ ବାଂଲାଦେଶର ଖେଳାଳିମାନେ କ୍ରମାଗତ ଭାବେ ନିଜର ଦକ୍ଷତା ପ୍ରମାଣିତ କରୁଛନ୍ତି । ଅଷ୍ଟ୍ରେଲିଆ ଏବଂ ଦକ୍ଷିଣ ଆଫ୍ରିକା ଭୂମିରେ ଚମତ୍କାର ପ୍ରଦର୍ଶନ ଜାରି…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?