ଢେଙ୍କାନାଳ,୨୨।୪: ଢ଼େଙ୍କାନାଳ ସହରରେ ଶନିବାର ଇଦ ମହା ସମାରୋହରେ ପାଳିତ ହୋଇଯାଇଛି । ଏହି ଅବସରରେ ସକାଳେ ମିନାବଜାର ଠାରେ ଥିବା ମସଜିଦ ଓ କାଞ୍ଚନ ବଜାର ସ୍ଥିତ ମସଜିଦରେ ମୁସଲମାନମାନେ ସମୁହ ନମାଜ ପାଠ କରିଥିଲେ । ପରେ ସେମାନେ ଭାଇଚାରା ପରମ୍ପରାର ନିଦର୍ଶନ ସ୍ବରୂପ ସମସ୍ତଙ୍କୁ ଇଦ ମୁବାରକ ଜଣାଇବା ସହ ଶୁଭେଚ୍ଛା ଜଣାଇଥିଲେ । ବିଧାୟକ ସୁଧୀର କୁମାର ସାମଲ ଦୁଇଟି ଯାକ ମସଜିଦକୁ ଯାଇ ପ୍ରାର୍ଥନା କରିବା ସହ ସମସ୍ତଙ୍କୁ ଶୁଭେଚ୍ଛା ଜଣାଇଥିଲେ। ଏଥିସହ ଦୁଇଟି ଯାକ ମସଜିଦର ଉନ୍ନତି କରଣ ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ୧୫ଲକ୍ଷ ଟଙ୍କା ଲେଖାଏଁ ପ୍ରଦାନ କରିଛନ୍ତି ବୋଲି ଘୋଷଣା କରିଥିଲେ । ପରବର୍ତ୍ତୀ ସମୟରେ ଅଧିକ ଅନୁବାନ ପ୍ରଦାନ କରାଯିବ ବୋଲି ମୁଖ୍ୟମନ୍ତ୍ରୀ କହିଛନ୍ତି ବୋଲି ବିଧାୟକ ସୂଚନା ଦେଇଥିଲେ। ଏକ ମାସ ଧରି ରମଜାନ ମାସ ପାଳନ କରି ରୋଜା ତଥା ଉପବାସ ରଖି ଶେଷରେ ମୁସଲମାନ ପରିବାରର ଛୋଟ ରୁ ବଡ ପର୍ଯ୍ୟନ୍ତ ସମସ୍ତେ ଆନନ୍ଦ ଉଲ୍ଲାସର ସହ ଇଦ଼ ପାଳିଥିଲେ ।
