ଭବିଷ୍ୟତରେ ପୃଥିବୀରେ ଏତେ ଗରମ ଅନୁଭବ ହେବ ଯେ ମଣିଷ ସେଠାରେ ରହିବା ଅସମ୍ଭବ ହୋଇଯିବ। ଏହାର ସବୁଠାରୁ ବଡ ପ୍ରଭାବ ସେହି ଅଞ୍ଚଳରେ ହେବାକୁ ଯାଉଛି, ଯେଉଁଠାରେ ବିଶ୍ୱର ଅଧାରୁ ଅଧିକ ଲୋକ ବାସ କରୁଛନ୍ତି। ଉତ୍ତର ଏବଂ ଦକ୍ଷିଣ ଆମେରିକା, ଏସିଆ ଏବଂ ମଧ୍ୟ ପୂର୍ବରେ ତାପମାତ୍ରା ଏତେ ବୃଦ୍ଧି ପାଇବ, ଯାହା ଫଳରେ ଲୋକମାନେ ଶୀତଳ ସ୍ଥାନକୁ ସ୍ଥାନାନ୍ତର ହେବାକୁ ବାଧ୍ୟ ହେବେ। ଜଳବାୟୁ ପରିବର୍ତ୍ତନ ଏହାର ମୁଖ୍ୟ କାରଣ।
ଆମେରିକାର ଅନୁସନ୍ଧାନକାରୀମାନେ କହିଛନ୍ତି, ଭାରତ, ପାକିସ୍ଥାନ, ପୂର୍ବ ଚାଇନା ଏବଂ ସାହାରା ଆଫ୍ରିକା ଅସହ୍ୟ ଉତ୍ତାପର ସମ୍ମୁଖୀନ ହେବାକୁ ଯାଉଛନ୍ତି। ଇଣ୍ଡିଆନା ରାଜ୍ୟ ପର୍ଡ୍ୟୁ ୟୁନିଭରସିଟିର ପ୍ରଫେସର ମାଥ୍ୟୁ ହ୍ୟୁବର୍ କହିଛନ୍ତି, ଅତ୍ୟଧିକ ଉତ୍ତାପ ତରଙ୍ଗ ସେହି ଅଞ୍ଚଳ ଉପରେ ପଡ଼ିବ ଯାହା ଅତ୍ୟଧିକ ଧନୀ ନୁହେଁ ଏବଂ ଆଗାମୀ ଦିନରେ ସେଠାରେ ଜନସଂଖ୍ୟା ଦ୍ରୁତ ଗତିରେ ବୃଦ୍ଧି ପାଇବ ବୋଲି କୁହାଯାଉଛି। ସବୁଠାରୁ ଆଶ୍ଚର୍ଯ୍ୟଜନକ ବିଷୟ ହେଉଛି ଏହି ଅଞ୍ଚଳରେ ଗ୍ରୀନହାଉସ ଗ୍ୟାସ ନିର୍ଗମନର ସର୍ବନିମ୍ନ ପରିମାଣ ଅଛି।
ପ୍ରଫେସର ମାଥ୍ୟୁ ହ୍ୟୁବର୍ କହିଛନ୍ତ ଆହୁରି କହିଛନ୍ତି, ପ୍ରବଳ ଗରମ ଯୋଗୁ କୋଟି କୋଟି ଲୋକ ମୃତ୍ୟୁ ମୁଖରେ ପଡିପାରନ୍ତି। ଉତ୍ତାପ ତରଙ୍ଗର ଶିକାର କେବଳ ଗରିବ ଦେଶ ବହନ କରିବ ନାହିଁ। ଧନୀ ଦେଶମାନଙ୍କୁ ମଧ୍ୟ ପ୍ରଭାବିତ କରିବ, ଯାହାକି ବହୁ ଗ୍ରୀନହାଉସ ଗ୍ୟାସ ନିର୍ଗତ କରେ। ସେ କହିଛନ୍ତି , ତାପମାତ୍ରା ବୃଦ୍ଧି ହେତୁ ଧନୀ ଦେଶମାନଙ୍କୁ ହିଟ୍ ଓ୍ବେବ୍ର ସାମ୍ନା କରିବାକୁ ପଡିବ। ଉତ୍ତାପର ପ୍ରଭାବ କାନାଡା ଏବଂ ୟୁରୋପରେ ପୂର୍ବରୁ ଦେଖାଯାଇଛି।
