୧ହଜାର ହେକ୍ଟର ଜମିରେ ଚାଷ ପ୍ରଭାବିତ

ରସୁଲପୁର,୨୧ା୬(ଡି.ଏନ୍‌.ଏ.):ଯାଜପୁର ଜିଲା ରସୁଲପୁର ବ୍ଲକ ଅନ୍ତର୍ଗତ ଭୋଟକା ପଞ୍ଚାୟତର ବଡନାଳ(ପାଟନାଳି)କୁ ନେଇ ୨ ପଞ୍ଚାୟତର ଚାଷୀ ଅସନ୍ତୋଷ ପ୍ରକାଶ କରିଛନ୍ତି ା ଉକ୍ତ ନାଳର ଉନ୍ନତିକରଣ ପାଇଁ ଚାଷୀମାନେ ଦାବି କରିଛନ୍ତି ା ନାଳର ଉନ୍ନତିକରଣ ଉପରେ ଚାଷୀମାନଙ୍କ ଉନ୍ନତି ନିର୍ଭର କରୁଛି ା ଦୀର୍ଘବର୍ଷଧରି ନାଳକୁ ସଫେଇ କରାଯାଉ ନ ଥିବାରୁ ବର୍ଷା ଓ ବନ୍ୟାଜଳ ପ୍ରଭାବିତ ହେବାରେ ବାଧା ସୃଷ୍ଟି ହୋଇଛି ା ନାଳର ଉଭୟ ପାର୍ଶ୍ୱ ଦୁର୍ବଳ ଥିବାରୁ ଚାଷ ଜମି ପ୍ରତି ବିପଦ ସୃଷ୍ଟି ହେଉଛି ା ଚାଷୀମାନେ ନାଳ ଅତିକ୍ରମ କରିବା ପାଇଁ କୌଣସି ସୁବିଧା ନାହିଁ ା ଏ ସଂକ୍ରାନ୍ତରେ ଡ୍ରେନେଜ ବିଭାଗ ପକ୍ଷରୁ ପଦକ୍ଷେପ ନିଆଯାଉ ବୋଲି ଚାଷୀମାନେ ଦାବି କରିଛନ୍ତି ା
ସୂଚନା ଅନୁଯାୟୀ, ଉକ୍ତ ବ୍ଲକ୍‌ର ଭୋଟକା ଓ ରସୁଲପୁର ଭଳି ୨ ପଞ୍ଚାୟତର ପାଟାନାଳିର ଜଳ ନିଷ୍କାସନ ଉପରେ ଶତାଧିକ ଚାଷୀଙ୍କ ଜୀବିକା ନିର୍ଭର କରୁଛି। ଏହି ନାଳର ପୁନରୁଦ୍ଧାର ହେଉନାହିଁ। ନାଳର ଦୁରବସ୍ଥା ଯୋଗୁ ୧ ହଜାର ହେକ୍ଟରରୁ ଊର୍ଦ୍ଧ୍ୱ ଚାଷ ଜମି ପ୍ରଭାବିତ ହେଉଛି। ଉକ୍ତ ପାଟନାଳୀ ମୂଳ ଖରସ୍ରୋତା ନଦୀକୁ ସଂଯୋଗ କରୁଛି ା ଡ୍ରେନେଜ ବିଭାଗ ପକ୍ଷରୁ ୫ବର୍ଷ ତଳେ ମୂଳ ଖରସ୍ରୋତା ନଦୀକୁ ପୁନରୁଦ୍ଧାର କରାଯାଇଥିଲା ା ହେଲେ ନଦୀ ସହ ସଂଯୋଗ କରୁଥିବା ଏହି ପାଟନାଳୀକୁ ବିଭାଗ ଗୁରୁତ୍ୱ ନ ଦେଇ ଚୁପ୍‌ ବସିଛି ା ପାଟନାଳୀର ଉନ୍ନତିକରଣ ନେଇ ସେଭଳି କୌଣସି ଆଖିଦୃଶିଆ ପଦକ୍ଷେପ ନିଆଯାଉ ନ ଥିତ୍ବାରୁ ଚାଷୀମାନେ ଦୁଃଖ ପ୍ରକାଶ କରିଛନ୍ତି ା ଏଭଳି ସ୍ଥିତିରେ ପାଟ ମଧ୍ୟସ୍ଥ ୧ହଜାର ହେକ୍ଟରରୁ ଊର୍ଦ୍ଧ୍ୱ ଚାଷ ଜମି ଜଳମଗ୍ନ ହୋଇ ରହୁଛି ା ଚାଷକାର୍ଯ୍ୟ ପ୍ରଭାବିତ ହେଉଛି ା କ୍ଷେତକୁ ବିହନ ନ ଯାଇ ବିଲ ପଡିଆ ପଡୁଛି ବୋଲି ଚାଷୀମାନେ ଅଭିଯୋଗ କରୁଛନ୍ତି ା ଉକ୍ତ ପାଟନାଳୀର ପୁନରୁଦ୍ଧାର ଓ ଉନ୍ନତିକରଣ କାର୍ଯ୍ୟ ତୁରନ୍ତ କରାଯିବାକୁ ସାଧାରଣରେ ଦାବି ହେଉଛି ା
ସୂଚନାଯୋଗ୍ୟ, ଯାଜପୁର ଜିଲା ଚଣ୍ଡିଖୋଲ ସବ୍‌ଡିଭିଜନ ଅଧୀନ ଜଳଧର ପାଟରୁ ମୂଳ ଖରସ୍ରୋତା ନଦୀକୁ ସଂଯୋଗ କରୁଥିବା ୨ କି.ମି. ଊର୍ଦ୍ଧ୍ୱ ଲମ୍ବ ପାଟନାଳିକୁ ବଡନାଳ ବୋଲି କୁହାଯାଉଛି ା ଏହି ପାଟନାଳି ରସୁଲପୁର ପଞ୍ଚାୟତର ସୁଆଁସାହି ମୌଜା ଓ ଭୋଟକା ପଞ୍ଚାୟତର ଜଳଧରପାଟ, ଡଙ୍ଗାତର, ହିଙ୍ଗୁଳାପାଟ, ଚାରିମାଣିଆ, ଛମାଣିଆ, ଗଉଡ ଚତୁରି ମୁହଁ, ନେମନ୍ତପୁର ପାଟ, ଖଣ୍ଡିତର ଚକ ଆଦିରେ ଥିବା ୧ହଜାର ହେକ୍ଟର ଚାଷ ଜମିରୁ ବର୍ଷା ଜଳ ନିଷ୍କାସନ ହେବାର ଏକମାତ୍ର ମାଧ୍ୟମ ା ବର୍ଷା ଦିନେ ଏହି ନାଳ ଦେଇ ପାଟ ମଧ୍ୟକୁ ନଦୀଜଳ ପ୍ରବେଶ କରେ, ବନ୍ୟାଜଳ ଓ ବର୍ଷାଜଳ ନଦୀ ମଧ୍ୟକୁ ନିଷ୍କାସିତ ହୁଏ ା ତେବେ ଅଣ ମୌସୁମୀ ଋତୁରେ ଚାଷୀମାନେ ଏହି ନାଳରେ ବନ୍ଧ ବାନ୍ଧି ପାଣିକୁ ରୋକି କ୍ଷେତକୁ ଜଳସେଚିତ କରିନ୍ତି ା ସେହି ନାଳରୁ ମାଛ ଧରନ୍ତି ା ନଦୀର ତଳମୁଣ୍ଡରେ ସୁଇସ୍‌ ଗେଟ୍‌ ନିର୍ମାଣ ହେବା ପରଠାରୁ ସେ ସବୁ ସୁବିଧା ଚାଷୀମାନେ ହରାଇ ବସିଛନ୍ତି ା ରକ୍ଷଣାବେକ୍ଷଣ ଅଭାବରୁ ପାଟାନଳି ଗର୍ଭ ଅନାବନା ଗଛଲତାରେ ଭର୍ତ୍ତି ହୋଇ ରହିଛି ା ଏହି ବାଟ ଦେଇ ବର୍ଷାଜଳ ନିଷ୍କାସନ ହୋଇ ପାରୁନାହିଁ ା ବର୍ଷାଋତୁରେ ଗାଁ ଗଣ୍ଡା ଓ ନାଳ ନର୍ଦ୍ଦମାରୁ ବହି ଆସୁଥିବା ବର୍ଷା ଓ ବର୍ଜ୍ୟଜଳ ନାଳଦେଇ ପ୍ରଭାବିତ ହେବାରେ ବାଧା ସୃଷ୍ଟି ହେଉଛି ା ବର୍ଷାଜଳ ନିଷ୍କାସନ ହୋଇ ନ ପାରି ଜଳଧର ପାଟ ସମେତ ବିଭିନ୍ନ ଚକରେ ପାଣି ଜମି ରହୁଛି ା ଫଳରେ ଚାଷ ଜମିକୁ ବିହନ ଯାଇପାରୁ ନାହିଁ ା ଜମି ଚାଷ ହୋଇ ପାରୁ ନ ଥିବାରୁ ପାଟରେ ତଣ୍ଡି ଓ ବଣୁଆ ପ୍ରଜାତିରେ ଘାସ ବଢ଼ି ଚାଲିଛି ା ଏହାର ନିରାକରଣ ପାଇଁ ଭୋଟକା ପଞ୍ଚାୟତ ତରଫରୁ ମହାତ୍ମା ଗାନ୍ଧୀ ଜାତୀୟ ଗ୍ରାମୀଣ ନିଶ୍ଚିତ କର୍ମ ନିଯୁକ୍ତି ଯୋଜନାରେ ସାମିଲ କରାଯାଇଥିଲା ା ପଞ୍ଚାୟତ ପକ୍ଷରୁ ନାଳର ସଫେଇ ପାଇଁ ପ୍ରୟାସ କରାଯାଇଥିଲା ା ମାତ୍ର ଚାଷୀମାନଙ୍କ ସମସ୍ୟା ଆଂଶିକ ସମାଧାନ ହୋଇପାରି ଥିଲା ା ଆର୍ଥତ୍କ ସମସ୍ୟା ଯୋଗୁ ଏହା ସମାଧାନ ହୋଇପାରିଲା ନାହିଁ ା ଏହା ଏକ ବଡ ପ୍ରୋଜେକ୍ଟ ହୋଇଥାଇ ନାଳଟି ନଦୀ ସହ ସଂଯୋଗ କରୁଥିବାରୁ ଏହାର ଉନ୍ନତିକରଣ ଦାୟିତ୍ୱ ଡ୍ରନେଜ ବିଭାଗ ନେବାର ବିଧି ରହିଛି ା ୫ବର୍ଷ ତଳେ ନଦୀର ଉନ୍ନତିକରଣ ବେଳେ ନାଳର ରକ୍ଷଣାବେକ୍ଷଣ କରାଯାଇ ଥିଲେ ଚାଷୀମାନଙ୍କ ସମସ୍ୟା ସମାଧାନ ହୋଇଯାଇ ପାରିଥାଆନ୍ତା ବୋଲି ବୁଦ୍ଧିଜୀବୀମାନେ ମତ ଦେଇଛନ୍ତି ା
ବିଭାଗ ପକ୍ଷରୁ ନାଳର ଉନ୍ନତିକରଣ କରାଯାଇ ଚାଷୀମାନେ ସମ୍ମୁଖୀନ ହେଉଥିବା ସମସ୍ୟାର ସ୍ଥାୟୀ ସମାଧାନ କରାଯିବା ନେଇ ପଦକ୍ଷେପ ନିଆଯାଉଛି ା ଏ ନେଇ ବ୍ୟୟ ବରାଦ କରାଯାଇଥିବା ସୂଚନା ମିଳିଛି ା ୫ବର୍ଷ ପରେ ପୁଣି ଥରେ ମୂଳ ଖରସ୍ରୋତା ସଫେଇ କରାଯିବ ା ସେହି ସମୟରେ ପାଟନାଳୀର ଉନ୍ନତିକରଣ ପାଇଁ ବିଭାଗ ଗୁରୁତ୍ୱ ଦେବ ବୋଲି ବିଭାଗ ପକ୍ଷରୁ କୁହାଯାଉଛି ା ଏ ନେଇ ଉପଖଣ୍ଡ କାର୍ଯ୍ୟାଳୟ ସହକାରୀ ଯନ୍ତ୍ରୀ ପୂର୍ଣ୍ଣ ଚନ୍ଦ୍ର ନାୟକ ଓ କନିଷ୍ଠ ଯନ୍ତ୍ରୀ ରଞ୍ଜନ କୁମାର ସେଠୀଙ୍କୁ ପଚାରିବାରୁ ଚାଷୀମାନେ ନାଳକୁ ଅତିକ୍ରମ କରିବା ସହ ହଳ ଲଙ୍ଗଳ ଓ କୃଷିଜାତ ଦ୍ରବ୍ୟ ନେବା ଆଣିବା କରିବା ପାଇଁ ବିଭାଗ ପକ୍ଷରୁ ଏକ ପାଦଚଲା ପୋଲ ନିର୍ମାଣ କରାଯିବାକୁ ପଦକ୍ଷେପ ନିଆଯାଇଛି ା ନାଳରେ ରହିଥିବା ବାକି ସମସ୍ୟାକୁ ଦୂର କରିବା ଲାଗି ଆବଶ୍ୟକ ପଦକ୍ଷେପ ନେବା ପାଇଁ ବିଭାଗର ଉଚ୍ଚ ପଦସ୍ଥ ଅଧିକାରୀଙ୍କ ସହ ଆଲୋଚନା କରାଯିବ ବୋଲି ଉଭୟ କହିଛନ୍ତି ା ଏଥିସହ ଛିଣ୍ଡା ଖରସ୍ରୋତା ନଦୀର ପୁନରୁଦ୍ଧାର ପାଇଁ ବୈଷୟିକ ପରାମର୍ଶଦାତା କମିଟି ବୈଠକ ବସିଥିଲା ା ଉକ୍ତ ବୈଠକରେ ନାଳର ସ୍ଥିତି ନେଇ ଆଲୋଚନା ହୋଇଛି। ନଦୀ ସଫେଇ ବେଳେ ନାଳର ପୁନରୁଦ୍ଧାର କାର୍ଯ୍ୟପ୍ରତି ଗୁରୁତ୍ୱ ଦିଆଯିବ ବୋଲି ବୈଠକରେ ମତ ପ୍ରକାଶ ପାଇଛି ା


Enter your email to get our daily news in your inbox.

All Right Reserved By Dharitri.Com

ଜିଲାପାଳଙ୍କ ଜନ ଅଭିଯୋଗ ଶୁଣାଣି: ମାତ୍ର ୯୦ଟି ଅଭିଯୋଗରେ ସୀମିତ, ପ୍ରଚାର ଅଭାବ ନା ସମାଧାନ ଉପରୁ ତୁଟିଲାଣି ଭରସା

ଥୁଆମୂଳ ରାମପୁର, ୧୬।୧୧ (ଦୁର୍ଗା କୀର୍ତ୍ତି): କଳାହାଣ୍ଡି ଜିଲାର ଅତି ଦୁର୍ଗମ ତଥା ଆଦିବାସୀ ବହୁଳ ଥୁଆମୂଳ ରାମପୁର ବ୍ଲକ ବୈଠକ ସଭା ଗୃହ ଠାରେ ସୋମବାର…

ଆଦର୍ଶ ଶିକ୍ଷକ ସୁନ୍ଦର ମୋହନ ସିଂ ସମ୍ବର୍ଦ୍ଧିତ: ସମାଜ ପ୍ରତି ଅବଦାନକୁ ପ୍ରଶଂସା

ମହାକାଳପଡ଼ା,୧୬।୧୧(ପ୍ରତାପ ଚନ୍ଦ୍ର ସ୍ବାଇଁ): କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ ବଉଳକଣୀସ୍ଥିତ ପ୍ରେମଚାନ୍ଦ ବିଦ୍ୟାପୀଠର ପ୍ରାକ୍ତନ ଛାତ୍ର ତଥା ରାଜ୍ୟସ୍ତରୀୟ ମୁଖ୍ୟମନ୍ତ୍ରୀ ଶିକ୍ଷା ପୁରସ୍କାରପ୍ରାପ୍ତ ଆଦର୍ଶ ଶିକ୍ଷକ ସୁନ୍ଦର…

ଅମିତାଭ, ଅଭିଷେକ ବଚ୍ଚନଙ୍କୁ ହତ୍ୟା ଧମକ, ଦିଆଗଲା ଏଭଳି ଚେତାବନୀ

ମୁମ୍ବାଇ,୧୬ା୧୧: ଗ୍ୟାଙ୍ଗଷ୍ଟର ଗୋଲ୍ଡି ଧିଲୋନ୍‌ଙ୍କଠାରୁ ମେଗାଷ୍ଟାର ଅମିତାଭ ବଚ୍ଚନ ଏବଂ ଅଭିଷେକ ବଚ୍ଚନଙ୍କୁ ହତ୍ୟା ଧମକ ମିଳିଛି। ନିକଟରେ ଦିଲ୍ଲୀ ପୋଲିସ ଗୋଲ୍ଡି ଗ୍ୟାଙ୍ଗ୍‌ର ୨ ସଦସ୍ୟ…

ପୁଣି ବାତ୍ୟା ଆଶଙ୍କା: ଅଞ୍ଚଳବାସୀଙ୍କ ବଢିଲା ଚିନ୍ତା

ଭଞ୍ଜନଗର, ୧୬।୧୧ (ବାବୁଲା ପ୍ରଧାନ): ଗତ ଅକ୍ଟୋବର ୨୮ ଓ ୨୯ ତାରିଖରେ ଗଞ୍ଜାମ ଜିଲାରେ ସଂଘଟିତ ଭୟାବହ ବନ୍ୟାରୁ ଭଞ୍ଜନଗର ଜଳସମ୍ପଦ ବିଭାଗ କିଛି ଶିକ୍ଷା…

ବରିଷ୍ଠ ସାମ୍ବାଦିକ ନରୋତ୍ତମ ସେଲମାଙ୍କୁ ‘ବିଜୟ ଦ୍ୱିବେଦୀ ସ୍ମୃତି ସମ୍ମାନ’

ରିଷିଡା,୧୬।୧୧(ସୁଶାନ୍ତ ମଲ୍ଲିକ): କଳାହାଣ୍ଡି ଜିଲା କର୍ଲାମୁଣ୍ଡା ବ୍ଲକର ବରିଷ୍ଠ ସାମ୍ବାଦିକ, ତଥା ସାହିତି୍ୟକ ନରୋତ୍ତମ ସେଲମାଙ୍କୁ ମର୍ଯ୍ୟାଦାଜନକ ‘ବିଜୟ ଦ୍ୱିବେଦୀ ସ୍ମୃତି ସମ୍ମାନ’ ପ୍ରଦାନ କରାଯାଇଛି। କେସିଙ୍ଗାଠାରେ…

ଶିକ୍ଷକ ନିଯୁକ୍ତି ଦାବି: ସମାଧାନ ନ ହେଲେ ସ୍କୁଲରେ ତାଲା ପକାଇବାକୁ ଗ୍ରାମବାସୀଙ୍କ ଚେତାବନୀ

ଗୁଡାରି, ୧୬।୧୧ (ପ୍ରମୋଦ କୁମାର ପତି): ଗୋଟିଏ ଶିକ୍ଷୟିତ୍ରୀଙ୍କ ଭରସାରେ ଚାଲିଛି ପ୍ରଥମରୁ ପଞ୍ଚମ ଶ୍ରେଣୀ ପର୍ଯ୍ୟନ୍ତ ପାଠପଢ଼ା। ବିଦ୍ୟାଳୟରେ ଆବଶ୍ୟକ ଶିକ୍ଷକ ନଥିବାରୁ ପିଲାଙ୍କ ପାଠପଢ଼ା…

ସଂସଦ ଭବନରେ ଗୁଞ୍ଜିଲା କଳାହାଣ୍ଡିର ଢାପ ନୃତ୍ୟ: କଳାକାରଙ୍କଠୁ ରାମକାଠି ନେଇ ବଜାଇଲେ ମୋଦି

ଭବାନୀପାଟଣା,୧୬।୧୧(ଉତ୍ତମ କୁମାର ଦାଶ): ଦିଲ୍ଲୀ ସଂସଦ ଭବନରେ ଜାତୀୟ ମଞ୍ଚରେ ଝଲସିଲା କଳାହାଣ୍ଡିର ପାରମ୍ପରିକ ଢାପ ନୃତ୍ୟ। ଜନଜାତୀୟ ଗୌରବ ଦିବସ ଅବସରରେ ଭବାନୀପାଟଣାର ପ୍ରତିଭା ଅନୁଷ୍ଠାନର…

ଯେଉଁଠି ପ୍ରଥମେ ଭେଟିଥିଲେ ସୋନିଆ-ରାଜୀବ, ସେହି ରେଷ୍ଟୁରାଣ୍ଟକୁ ଗର୍ଲଫ୍ରେଣ୍ଡଙ୍କ ସହ ଯାଇଥିଲେ ରାହୁଲ! ନିଜେ କଲେ ଖୁଲାସା

ନୂଆଦିଲ୍ଲୀ,୧୬।୧୧: କଂଗ୍ରେସ ସାଂସଦ ରାହୁଲ ଗାନ୍ଧୀ ତାଙ୍କ ମାଆ ସୋନିଆ ଗାନ୍ଧୀଙ୍କ ପୁସ୍ତକ ‘ବିଲଙ୍ଗିଂ: ଏ ଜର୍ଣ୍ଣି ଅଫ ଲଭ’ର ଉନ୍ମୋଚନ ଅବସରରେ ପରିବାର ସହ ଜଡ଼ିତ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?