Posted inଜାତୀୟ

ଫଳ ପୂର୍ବରୁ ଘୋଡ଼ାବେପାର ଭୟ

ଗୁଆହାଟୀ/ଜୟପୁର, ୧୦।୪ ଆସାମରେ ବିଧାନସଭା ନିର୍ବାଚନ ଶେଷ ହେବା ସହ ଆରମ୍ଭ ହୋଇଛି ଲୁଚକାଳି ଖେଳ । କଂଗ୍ରେସର ୨୦ରୁ ଊର୍ଦ୍ଧ୍ୱ ବିଧାୟକ ପ୍ରାର୍ଥୀ ରାଜସ୍ଥାନ ରାଜଧାନୀ ଜୟପୁରସ୍ଥିତ ଏକ ହୋଟେଲକୁ ବୁହାହୋଇ ଯାଇଛନ୍ତି । କଂଗ୍ରେସର ପଦାଙ୍କ ଅନୁସରଣ କରିଛନ୍ତି ଧୁବ୍ରୀ ଏମ୍‌ପି ବଦ୍‌ରୁଦ୍ଦିନ ଅଜମଲ । ସେ ମଧ୍ୟ ତାଙ୍କ ନେତୃତ୍ୱାଧୀନ ଅଲ୍‌ ଇଣ୍ଡିଆ ୟୁନାଇଟେଡ୍‌ ଡେମୋକ୍ରାଟିକ୍‌ ଫ୍ରଣ୍ଟ (ଏଆଇୟୁଡିଏଫ୍‌)ର ୧୮ରୁ ୨୦ ପ୍ରାର୍ଥୀଙ୍କୁ ରାଜସ୍ଥାନକୁ ନେଇଯାଇଛନ୍ତି ଭାଜପାର ଘୋଡ଼ାବେପାର ଭୟରେ ।
କାରଣ ଭାଜପା ନିର୍ବାଚନ ହାରିବା ସତ୍ତ୍ୱେ କ୍ଷମତା ହାତେଇବା ପାଇଁ ବିରୋଧୀଙ୍କ ମଧ୍ୟରେ ବିଭାଜନ ସୃଷ୍ଟି କରିଥାଏ ବୋଲି ବିଶ୍ଳେଷକ ମତ ଦିଅନ୍ତି । ଗୈରିକ ଦଳର ଏହି ଚର୍ଚ୍ଚିତ ରଣନୀତି ‘ଅପରେଶନ କମଲ’ ନାମରେ ବିଦିତ ।

ଏପ୍ରିଲ ୬ରେ ତିନି ପର୍ଯ୍ୟାୟରେ ଶେଷ ହୋଇଛି ଆସାମ ବିଧାନସଭା ନିର୍ବାଚନ। ମେ ୨ରେ ଭୋଟ ଗଣତି ହେବ। କିନ୍ତୁ ଫଳାଫଳ ପ୍ରକାଶ ପାଇବା ପୂର୍ବରୁ ଶାସକ ଭାଜପା ଘୋଡ଼ାବେପାର କରିପାରେ ବୋଲି ବିରୋଧୀଙ୍କ ମନରେ ଭୟ ସୃଷ୍ଟି ହୋଇଛି। ଦଳୀୟ ପ୍ରାର୍ଥୀ କିଣାବିକା ଆଶଙ୍କା ଥିବାରୁ କଂଗ୍ରେସ ଏହାର ୨୦ରୁ ଊର୍ଦ୍ଧ୍ୱ ପ୍ରାର୍ଥୀଙ୍କୁ ରାଜସ୍ଥାନ ରାଜଧାନୀ ଜୟପୁର ପଠାଇ ଦେଇଛି। କଂଗ୍ରେସ ସହଯୋଗୀ ଏଆଇୟୁଡିଏଫ୍‌ ମଧ୍ୟ ଅନୁରୂପ ପଦକ୍ଷେପ ସ୍ବରୂପ ଏହାର ପ୍ରାୟ ପ୍ରାର୍ଥୀଙ୍କୁ ଜୟପୁର ନେଇଥିବା ସୂତ୍ରରୁ ଜଣାପଡ଼ିଛି। ସେମାନଙ୍କୁ ଏକ ରିସର୍ଟରେ ରଖାଯାଇଛି। ଗତବର୍ଷ ଜୁଲାଇରେ ରାଜସ୍ଥାନ କଂଗ୍ରେସରେ ଆଭ୍ୟନ୍ତରୀଣ ସଙ୍କଟ ଦେଖାଦେଇଥିବାବେଳେ ଦଳୀୟ ବିଧାୟକମାନଙ୍କୁ ଏହି ହୋଟେଲରେ ରଖାଯାଇଥିଲା।
ନିର୍ବାଚନ ହାରିବା ପରେ କଂଗ୍ରେସରେ ବିଭାଜନ ସୃଷ୍ଟି କରିବା ଭାଜପା ପାଇଁ ଏକ ଧାରାରେ ପରିଣତ ହୋଇଛି। ସେଥିପାଇଁ ଆମ ପ୍ରାର୍ଥୀମାନଙ୍କୁ ଜଗିବାକୁ ପଡ଼ୁଛି ବୋଲି କଂଗ୍ରେସ ମୁଖପାତ୍ର ରଣଦୀପ୍‌ ସୁର୍ଜଓ୍ବୋଲା କହିଛନ୍ତି। ଆସାମରେ ମାର୍ଚ୍ଚ ୨୭ରୁ ଏପ୍ରିଲ ୬ ମଧ୍ୟରେ ତିନି ପର୍ଯ୍ୟାୟରେ ନିର୍ବାଚନ ଅନୁଷ୍ଠିତ ହୋଇଥିଲା। ଶାସକ ଭାଜପା ଏବଂ ବିରୋଧୀ ମେଣ୍ଟ ମଧ୍ୟରେ ଜୋର୍‌ଦାର ପ୍ରତିଦ୍ୱନ୍ଦ୍ୱିିତା ହୋଇଥିବା ଜଣାପଡ଼ିଛି। କଂଗ୍ରେସ ନେତୃତ୍ୱାଧୀନ ମହାମେଣ୍ଟରେ ଏଆଇୟୁଡିଏଫ୍‌, ଜେଡିପିପି, ଆଦିବାସୀ ନ୍ୟାଶନାଲ ପାର୍ଟି, ସିପିଏମ୍‌, ସିପିଆଇ, ସିପିଆଇ(ଏମ୍‌ଏଲ୍‌), ଆଞ୍ଚଳିକ ଗଣ ମୋର୍ଚ୍ଚା, ବୋଡୋଲାଣ୍ଡ ପିପୁଲ୍ସ ପାର୍ଟି ଏବଂ ରାଷ୍ଟ୍ରୀୟ ଜନତା ଦଳ (ଆର୍‌ଜେଡି)। ଆସାମରେ ଭାଜପା କ୍ଷମତା ବଜାୟ ରଖିବା ଲକ୍ଷ୍ୟରେ ଥିବାବେଳେ ୫ ବର୍ଷ ପରେ କଂଗ୍ରେସ ପୁଣିଥରେ କ୍ଷମତାକୁ ଫେରିବା ଲାଗି ଆଶାୟୀ ରହିଛି। ତେବେ କୌଣସି ପ୍ରକାରେ କ୍ଷମତା ଦଖଲ ପାଇଁ ଭାଜପା ଅନୈତିକ ଉପାୟ ଅବଲମ୍ବନ କରିବା ଅସମ୍ଭବ ନୁହେଁ। ମେ’ ୨ରେ ପଶ୍ଚିମବଙ୍ଗ, ତାମିଲନାଡୁ, କେରଳ, ପୁଡୁଚେରୀ ସମେତ ଆସାମ ନିର୍ବାଚନ ଫଳାଫଳ ପ୍ରକାଶ ପାଇବାକୁ ଥିବାବେଳେ ଏହା ପୂର୍ବରୁ ଘୋଡ଼ାବେପାରକୁ ନେଇ କଂଗ୍ରେସ ସତର୍କତା ଅବଲମ୍ବନ କରିଥିବା ଦଳୀୟ ମୁଖପାତ୍ର କହିଛନ୍ତି। ରାଜସ୍ଥାନ କଂଗ୍ରେସର ମୁଖ୍ୟ ହୁଇପ୍‌ ମହେଶ ଜୋଷୀ ଏବଂ ବିଧାୟକ ରଫିକ୍‌ ଖାନ୍‌ଙ୍କୁ ଆସାମ କଂଗ୍ରେସ ପ୍ରାର୍ଥୀମାନଙ୍କୁ ଏକାଠି ରଖିବା ଦାୟିତ୍ୱ ଦିଆଯାଇଛି। ସେମାନଙ୍କୁ ରଖାଯାଇଥିବା ଫେୟାରମୋଣ୍ଟ ହୋଟେଲ ମଧ୍ୟକୁ ଅଜଣା ଲୋକଙ୍କୁ ଛଡ଼ାଯାଉନାହିଁ।

 

ବିରୋଧୀ ଦେଇଛନ୍ତି କଡ଼ା ଟକ୍କର
ଆସାମରେ ପରବର୍ତ୍ତୀ ସରକାର ଗଠନର ମୂଳଦୁଆ ପକାଇବାକୁ ଯାଇ ଶାସକ ଭାଜପା ୩ ମାସ ପୂର୍ବରୁ ଅଭିଯାନ ଆରମ୍ଭ କରିଥିଲା ଗୁଆହାଟୀର ଦିସପୁରରୁ। ପ୍ରଥମେ ଭାଜପା ସପକ୍ଷରେ ବିପୁଳ ଜନମତ ରହିଥିବା ପ୍ରତୀୟମାନ ହୋଇଥିଲା। ହେଲେ ନିର୍ବାଚନ ଯେତେ ପାଖେଇ ଆସିଲା ବିରୋଧୀ କଂଗ୍ରେସର ବଳ ସେତେ ବଢ଼ିବାରେ ଲାଗିଲା। ଏଥର ଭାଜପାକୁ କଡ଼ା ଟକ୍କର ଦେବାରେ ବିରୋଧୀ ମେଣ୍ଟକୁ ସହାୟକ ହୋଇଛି ସୁଚିନ୍ତିତ ରଣନୀତି ଓ ପ୍ରଭାବଶାଳୀ ପ୍ରଚାର। ଏହାର ଶ୍ରେୟ ଦିଆଯାଉଛି ଛତିଶଗଡ଼ ମୁଖ୍ୟମନ୍ତ୍ରୀ ତଥା କଂଗ୍ରେସ ପର୍ଯ୍ୟବେକ୍ଷକ ଭୂପେଶ ବାଘେଲଙ୍କୁ। ୨୦୧୮ ନିର୍ବାଚନରେ ରମଣ ସିଂ ସରକାରକୁ ଛତିଶଗଡ଼ରୁ ହଟାଇ କଂଗ୍ରେସକୁ କ୍ଷମତାକୁ ଆଣିଥିବା ଅଭିଜ୍ଞତା ଏଥିଲାଗି ବାଘେଲଙ୍କୁ ସହାୟକ ହୋଇଥିବା କୁହାଯାଉଛି।


Enter your email to get our daily news in your inbox.

All Right Reserved By Dharitri.Com

ମୁଖତାରଙ୍କ ୧୨ଶହ କୋଟି ଟଙ୍କାର ସମ୍ପତ୍ତି

ଲକ୍ଷ୍ନୌ,୨୮।୩: ମୁଖତାର ଅନସାରୀଙ୍କ ନାମ କିଏ ବା ନ ଶୁଣିଛି। ଯଦି ଆମେ ପୂର୍ବାଞ୍ଚଳ ବିଷୟରେ କଥା ହେବା, ସେଠାରେ ଥିବା ସମସ୍ତେ ନିଶ୍ଚୟ ତାଙ୍କ...

ମାଫିଆ ମୁଖତାର ଅନସାରୀଙ୍କ ମୃତ୍ୟୁ, ହସ୍ପିଟାଲରେ ପୋଲିସ ଛାଉଣି, ୧୪୪ ଧାରା ଜାରି

ବାନ୍ଦା,୨୮।୩: ଉତ୍ତର ପ୍ରଦେଶର ବାନ୍ଦା ହସ୍ପିଟାଲରେ ଶୁକ୍ରବାର ରାତିରେ ମାଫିଆରୁ ରାଜନେତା ହୋଇଥିବା ମୁଖତାର ଅନସାରୀଙ୍କ ମୃତ୍ୟୁ ହୋଇଛି। ବାନ୍ଦା ଜେଲରେ ହାର୍ଟ ଆଟାକ ପରେ...

ଇଡି ଜବତ କରୁଥିବା ସମ୍ପତ୍ତି ହୁଏ କ’ଣ, ଯାହାକୁ ଗରିବଙ୍କ ମଧ୍ୟରେ ବାଣ୍ଟି ଦେଉଥିବା କହୁଛନ୍ତି ମୋଦି?

ନୂଆଦିଲ୍ଲୀ,୨୮।୩: ନିର୍ବାଚନ ଋତୁରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପୁଣି ଥରେ ଏକ ବଡ଼ ଦାବି କରିଛନ୍ତି। ପଶ୍ଚିମବଙ୍ଗର କୃଷ୍ଣନଗର ଲୋକ ସଭା ଆସନରୁ ଭାଜପା ପ୍ରାର୍ଥୀ...

ଜେଲରୁ ପ୍ରଚାର କରିବେ ଆଜମ ଖାଁ? ଷ୍ଟାର ପ୍ରଚାରକ ଲିଷ୍ଟରେ ରହିଛି ନାମ

ଲକ୍ଷ୍ନୌ,୨୮।୩: ଲୋକସଭା ନିର୍ବାଚନ ୨୦୨୪ ପାଇଁ ବିଗୁଲ ବାଜି ସାରିଛି ଏବଂ ଉତ୍ତରପ୍ରଦେଶର ୮୦ଟି ଆସନରେ ୭ଟି ପର୍ଯ୍ୟାୟରେ ନିର୍ବାଚନ ଅନୁଷ୍ଠିତ ହେବ। ୟୁପିରେ ପ୍ରଥମ...

ମୁଖତାର ଅନସାରୀ ଗୁରୁତର, ହସ୍ପିଟାଲରେ ଭର୍ତ୍ତି

ନୂଆଦିଲ୍ଲୀ,୨୮।୩: ବାହୁବଳୀ ନେତା ମୁଖତାର ଅନସାରୀ ଗୁରୁତର ହୋଇପଡିଛନ୍ତି। ବାନ୍ଦା ଜେଲରେ ଥିବା ବେଳେ ତାଙ୍କର ସ୍ବାସ୍ଥ୍ୟ ବିଗିଡି ଯାଇଛି। ଏହା ପରେ ତାଙ୍କୁ ବାନ୍ଦା...

କେଜ୍‌ରିଓ୍ବାଲଙ୍କ ଗିରଫଦାରୀକୁ ନେଇ ଆମେରିକା ଦେଇଥିବା ମନ୍ତବ୍ୟ ଉପରେ କଡ଼ା ଜବାବ ଦେଲା ଭାରତ

ନୂଆଦିଲ୍ଲୀ,୨୮।୩ : ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍‌ରିଓ୍ବାଲଙ୍କ ଗିରଫଦାରୀ ଏବଂ କଂଗ୍ରେସର ବ୍ୟାଙ୍କ ଆକାଉଣ୍ଟକୁ ଅଚଳ କରାଯିବା ଘଟଣା ଉପରେ ଆମେରିକାର ମନ୍ତବ୍ୟ ଅବାଞ୍ଛିତ ବୋଲି...

ଭାଜପା ସହ ହେଲା ନାହିଁ ମେଣ୍ଟ ତ ନବୀନ ଖେଳିଲେ ନୂଆ ଗେମ! ପୁରୁଷଙ୍କ ଟିକେଟ କାଟି ପତ୍ନୀମାନଙ୍କୁ କଲେ ପ୍ରାର୍ଥୀ

ନୂଆଦିଲ୍ଲୀ/ଭୁବନେଶ୍ୱର,୨୮।୩: ଓଡ଼ିଶାରେ ଶାସକ ବିଜୁ ଜନତା ଦଳ (ବିଜେଡି) ଆଗାମୀ ବିଧାନସଭା ନିର୍ବାଚନ ପାଇଁ ୪ ମହିଳାଙ୍କୁ ସେମାନଙ୍କ ସ୍ବାମୀଙ୍କ ସ୍ଥାନରେ ପ୍ରାର୍ଥୀ କରିଛି। ଏହି...

୧୪ ବର୍ଷର ବନବାସ ଶେଷ କରି କାହିଁକି ରାଜନୀତିକୁ ଫେରିଲେ ଛୋଟେ ମିଆଁ

ମୁମ୍ବାଇ,୨୮।୩: ବଲିଉଡ଼ ଅଭିନେତା ତଥା ପୂର୍ବତନ ଏମପି ଗୋବିନ୍ଦା ଗୁରୁବାର ମୁଖ୍ୟମନ୍ତ୍ରୀ ଏକନାଥ ଶିନ୍ଦେଙ୍କ ନେତୃତ୍ୱରେ ଶିବସେନାରେ ଯୋଗ ଦେଇଛନ୍ତି। ମୁମ୍ବାଇ ଉତ୍ତର ପଶ୍ଚିମରେ ଶିବସେନାର...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri