କେସିଙ୍ଗା,୨୯।୪(ତୁମେଶ୍ୱର ସାହୁ): କଳାହାଣ୍ଡି ଜିଲା କେସିଙ୍ଗା ବ୍ଲକ ଅଧିନସ୍ଥ କିକିଆ ଗ୍ରାମ ପଞ୍ଚାୟତର ହରିଜନ ପଡା(ପୂର୍ବ)ରେ ଥିବା ବିଦ୍ୟୁତ ଖୁଣ୍ଟ ଦୀର୍ଘ ଦିନ ହେଲା ବିପଦସଂକୁଳ ଅବସ୍ଥାରେ ପଡି ରହିଛି। ବର୍ତ୍ତମାନ ଗ୍ରୀଷ୍ମପ୍ରବାହରେ ସନ୍ଧ୍ୟାରେ ଜୋରରେ ପବନ ବହୁଥିବାରୁ ପଡାରେ ଥିବା ବିଦ୍ୟୁତ ଖୁଣ୍ଟ କେତେବେଳେ ପଡିଯିବ କହିହେବ ନାହିଁ।ଯଦି ଝଡ ତୋଫାନରେ ପଡି ଗଲେ ପଡାର ଅନେକ ଲୋକଙ୍କ ଜୀବନ ଚାଲିଯିବାର ସମ୍ଭାବନା ରହିଛି। ତେଣୁ ଉତକେଲା ବିଦ୍ୟୁତ ବିଭାଗ ଅଧୀନରେ ଥିବା କିକିଆ ଗ୍ରାମରେ ବିପଦ ଝୁଲି ରହିଛି। ଏ ନେଇ ଗ୍ରାମବାସୀ ଏସଡ଼ିଓ କେସିଙ୍ଗା ଏବଂ ଜେଇ ଉତକେଲାଙ୍କୁ ବହୁ ବାର ଅଭିଯୋଗ କରିଥିଲେ ସୁଦ୍ଧା କୌଣସି ସୁଫଳ ମିଳୁ ନ ଥିବା ଗ୍ରାମ ବାସୀ ଅଭିଯୋଗ କରିଛନ୍ତି। ଏ ନେଇ ଉତକେଲା ବିଦ୍ୟୁତ ବିଭାଗ ଦାୟିତ୍ୱରେ ଥିବା କନିଷ୍ଠ ଯନ୍ତ୍ରୀ ଏଥି ପ୍ରତି ଦୃଷ୍ଟି ଦେଇ ଯଥାଶୀଘ୍ର ବିଦ୍ୟୁତ ଖୁଣ୍ଟକୁ ଠିକ କରିବା ପାଇଁ ଗ୍ରାମବାସୀ ଦାବି କରିଛନ୍ତି।
Dharitri – Odisha’s No.1 Odia Daily
