ଭୁବନ,୧ା୨(ବିପିନ ବିହାରୀ ସେଠୀ): ଢେଙ୍କାନାଳ ଜିଲା ଭୁବନ ବନାଞ୍ଚଳ ଅଧୀନର ବିସ୍ତୀର୍ଣ୍ଣ ସ୍ଥାନରେ ଶୁକ୍ରବାର ରାତିରେ ୧୧ ଟିକିଆ ହାତୀପଲ ଆତଙ୍କ ଖେଳାଇଛନ୍ତି। ବିଳମ୍ବିତ ରାତିରେ ମଠକରଗୋଳା ଅଞ୍ଚଳରୁ ୧୧ଟିକିଆ ହାତୀପଲ ଓଡ଼ିଶା ପଞ୍ଚାୟତ ବେଲପାଳ ଗ୍ରାମରେ ତିନୋଟି ଘର ଭାଙ୍ଗି ଘରୁ ଭାତ ଓ ଧାନ ଖାଇଯାଛନ୍ତି। ଲୋକମାନେ ଘରେ ରୋଷେଇ କରି ଖାଇବା ପୂର୍ବରୁ ହାତୀପଲ ଘର ଭାଙ୍ଗି ଭାତ ଓ ଧାନ ଖାଇଲେ। ଲୋକମାନେ ହାତୀକୁ ଦେଖି ଭୟଭୀତ ହୋଇ ଘରଛାଡ଼ି ପିଲାଛୁଆଙ୍କୁ ନେଇ ଜୀନ ରକ୍ଷା ପାଇଁ ଘର ଛାଡ଼ି ପଳାଇ ଯାଇଥିଲେ। ସେହିପରି ଦୟଣାବିଲ ପଞ୍ଚାୟତର ମଠନୂଆଗାଁରେ ଚାଷୀମାନେ କରିଥିବା ବିଲକୁ ନଷ୍ଟ କରିବା ସହିତ ଅଲେଖ ଖିଲାରଙ୍କ ପରିବା ବଗିଚାରେ ପଶି କଖାରୁ,ମକା ଖାଇବା ସହିତ ବ୍ୟାପକ ପରିବା ଫସଲ ନଷ୍ଟ କରିଦେଇଛନ୍ତି। ଖବର ପାଇ ଭୁବନ ନ ବିଭାଗ କର୍ମଚାରୀମାନେ ଘଟଣାସ୍ଥଳରେ ପହଞ୍ଚିଥିଲେ। ହାତୀକୁ ଘଉଡ଼ାଇବାରୁ ହାତୀପଲ କାମାକ୍ଷାନଗର ବନ୍ୟାଞ୍ଚଳ ବିରାଶାଳ ଜଙ୍ଗଲକୁ ପଳାଇ ଯାଇଥିଲେ। ଭୁବନ ରେଞ୍ଜର, ବନ କର୍ମଚାରୀମାନେ ପହଞ୍ଚି କ୍ଷୟକ୍ଷତି ଅଟକଳ କରି ଭାଙ୍ଗିଥିବା ଘର ଓ ନଷ୍ଟ ହୋଇଥିବା ଫସଲର କ୍ଷୟକ୍ଷତି ଅଟକଳ କରି ସହାୟତା ଯୋଗାଇ ଦିଆଯିବ ବୋଲି କହିଥିଲେ। ଦିନକୁ ଦିନ ଭୁବନ ବନାଞ୍ଚଳରେ ଧାତ୍ରୀ ଅନେକ ଲୋକଙ୍କର ଘର ଭାଙ୍ଗି ଦେଇଥିଲେ ମଧ୍ୟ ବ୍ଲକ ତଥା ପଞ୍ଚାୟତ ବିଭାଗ ପକ୍ଷରୁ ହିତାଧିକାରୀଙ୍କୁ ସରକାରୀ ସହାୟତା ତଥା ପ୍ରଧାନମନ୍ତ୍ରୀ ଆବାସ ଯୋଜନାରେ ସାମିଲ କରିପାରୁନାହିଁ। ବାରମ୍ବାର ଅଭିଯୋଗ ପରେ ହିତାଧିକାରୀ ନିରାଶ ହୋଇ ରହିଛନ୍ତି। ଏଥିପ୍ରତି ବନବିଭାଗ ଓ ବ୍ଲକ କର୍ତ୍ତୃପକ୍ଷଙ୍କ ପକ୍ଷରୁ ସହାୟତା ଓ ନୂତନ ପ୍ରଧାନମନ୍ତ୍ରୀ ଆବାସ ଯୋଜନାରେ ସାମିଲ କରିବା ପାଇଁ ବାରମ୍ବାର ଅଭିଯୋଗ ହୋଇଥିଲେ ମଧ୍ୟ କୌଣସି ପଦକ୍ଷେପ ନିଆଯାଇନାହିଁ ବୋଲି ଅଞ୍ଚଳବାସୀ କହିଛନ୍ତି।
