ପଟାଙ୍ଗି,୨୦।୧୧(ଶରତ କୁମାର ଧଳ): ମଲାକାନଗିରି ଜିଲାରେ ଏକ ଅଭାବନୀୟ ଘଟଣା ଘଟିଛି। ଚଳନ୍ତା ବସ୍ରେ ଡ୍ରାଇଭରଙ୍କୁ ହାର୍ଟଆଟାକ୍ ଆସିଥିଲା। ସେ ନିଜେ ଚାଲିଗଲେ, ହେଲେ ବଞ୍ଚାଇଦେଲେ ୨୫ ଜୀବନ। ହୃଦଘାତର ଶିକାର ହୋଇ ମଧ୍ୟ ଯାତ୍ରୀଙ୍କ ଜୀବନ ରକ୍ଷା କଲେ ବସ ଡ୍ରାଇଭର। ବସ୍ଟି ବିଜୟନଗରମରୁ ମାଲକାନଗିରି ଆସୁଥିବା ବେଳେ ଏହି ଅଘଟଣ ଘଟିଛି। କୁନ୍ଦୁଲି ନିକଟରେ ଛାତିରେ ଯନ୍ତ୍ରଣା ଅନୁଭବ କରିଥିଲେ OSRTC ବସ ଡ୍ରାଇଭର। ଏହାପରେ ତାଙ୍କୁ କୋରାପୁଟ ମେଡିକାଲରେ ଭର୍ତ୍ତି କରାଯାଇଥିଲା। ସେଠାରେ ଡାକ୍ତର ତାଙ୍କୁ ଡାକ୍ତର ମୃତ ଘୋଷଣା କରିଥିଲେ। ମୃତ ଡ୍ରାଇଭର୍ଙ୍କ ନାଁ ପାରୁପଲ୍ଲୀ ସାଇ କ୍ରିଷ୍ଣା କୁମାର। ତାଙ୍କ ବୟସ ୪୩ ବର୍ଷ ଥିଳା ବୋଲି ଜଣାପଡ଼ିଛି।
ଡ୍ରାଇଭରଙ୍କ ମୃତ ଖବର ପାଇଁ ଆନ୍ଧ୍ର ରାଜ୍ୟର ବିଜୟନଗରମ ଡିପୋ ମ୍ୟାନେଜର ରବିନ୍ଦ୍ର କୁମାର ବେହେରା ଖବର ପାଇ କୋରାପୁଟ ଜିଲା ମେଡିକାଲ କଲେଜରେ ପହଞ୍ଚି ମୃତ ଡ୍ରାଇଭରଙ୍କୁ ଦର୍ଶନ କରି ମୃତ ସମ୍ପର୍କରେ ତଦନ୍ତ କରୁଛନ୍ତି । ମୃତ ଡ୍ରାଇଭର OSRTC ବିଭାଗର ଦୀର୍ଘ ୨୫ ବର୍ଷ ଧରି ଡ୍ରାଇଭର କାର୍ଯ୍ୟ ତୁଲାଉଥିବାବେଳେ ଡ୍ରାଇଭରଙ୍କର ଚାକିରି ସ୍ଥାୟୀ ହୋଇ ନ ଥିଲା। ଏଥିସହିତ ମଙ୍ଗଳବାର ଉକ୍ତ ଡିପୋରେ ଦୁର୍ଘଟଣାଜନିତ ଘଟଣା ସମ୍ପର୍କରେ ସମସ୍ତ ଡ୍ରାଇଭରଙ୍କୁ ତାଲିମ ଦେଇଥିଲେ ।
Dharitri – Odisha’s No.1 Odia Daily
