ଢେଙ୍କାନାଳ ଅଫିସ,୧।୬: ଢେଙ୍କାନାଳ ଜିଲା ସଦର ଥାନା ଗୋବିନ୍ଦପୁର ଫାଣ୍ଡି ସଦର ରେଞ୍ଜ ବୋରାପଦା ଖମାର ନିକଟସ୍ଥ ଏକ ଇଟାଭାଟି ନିକଟରେ ଥିବା କାଜୁ ବଗିଚା ପରିସରରେ ଗୁରୁବାର ଏକ ମାଈହାତୀର ମୃତଦେହ ପଡିଥିବା ଦେଖାଯାଇଛି। ବିଦ୍ୟୁତ ଆଘାତରେ ହାତୀଟିର ମୃତ୍ୟୁ ହୋଇଥିବା ବନବିଭାଗ ସୂତ୍ରରୁ କୁହାଯାଇଛି। ହାତୀଟିର ବୟସ ଅନୁମାନିକ ୧୫ରୁ ୧୭ବର୍ଷ ମଧ୍ୟରେ ହେବ। ଜନ୍ତୁ ଶିକାର କିମ୍ବା ବଗିଚାରେ ହାତୀ ଉପଦ୍ରବକୁ ନେଇ ବିଦ୍ୟୁତ ତାର ସଂଯୋଗ ହୋଇଥିବା ବନବିଭାଗ ପକ୍ଷରୁ ସନ୍ଦେହ କରାଯାଉଛି। ଏହାକୁ ନେଇ ତଦନ୍ତ ଆରମ୍ଭ ହୋଇଛି। ଖବରପାଇ ଜିଲା ବନଖଣ୍ଡ ଅଧିକାରୀ ସୁମିତ କୁମାର କର ଘଟଣାସ୍ଥଳରେ ପହଞ୍ଚିଛନ୍ତି। ଏହାର ନିକଟରେ ଆଉ ପ୍ରାୟ ୧୫ଟି ହାତୀ ଥିବା ଜଣାପଡିଛି । ହାତୀପଲଙ୍କ ରଡିରେ ଉକ୍ତ ଅଞ୍ଚଳ ପ୍ରକମ୍ପିତ ହେଉଛି । ତଦନ୍ତ ପରେ କିଭଳି ବିଦ୍ୟୁତ ସ୍ପର୍ଶରେ ହାତୀଟି ମୃତ୍ୟୁ ହୋଇଛି ତାହା ଜଣାପଡିବ ବୋଲି ବିଭୁଦାନନ୍ଦ ମିଶ୍ରଙ୍କ ସୂଚନାରୁ ଜଣାପଡିଛି ।
