ସମ୍ବଲପୁର,୮ା୫(ବ୍ୟୁରୋ): ସମ୍ବଲପୁର ପ୍ରଜାପିତା ବ୍ରହ୍ମାକୁମାରୀ ଈଶ୍ୱରୀୟ ବିଶ୍ୱବିଦ୍ୟାଳୟ ପକ୍ଷରୁ ଚାପମୁକ୍ତ ଜୀବନ ଓ ଦିବ୍ୟ ନେତୃତ୍ୱ ଶୀର୍ଷକ ଆଧ୍ୟତ୍ମିକ କାର୍ଯ୍ୟକ୍ରମ ହୀରାକୁଦ ହିଣ୍ଡାଲକୋ ସଭାକକ୍ଷରେ ଅନୁଷ୍ଠିତ ହୋଇଯାଇଛି। ସମ୍ବଲପୁର କେନ୍ଦ୍ରର ନିର୍ଦ୍ଦେଶିକା ରାଜଯୋଗିନୀ ପାର୍ବତୀ, ବ୍ରହ୍ମକୁମାରୀ ବିଧାତ୍ରୀ ଯୋଗଦେଇ ବକ୍ତବ୍ୟ ପ୍ରଦାନ କରିଥିଲେ। ଏଥିରେ ହିଣ୍ଡାଲକୋ ଶିଳ୍ପାଞ୍ଚଳର ମ୍ୟାନେଜର, ଇଞ୍ଜିନିୟର, କର୍ମଚାରୀ ଅଂଶଗ୍ରହଣ କରିଥିଲେ। ବ୍ରହ୍ମକୁମାରୀ ବିଧାତ୍ରୀ ଆମେ କେମିତି ଚାପମୁକ୍ତ ହେବା, ସେନେଇ ବିଭିନ୍ନ ଉଦାହରଣ ମାଧ୍ୟମରେ କହିଲେ। ଆତ୍ମାର ଧର୍ମ ହେଉଛି ଶାନ୍ତି। ଏହି ଶାନ୍ତିର ଉତ୍ସ ହେଉଛନ୍ତି ସ୍ବୟଂ ପରମାତ୍ମା। ତାଙ୍କ ସହିତ ଆତ୍ମାର ସମ୍ବନ୍ଧ ସ୍ଥାପନ ହେଲେ ଆତ୍ମା ଶକ୍ତିଶାଳୀ ହେବ ା ଶାନ୍ତ ପ୍ରକୃତି ଧାରଣ କରିବ ଓ ଚାପମୁକ୍ତ ହେବ ା ବିତିଗଲା କଥାରେ ବିନ୍ଦୁ ଲଗାଇବା ଅର୍ଥ ପୂର୍ଣ୍ଣଚ୍ଛେଦ ପକାଇବା ବୋଲି କହିଥିଲେ। ନେତୃତ୍ୱ ଶକ୍ତି ପ୍ରଦର୍ଶନ ପାଇଁ ନୁହେଁ ବରଂ ଦାୟିତ୍ୱ ବହନ କରି, ଅନ୍ୟର ହୃଦୟକୁ ଜିଣି କାର୍ଯ୍ୟ କରିବା। ଅନ୍ଧକାର ଘୁଞ୍ଚାଇବାକୁ ଆଲୋକର ସୁଇଚ୍ ଅନ୍ କରିବାକୁ ହୁଏ ା ଏହାକୁ ଟାଣିଲେ ଘୁଞ୍ଚିବ ନାହିଁ। ସେହିପରି ନେତୃତ୍ୱକୁ ଆଗେଇ ନେବାକୁ ହେଲେ ସ୍ନେହ, ମମତା, ଦୟା, କରୁଣା, ସହନଶୀଳତା ପ୍ରଭୃତି ଦିବ୍ୟ ଗୁଣର ସୁଇଚ୍ ଅନ୍ କରିବାକୁ ହେବ ବୋଲି କହିଥିଲେ। ଏଥିପାଇଁ ରାଜଯୋଗ ହିଁ ଶ୍ରେୟସ୍କର। ବ୍ରହ୍ମାକୁମାରୀ ଦୀପା ରାଜଯୋଗ କ’ଣ ବୁଝାଇ ସମସ୍ତଙ୍କୁ କିଛି ସମୟ ପାଇଁ ରାଜଯୋଗ କରାଇଥିଲେ।
