ମୁମ୍ବାଇ,୧୯।୪ : ରାଜସ୍ଥାନ ରୟାଲ୍ସ ଆଗରେ ପ୍ରଥମେ ବ୍ୟାଟିଂ କରିଥିବା ଚେନ୍ନାଇ ସୁପର କିଙ୍ଗ୍ସ (ସିଏସ୍କେ) ଛିଡ଼ା କରିଛି ୧୮୯ ରନ୍ର ବିଜୟ ଲକ୍ଷ୍ୟ। ମୁମ୍ବାଇ ପିଚ୍ରେ ଏହା ଯଥେଷ୍ଟ ନୁହେଁ। ମହେନ୍ଦ୍ର ସିଂ ଧୋନୀଙ୍କ ସିଏସ୍କେକୁ ଜିତିବା ପାଇଁ ହେଲେ ବୋଲରମାନଙ୍କୁ ଭଲ ପ୍ରଦର୍ଶନ କରିବାକୁ ପଡ଼ିବ।
ସିଏସ୍କେର ପ୍ରମୁଖ ବ୍ୟାଟ୍ସମ୍ୟାନ ସେଟ୍ ହେଲା ପରେ ଆଉଟ୍ ହୋଇଥିଲେ। ନ ହେଲେ ଦଳୀୟ ସ୍କୋର ୨୦୦ ରନ୍ ପାର କରିଥାନ୍ତା। ଏଥି ପାଇଁ ରାଜସ୍ଥାନ ବୋଲର ଚେତନ ସାକାରିୟା (୩) ଓ କ୍ରିସ ମୋରିସ (୨)ଙ୍କୁ ଶ୍ରେୟ ଦିଆଯିବ। ସିଏସ୍କେ ପକ୍ଷରୁ ଫାଫ ଡୁ’ପ୍ଲେସି ୩୩, ମୋଇନ ଅଲି ୨୬, ସୁରେଶ ରାଇନା ୧୮, ଅମ୍ବାତି ରାୟୁଡୁ ୨୭, ଅଧିନାୟକ ମହେନ୍ଦ୍ର ସିଂ ଧୋନୀ ୧୮ ଓ ଡ୍ବେନ ବ୍ରାଭୋ ୨୦ ରନ୍ କରିଥିଲେ।
