ଲଣ୍ଡନ, ୮ା୯ (ପି.ଟି.): କୋଭିଡ୍-୧୯ ଟେଷ୍ଟରେ ଜଣେ ଖେଳାଳି ପଜିଟିଭ୍ ହେବାରୁ ଦୁଇ ଇଂଲିଶ କାଉଣ୍ଟି ଦଳ ମଧ୍ୟରେ ଖେଳାଯିବାକୁଥିବା ୪ଦିନିଆ ମ୍ୟାଚ ପ୍ରଥମ ଦିବସରୁ ବାତିଲ କରି ଦିଆଯାଇଛି। ଖବର ଅନୁସାରେ ନର୍ଥହାମ୍ପଟନଶାୟାର ଖେଳାଳି ଜଣକ କରୋନା ଭାଇରସ୍ରେ ସଂକ୍ରମିତ ବୋଲି ଜଣାପଡ଼ିବା ପରେ ରବିବାର ବ୍ରିଷ୍ଟଲଠାରେ ଗ୍ଲୋସେଷ୍ଟରଶାୟାର ଓ ନର୍ଥ ହାମ୍ପଟନଶାୟାର ମଧ୍ୟରେ ହେବାକୁଥିବା ବବ୍ ଓ୍ବିଲ୍ସ ଟ୍ରଫି ମ୍ୟାଚ୍କୁ ବାତିଲ କରିଦିଆଯାଇଛି। ଖେଳାଳି ଜଣକ ବର୍ତ୍ତମାନ ଯଦିଓ ନିଜ ବାସଭବନରେ ସେଲଫ୍ ଆେଇସୋଲେଶେନରେ ଅଛନ୍ତି ତାଙ୍କ ସହିତ ୪୮ ଘଣ୍ଟା ମଧ୍ୟରେ ସଂସ୍ପର୍ଶରେ ଆସିଥିବା କେତେଜଣଙ୍କ ନିକଟରେ କୋଭିଡ୍ ଲକ୍ଷଣ ଦେଖିବାକୁ ମିଳିଥିଲା। ଖେଳାଳିଙ୍କ ସ୍ବାସ୍ଥ୍ୟ ସୁରକ୍ଷା ଗୁରୁତ୍ୱପୂର୍ଣ୍ଣ ହୋଇଥିବାରୁ ଗ୍ଲୋସେଷ୍ଟରଶାୟାର, ନର୍ଥହାମ୍ପଟନଶାୟାର ଏବଂ ଇଂଲଣ୍ଡ ଓ ଓ୍ବେଲ୍ସ କ୍ରିକେଟ ବୋର୍ଡ (ଇସିବି) ମିଳିତ ଭାବେ ମ୍ୟାଚ୍କୁ ବାତିଲ କରିବା ଲାଗି ନିଷ୍ପତ୍ତି ନେଇଥିଲେ। ପ୍ରଥମ ସେସନ ଖେଳ ମଧ୍ୟାହ୍ନ ଭୋଜନ ପୂର୍ବରୁ ନର୍ଥହାମ୍ପଟନଶାୟାରର ଖେଳାଳି ଜଣକ କୋଭିଡ୍-୧୯ ପଜିଟିଭ ବୋଲି ଜଣାପଡ଼ିଥିଲା।
