ନୂଆଦିଲ୍ଲୀ,୪।୩ : ଭାଜପା କଂଗ୍ରେସ ନେତା ରାହୁଲ ଗାନ୍ଧୀଙ୍କୁ କଡ଼ା ସମାଲୋଚନା ଜାରି ରଖିଛି। ଶନିବାର ଭାଜପା କହିଛି ବିଦେଶରେ ରାହୁଲ ଭାରତ ବିରୁଦ୍ଧରେ କହୁଛନ୍ତି ଏବଂ ଦେଶର ଅବସ୍ଥା ସମ୍ପର୍କରେ ଏପରି ଅଭିଯୋଗ କରୁଛନ୍ତି, ଯାହା ପାକିସ୍ତାନ ମଧ୍ୟ କରିବାକୁ ଦୁଃସାହସ କରୁନାହିଁ।
ଭାଜପା ମୁଖପାତ୍ର ସମ୍ବିତ ପାତ୍ର ଗଣମାଧ୍ୟମକୁ କହିଛନ୍ତି ଯେ ସମଗ୍ର ବିଶ୍ୱ ଭାରତ ପାଇଁ ଭଲ ଶବ୍ଦ ବ୍ୟବହାର କରୁଥିବାବେଳେ ଦେଶର ମୁଖ୍ୟ ବିରୋଧୀଦଳର ନେତାମାନେ ବିଦେଶୀ ମାଟିରେ ଦାବି କରୁଛନ୍ତି ଯେ ଦେଶ ଧ୍ୱଂସ ହୋଇଛି ଏବଂ ଦେଶରେ ଗଣତନ୍ତ୍ର ଆଉ ନାହିଁ। ନ୍ୟାୟପାଳିକା ଏବଂ ଗଣମାଧ୍ୟମର ଅବସ୍ଥା ଅତ୍ୟନ୍ତ ଖରାପ ହେବାରେ ଲାଗିଛି।
ସେ ଅଭିଯୋଗ କରିଛନ୍ତି ରାହୁଲ ନିବେଶକମାନଙ୍କୁ ଭାରତରେ ନିବେଶ କରିବାକୁ ବାରଣ କରୁଛନ୍ତି। ଯେଉଁ ସମୟରେ ବିଶ୍ୱ ଦେଶକୁ ଏକ ଶିଳ୍ପ ହବ୍ ଭାବରେ ଦେଖୁଛି ଏବଂ ବିଦେଶୀ କମ୍ପାନୀମାନେ ଏଠାରେ ବ୍ୟବସାୟ କରିବାକୁ ଚାଇନା ଛାଡିଛନ୍ତି। ଏପରିସ୍ଥଳେ ବିଦେଶ ମାଟିରେ ଦେଶର ନିନ୍ଦା କରିବା ଅତ୍ୟନ୍ତ କ୍ଷୋଭର ବିଷୟ।
କେମ୍ବ୍ରିଜ ଭଳି ଏକ ବଡ ବିଶ୍ୱବିଦ୍ୟାଳୟରେ ରାହୁଲ ଭାରତ ବିଷୟରେ ଖରାପ କଥା କହୁଛନ୍ତି। ଏହାକୁ ସହ୍ୟ କରାଯିବ ନାହିଁ।
