ଛତ୍ରପୁର,୨୦।୫(ଡି.ଏନ୍.ଏ.): ଗଞ୍ଜାମ ଜିଲା ଛତ୍ରପୁର ସ୍ଥିତ ସୁଇମିଂ ପୁଲ୍ରେ ରାଜ୍ୟସ୍ତରୀୟ ପ୍ରତିଯୋଗିତା ପାଇଁ ଚୟନ ପ୍ରକ୍ରିୟା ଅନୁଷ୍ଠିତ ହୋଇଯାଇଛି। ଏଥିରେ ଜିଲା ତଥା ବିଭିନ୍ନ ସ୍ଥାନରୁ ୩୦ଜଣ ଖେଳାଳି ୧୦ରୁ ୧୧, ୧୨ରୁ ୧୪ ଏବଂ ୧୫ରୁ ୧୭ ବର୍ଗ ବୟସର ବାଳିକା ଓ ବାଳକ ଭାଗ ନେଇଥିଲେ।
ଆସନ୍ତା ୨୮ରୁ ୩୦ତାରିଖ ଦୁଇ ଦିନ ଧରି ଭୁବନେଶ୍ବର ସ୍ଥିତ ବିଜୁ ପଟ୍ଟନାୟକ ସୁଇମିଂ ପୁଲ୍ରେ ହେବାକୁ ଥିବା ରାଜ୍ୟସ୍ତରୀୟ ସୁଇମିଂ ପ୍ରତିଯୋଗିତାରେ ଗଞ୍ଜାମରୁ ୧୧ଜଣ ପ୍ରତିଯୋଗୀ ମନୋନୀତ ହୋଇଛନ୍ତି। ଏଥିରେ ଗଞ୍ଜାମ ଆଥଲେଟିକ ସଂଘର ଉପସଭାପତି ପ୍ରଫୁଲ କୁମାର ପଟ୍ଟନାୟକ ମୁଖ୍ୟ ଅତିଥିଭାବେ ଯୋଗ ଦେଇଥିଲେ। କାର୍ଯ୍ୟକ୍ରମକୁ କେଏମ୍ପି ସ୍ପୋଟର୍ସ ଏକାଡେମୀର ମୁଖ୍ୟ କୋଚ୍ କେ.ମନୋଜ ପ୍ରଧାନ ଆୟୋଜନ କରିଥିବା ବେଳେ ଡା. ଅନିତା ମିଶ୍ର, ଇଂ. ଲଳିତ କୁମାର, ସୁନୀତା ପାତ୍ର, ଦୀପକ କିସନ, ଯସ୍ପିନ ଲାକ୍ରା, ବାସୁ ନାୟକ, ରୁଦ୍ର ନାରାୟଣ, ପ୍ରୀତମ ବେହେରା, ରାଜା ଦାସ ଓ ପ୍ରକାଶ ବେହେରା ପ୍ରମୁଖ ପରିଚାଳନା କରିଥିଲେ।
