Advertisement

ଉଚିତ ମୂଲ୍ୟ ପାଇବା ଆଶଙ୍କାରେ ଚାଷୀ

ଗୋପାଳ ଚନ୍ଦ୍ର ସାହୁ
ବାଲିଆପାଳ,୧୪।୧୧: ବାଲେଶ୍ୱର ଜିଲା ବାଲିଆପାଳ ବ୍ଲକର ସୁବର୍ଣ୍ଣରେଖା ଅବବାହିକାରେ ଚଳିତବର୍ଷ ନଳିତା ଚାଷ କରିଥିବା ଚାଷୀଙ୍କ ଘରେ ଗଦା ହୋଇରହିଛି କୁଇଣ୍ଟାଲ କୁଇଣ୍ଟାଲ ଝୋଟ। ବଜାରରେ ଝୋଟ ଦର କମ୍‌ ଥିବାରୁ କ୍ଷତି ହେବା ଆଶଙ୍କା କରି ଚାଷୀମାନେ ବିକ୍ରୀ କରିବାକୁ ମନ ବଳାଉନାହନ୍ତି। ଆଗକୁ ଦର ବଢ଼ିବ କି ନାହିଁ ସେହି ଚିନ୍ତାରେ ଚାଷୀମାନେ ଦିନ ଗଣୁଛନ୍ତି।
ଝୋଟ ଚାଷ ପାଇଁ ବାଲେଶ୍ୱର ଜିଲା ବାଲିଆପାଳ ବ୍ଲକର ସ୍ବତନ୍ତ୍ର ପରିଚୟ ରହିଛି। ଗତବର୍ଷ ଝୋଟ ଚାଷରୁ ଚାଷୀ ଖୁବ୍‌ ଲାଭ ପାଇଥିଲେ। ଏ ଅଞ୍ଚଳର ଚାଷୀ କୁଇଣ୍ଟାଲ ପିଛା ସାଢ଼େ ୫ହଜାରରୁ ଛଅ ହଜାର ଟଙ୍କା ମଧ୍ୟରେ ଝୋଟ ବିକ୍ରି କରିଥିଲେ। ସେତେବେଳେ କମ୍‌ ପରିମାଣର ଚାଷ ହୋଇଥିବା ବେଳେ ପଡ଼ୋଶୀ ପଶ୍ଚିମବଙ୍ଗର ଦଲାଲ ଅଧିକ ସଂଖ୍ୟାରେ ଝୋଟ କିଣିବାକୁ ଆସିଥିବାରୁ ଦର ଅଧିକ ଥିଲା। ପ୍ରଚୁର ପରିମାଣରେ ଲାଭବାନ ହୋଇଥିଲେ ଚାଷୀ। ଏହାକୁ ନଜରରେ ରଖି ଚଳିତବର୍ଷ ଶ୍ରୀରାମପୁର, କୁମ୍ଭାରୀ, ନିଖିରା, ଦେଭୋଗ, ମଧୁପୁରା, ବିଷ୍ଣୁପୁର, ଜାମକୁଣ୍ଡା, ଘଣ୍ଟୁଆ, ଅସ୍ତି, ବାଲିଆପାଳ ଆଦି ପଞ୍ଚାୟତରେ ପ୍ରଚୁର ପରିମାଣରେ ଚାଷୀ ନଳିତା ଚାଷ କରିଥିଲେ। ଚାଷୀ ଏକର ପିଛା ୧୫ହଜାର ଟଙ୍କା ଖର୍ଚ୍ଚ କରିଛନ୍ତି। ମେ’ ମାସରୁ ଆରମ୍ଭ ହୋଇ ସେପ୍ଟେମ୍ବର ମଧ୍ୟଭାଗ ପର୍ଯ୍ୟନ୍ତ ଝୋଟ ଅମଳ ଆରମ୍ଭ ହୋଇଥାଏ। ଏବେ ପାଖାପାଖି ୮୦ ପ୍ରତିଶତ ଝୋଟ ଅମଳ ସରିଛି। ଅଧିକ ପରିମାଣର ଝୋଟ ଉତ୍ପାଦିତ ହୋଇଥିଲେ ମଧ୍ୟ ବାଲିଆପାଳ ଅଞ୍ଚଳରେ କୌଣସି ସରକାରୀ ଝୋଟ କର୍ପୋରେସନ ନ ଥିବାରୁ ଚାଷୀ ଦଲାଲଙ୍କୁ ମାଛ ଶାଗ ଦରରେ ଝୋଟ ବିକ୍ରି କରିବାକୁ ବାଧ୍ୟ ହେଉଛନ୍ତି। ବିଗତ ଦିନରେ ବାଲିଆପାଳରେ ଏକ କର୍ପୋରେସନ ଥିଲା, ତାହା ଦୀର୍ଘଦିନ ହେବ ସରକାର ବନ୍ଦ କରି ଦେଇଛନ୍ତି। ବିକ୍ରି ପାଇଁ ଅଦ୍ୟାବଧି କୌଣସି ସୁବିଧା ସରକାରଙ୍କ ପକ୍ଷରୁ ହୋଇନାହିଁ ବୋଲି ଶ୍ରୀରାମପୁର ଗ୍ରାମର ଧ୍ରୁବଚରଣ ଜେନା ପ୍ରକାଶ କରିଛନ୍ତି। ତେବେ ଝୋଟର ଉଚିତ୍‌ ମୂଲ୍ୟ ମିଳୁ ନ ଥିବାରୁ ଚାଷୀ ନଳିତା ଚାଷରୁ ମୁହଁ ଫେରାଉଛନ୍ତି। ଓଡ଼ିଶାର ଚାଷୀଙ୍କ ପାଇଁ ପଶ୍ଚିମବଙ୍ଗର ଝୋଟ କଳ ମାଲିକ ଭଲ ଲାଭ ଉଠାଉଛନ୍ତି। ସରକାର ଏଥିପ୍ରତି ଦୃଷ୍ଟି ନ ଦେବାରୁ ଶହ ଶହ ଚାଷୀ ମୁଣ୍ଡରେ ହାତ ଦେଇ ବସିଛନ୍ତି, ସରକାରୀ ସ୍ତରରେ ଝୋଟ କିଣିବା ପାଇଁ ଖୁବ ଶୀଘ୍ର ପଦକ୍ଷେପ ନେବାକୁ ଚାଷୀ ଦାବି କରିଛନ୍ତି। ପ୍ଲାଷ୍ଟିକ ଓ ପଲିଥିନ ନିଷିଦ୍ଧ ହେବା ପରେ ଝୋଟ ସାମଗ୍ରୀର ଚାହିଦା ଦିନକୁ ଦିନ ବଢ଼ୁଥିବାରୁ ରାଜ୍ୟ ସରକାର ପ୍ରୋତ୍ସାହନ ଦେବା ଆବଶ୍ୟକ। ବାଲିଆପାଳରେ ପୁଣି ଏକ ଝୋଟ କର୍ପୋରେସନ ସ୍ଥାପନ କରିବାକୁ ଚାଷୀମାନେ ଦାବି କରିଛନ୍ତି।
ଏନେଇ ବାଲିଆପାଳ ବ୍ଲକ କୃଷି ଅଧିକାରିଣୀ ଶ୍ରଦ୍ଧା ହୋତା କହିଛନ୍ତି, ବାଲିଆପାଳରେ ଥିବା ଝୋଟ କର୍ପୋରେସନ ବନ୍ଦ ହୋଇଯିବା ପରେ ସରକାରୀସ୍ତରରେ ଝୋଟ ବିକ୍ରି ପାଇଁ କିଛି ବ୍ୟବସ୍ଥା ହୋଇନାହିଁ। ଏହା ବ୍ୟତୀତ ଅଞ୍ଚଳର ଚାଷୀ ଭଲମାନର ଝୋଟ ପ୍ରସ୍ତୁତ କରି ପାରୁନାହାନ୍ତି। ଯାହାକି ସରକାରୀସ୍ତରରେ ବିକ୍ରି କରିବାରେ ଅସୁବିଧା ହେଉଛି। ତେଣୁ ଲୋକେ ସ୍ଥାନୀୟ ବେପାରୀଙ୍କୁ ଝୋଟ ବିକ୍ରି କରୁଛନ୍ତି। ତେବେ ନଳିତା ଚାଷ ହେଉଥିବା ପଞ୍ଚାୟତରେ ମୁଖ୍ୟମନ୍ତ୍ରୀଙ୍କ କୃଷି ଉଦ୍ୟୋଗ ଯୋଜନାରେ ଝୋଟ ପ୍ରସେସିଂ ୟୁନିଟ କରିବା ପାଇଁ କିଛି ମହିଳା ସୟଂସହାୟକ ଗୋଷ୍ଠୀର ସଦସ୍ୟାଙ୍କ ସହିତ ଯୋଗାଯୋଗ କରିଛି। ଯଦି ପ୍ରସେସିଂ ୟୁନିଟ ହୋଇଯାଏ, ତାହେଲେ ଚାଷୀ ଝୋଟ ବିକ୍ରି କରିବାରେ ଅସୁବିଧାର ସମ୍ମୁଖୀନ ହେବେନାହିଁ। ଏହି ଉଦ୍ୟୋଗ ସ୍ଥାପନ ପାଇଁ ଅନୁସୂଚୀତ ଜାତି,ଜନଜାତି ଏବଂ ମହିଳା ବର୍ଗର ଲୋକଙ୍କ ପାଇଁ ସରକାର ୫୦ ପ୍ରତିଶତ ରିହାତି ବ୍ୟବସ୍ଥା ରଖିଛନ୍ତି। ବର୍ତ୍ତମାନ ସରକାରୀସ୍ତରରେ ଝୋଟ କିଲୋ ପ୍ରତି ୪୭.୫୦ ପଇସା ରହିଥିବା ବେଳେ ସ୍ଥାନୀୟ ବେପାରୀ କିଲୋ ପ୍ରତି ୨୫ ଟଙ୍କା ଦରରେ ଚାଷୀଙ୍କଠାରୁ ଝୋଟ କିଣୁଥିବା ବ୍ଲକ କୃଷି ଅଧିକାରିଣୀ ହୋତା କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ପୋଲିଓ ବୁନ୍ଦା ଖାଇଲେ ଶିଶୁ

ଚନ୍ଦ୍ରଗିରି,୧୯।୧(ଡି.ଏନ୍‌.ଏ.): ସମଗ୍ର ଭାରତକୁ ପୋଲିଓମୁକ୍ତ କରିବା ଉଦ୍ଦେଶ୍ୟରେ ଜନ୍ମରୁ ପାଞ୍ଚ ବର୍ଷ ଶିଶୁଙ୍କୁ ପୋଲିଓ ବୁନ୍ଦା ଖୁଆଯାଉଛି। ଏହି ପରିପ୍ରେକ୍ଷୀରେ ଗଜପତି ଜିଲା ମୋହନା ଅଞ୍ଚଳରେ...

୬ରୁ ରବିଧାନ ସଂଗ୍ରହ: ବିକ୍ରି ପରିମାଣ ଅସ୍ପଷ୍ଟ

ବରଗଡ଼ ଅଫିସ୍‌,୮।୪: ବରଗଡ଼ ଜିଲାରେ ଆସନ୍ତା ମେ ୬ରୁ ରବିଧାନ ସଂଗ୍ରହ ଆରମ୍ଭ ହେବ। ଜିଲାର ଅତାବିରା ନିୟନ୍ତ୍ରିତ ବଜାର କମିଟି (ଆରଏମ୍‌ସି) ଅଧୀନ ମଣ୍ଡି...

ଭାଇଚାରା ବଜାୟ ରଖିବା ଉପରେ ଗୁରତ୍ୱ

ଲୋଇସିଂହା,୪।୯(ଡି.ଏନ.ଏ.): ବଲାଙ୍ଗୀର ଜିଲା ଲୋଇସିଂହା ବ୍ଲକ ହୀରାପୁର ପଞ୍ଚାୟତ ଅନ୍ତର୍ଗତ ସେମେଲମୁଣ୍ଡା ଗ୍ରାମର ନେତାଜୀ ଯୁବକସଂଘ ଆନୁକୂଲ୍ୟରେ ନୂଆଁଖାଇ ଭେଟ୍‌ଘାଟ ବୁଧବାର ଅନୁଷ୍ଠିତ ହୋଇଯାଇଛି ।...

ଷ୍ଟେବିନ ବେନ୍‌ଙ୍କ ସଙ୍ଗୀତରେ ଝୁମିଲେ ୧୦ ହଜାର ଦର୍ଶକ

ଅନୁଗୋଳ ଅଫିସ,୯।୪ ଅନୁଗୋଳ ଜିଲା ମହୋତ୍ସବରେ ବାଧକ ସାଜିପାରିଲାନି ବର୍ଷା। କରୋନା କଟକଣା ହଟାଯିବା ପରେ ପ୍ରଥମ କରି ଜିଲାରେ ହେଉଥିବା ଏହି ବିରାଟ ଆୟୋଜନର...

ପୁରୀର ଗୋଲ୍ଡେନ୍‌ ବିଚ୍‌କୁ ବ୍ଲୁ ଫ୍ଲାଗ୍‌ ମାନ୍ୟତା

ପୁରୀ ଅଫିସ,୧୧।୧୦: ପୁରୀ ବେଳାଭୂମିକୁ ମିଳିଛି ଅନ୍ତର୍ଜାତୀୟ ସଫଳତା। ବହୁ ପ୍ରତୀକ୍ଷିତ ବ୍ଲୁ ଫ୍ଲାଗ୍‌ ମାନ୍ୟତା ପାଇଛି ପୁରୀର ଗୋଲ୍ଡେନ୍‌ ବିଚ୍‌ । ଡେନ୍‌ମାର୍କର ଫି’...

ଆଚାର୍ଯ୍ୟ ହରିହର ଆଞ୍ଚଳିକ କର୍କଟ କେନ୍ଦ୍ର ନିର୍ଦ୍ଦେଶକଙ୍କ ଦରମା ପ୍ରସଙ୍ଗ : ପଦକ୍ଷେପ କ’ଣ ନେଇଛ ଜଣାଅ: ହାଇକୋର୍ଟ

କଟକ ଅଫିସ,୪ା୧୦: ଆଚାର୍ଯ୍ୟ ହରିହର ଆଞ୍ଚଳିକ କର୍କଟ କେନ୍ଦ୍ରର ନିର୍ଦ୍ଦେଶକ ଡା. ଲଲାଟେନ୍ଦୁ ଷଡଙ୍ଗୀ ଚଞ୍ଚକତା କରି ନିଜ ବେତନ ବାବଦରେ ପ୍ରାପ୍ୟଠାରୁ ୩୦ ଲକ୍ଷରୁ...

ଥାନାଧିକାରୀ, ଡିସିଓଙ୍କ ବିରୋଧରେ କାର୍ଯ୍ୟାନୁଷ୍ଠାନ ସୁପାରିସ

କଟକ ସଦର,୨୭ା୬(ଡି.ଏନ୍‌.ଏ.): ପୋଲିସଠାରୁ ନ୍ୟାୟ ନ ପାଇ କଟକ ଜିଲା କିଶନନଗର ଥାନା ପରିସରରେ ଗତ ଗୁରୁବାର ସ୍ଥାନୀୟ ସାଇକୋରୁଆ ଗ୍ରାମର ଗୁଣନିଧି ବିଶୋୟୀ ଦେହରେ...

ରତ୍ନସିଂହାସନରେ ଦାରୁଦିଅଁଙ୍କ ସୁନାବେଶ

ପୁରୀ ଅଫିସ, ୧।୧୨: ଧର୍ମମାସ କାର୍ତ୍ତିକ ଶେଷ ହୋଇଛି। ପବିତ୍ର କାର୍ତ୍ତିକ ପୂର୍ଣ୍ଣିମା ତିଥିରେ ସୋମବାର ରତ୍ନ ସିଂହାସନରେ ଦାରୁଦିଅଁଙ୍କ ସୁନାବେଶ ତଥା ରାଜରାଜେଶ୍ୱର ବେଶ...

Advertisement
Archives

Model This Week