ସିଡନୀ,୧୦।୧୨: ଅଷ୍ଟ୍ରେଲିଆର ଟି-୨୦ ଫ୍ରାଞ୍ଚାଇଜ ଲିଗରେ ଏକ ଲଜ୍ଜାଜନକ ଘଟଣା ଘଟିଛି। ଏଠାରେ ଖେଳାଯାଉଥିବା ବିଗ ବ୍ୟାସ ଲିଗରେ ଖରାପ ପିଚ ଯୋଗୁ ମ୍ୟାଚ ବାତିଲ କରିବାକୁ ପଡ଼ିଛି। ମ୍ୟାଚ୍ର ପ୍ରଥମ ୬ ଓଭରରେ ପରେ ଘାତକ ପିଚ୍କୁ ଦେଖି ବନ୍ଦ କରିବାକୁ ପଡିଥିଲା। ବହୁ ବିଚାରବିମର୍ଶ ପରେ ଏହି ମ୍ୟାଚ ବାତିଲ କରିବାକୁ ନିଷ୍ପତ୍ତି ନିଆଯାଇଛି।
ବିଗ ବ୍ୟାସ ଲିଗର ନୂଆ ସିଜନ ଡିସେମ୍ବର ୭ରୁ ଆରମ୍ଭ ହୋଇଛି। ଆଜି ମେଲବୋର୍ନ ରେନେଗେଡସ ଏବଂ ପର୍ଥ ସ୍କୋରର୍ସ ମଧ୍ୟରେ ଏକ ମ୍ୟାଚ ଖେଳାଯାଉଥିଲା। ଏହି ସିଜିନ୍ର ଏହା କେବଳ ଚତୁର୍ଥ ମ୍ୟାଚ ଥିଲା। ମେଲବୋର୍ନ ରେନେଗେଡ୍ସର ଅଧିନାୟକ ନିକ ମ୍ୟାଡିନ୍ସନ ଟସ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲେ।
ପିଚ୍ର ଅବସ୍ଥା ଏତେ ଖରାପ ଥିଲା ଯେ ବ୍ୟାଟ୍ସମ୍ୟାନଙ୍କ ପାଇଁ ରନ ସ୍କୋର କରିବା କଷ୍ଟସାଧ୍ୟ ଥିଲା। ପର୍ଥ ସ୍କୋରର୍ସର ଓପନର୍ ଷ୍ଟିଫେନ (୦) ଏବଂ କପୁର୍ (୬) ଶସ୍ତା ପ୍ୟାଭିଲିୟନକୁ ଫେରି ଆସିଥିଲେ। ଆରୋନ ହାର୍ଡି ଏବଂ ଜୋଶ ଇଂଲିଶ କୌଣସି ପ୍ରକାରେ ବୋଲରଙ୍କ ସମ୍ମୁଖୀନ ହୋଇଥିଲେ କିନ୍ତୁ ୬.୫ ଓଭର ପରେ ପିଚ ଘାତକ ହେବାରୁ ମ୍ୟାଚକୁ ବନ୍ଦ କରିବାକୁ ପଡିଥିଲା।
ଅମ୍ପାୟାରମାନେ ଉଭୟ ଦଳର କୋଚ, ଅଧିନାୟକ ଏବଂ ମ୍ୟାଚ ଆୟୋଜକଙ୍କ ସହ କଥାବାର୍ତ୍ତା କରିବାରୁ ନିଷ୍ପତ୍ତି ନିଆଯାଇଛି। ଉଭୟ ଦଳକୁ ସମାନ ପଏଣ୍ଟ ବଣ୍ଟନ କରାଯାଇଥିଲା।
