ଭୋପାଳ,୧୬ ।୧୦: ମଧ୍ୟପ୍ରଦେଶ ଖରଗୋନ ଜିଲାର ଏକ ଗ୍ରାମ ପଞଚାୟତରେ ଫିଲ୍ମ ଅଭିନେତ୍ରୀ ଦୀପିକା ପାଦୁକୋନ ଓ ଅନ୍ୟ ଅଭିନେତ୍ରୀଙ୍କ ଫଟୋ ରୋଜଗାର ଗ୍ୟାରେଣ୍ଟି ଜବ କାର୍ଡରେ ଲଗାଇ ନକଲି କରୁଥିବା ମାମଲା ସାମ୍ନାକୁ ଆସିଛି । ଏଥିରେ ପଞ୍ଚୟତ ସଚିବ ଓ ରୋଜଗାର ସହାୟକଙ୍କ ହାତ ଥିବା କୁହାଯାଉଛି । ଜିଲାରେ ମନେରାଗାରେ ହେଉଥିବା କାମ ପାଇଁ ଅନଲାଇନ ଜବ କାର୍ଡରେ ମହିଳା ପୁରୁଷଙ୍କ ସ୍ଥାନରେ ଅଭିନେତ୍ରୀଙ୍କ ଫଟୋ ଲାଗି ଥିବା ଦେଖିବାକୁ ମିଳିଛି । ଏହାସହ ଶ୍ରମିକଙ୍କ ମଜୁରୀ ମଧ୍ୟ ଏଥିରେ ଉଲ୍ଲେଖ କରାଯାଇଛି । ଏହାସହ କେତେଜଣ ଗ୍ରାମବାସୀଙ୍କ ନାଁରେ ଟଙ୍କା ଉଠିଥିଲେ ବି ସେମାନଙ୍କୁ ଏହା ଜଣାପଡି ନାହିଁ କାରଣ ସେମାନେ କେବେ କାମକୁ ଯାଇ ନାହାନ୍ତି । ଶ୍ରମିକଙ୍କ ପାଖେ ଥିବା ଜବ କାର୍ଡ ଓ ଟଙ୍କା ଉଠିଥିବା ଜବ କାର୍ଡ କ୍ରମିକ ନମ୍ବର ମଧ୍ୟରେ ପାର୍ଥକ୍ୟ ଦେଖାଯାଇଛି । ଆଉ ଯେଉଁମାନଙ୍କ ପାଖରେ ୫୦ ଏକର ଜମିବାଡି ରହିଛି ସେମାନଙ୍କ ନାମରେ ଅଭିନେତ୍ରୀଙ୍କ ଫଟୋ ଲାଗି ଜବକାର୍ଡ ଖୋଲା ଯାଇଛି । ଝିରନିୟା ପଞ୍ଚାୟତରେ ପାଖାପାଖି ଏମିତି ୧୫ଟି ଜବକାର୍ଡ ଜବତ କରାଯାଇଥିବା କୁହାଯାଉଛି ।
