ଆମ ବସ୍‌ଷ୍ଟାଣ୍ଡ, ବସ୍‌ ଟର୍ମିନାଲ କାର୍ଯ୍ୟକ୍ଷମ ନେଇ ସନ୍ଦେହ

ଢେଙ୍କାନାଳ,୧୧ା୯(ରତନ ନାୟାର): ଢେଙ୍କାନାଳ ସହରରେ ନିର୍ମାଣାଧୀନ ଆମ ବସ୍‌ଷ୍ଟାଣ୍ଡ ଓ ମହିଷାପାଟସ୍ଥିତ ଅତ୍ୟାଧୁନିକ ବସ୍‌ ଟର୍ମିନାଲ କାର୍ଯ୍ୟକାରିତାକୁ ନେଇ ସନ୍ଦେହ ଦେଖାଦେଇଛି। ଏହି ୨ଟି ପ୍ରକଳ୍ପ କାର୍ଯ୍ୟକ୍ଷମ ନେଇ ଜିଲା ଆଞ୍ଚଳିକ ପରିବହନ ବିଭାଗ, ଜିଲା ବସ୍‌ ମାଲିକ ସଂଘ ଏପରିକି ନୂତନ ଭାବେ ଓଏସ୍‌ଆର୍‌ଟିସି ପକ୍ଷରୁ ନିଯୁକ୍ତ ଜିଲା ମ୍ୟାନେଜରଙ୍କ ନିକଟରେ କୌଣସି ଠିକ୍‌ ସୂଚନା ନାହିଁ। ଫଳରେ ପ୍ରକଳ୍ପ କାର୍ଯ୍ୟକାରିତା ନେଇ ସହରବାସୀ ଆଶଙ୍କାରେ ରହିଛନ୍ତି।
ପ୍ରକାଶ ଯେ, ଢେଙ୍କାନାଳ ସହର ପୁରୁଣା ବସ୍‌ଷ୍ଟାଣ୍ଡକୁ ନୂଆ ରୂପ ଦିଆଯାଇ ଆମ ବସ୍‌ଷ୍ଟାଣ୍ଡ ଭାବେ ନିର୍ମାଣ କରାଯାଉଛି। ଏଥିପାଇଁ ଓଏସ୍‌ଆର୍‌ଟିସି ପକ୍ଷରୁ ୮ କୋଟି ଟଙ୍କା ବ୍ୟୟ କରାଯାଇଛି। ଏହି ଅତ୍ୟାଧୁନିକ ବସ୍‌ଷ୍ଟାଣ୍ଡରେ ୨୦ରୁ ଊର୍ଦ୍ଧ୍ୱ ବସ୍‌ ପାର୍କିଂ କରିବା ସହିତ ଯାତ୍ରୀ, ବସ୍‌ ଚାଳକ ଓ କର୍ମଚାରୀଙ୍କ ପାଇଁ ବିଶ୍ରାମଗୃହ, ମାର୍କେଟ କମ୍ପ୍ଲେକ୍ସ, କାର୍ଯ୍ୟାଳୟ ଗୃହ ଆଦିର ବ୍ୟବସ୍ଥା କରାଯାଉଛି। ବସ୍‌ ପ୍ରବେଶ ଓ ପ୍ରସ୍ଥାନ ଦ୍ୱାର ମଧ୍ୟ ତିଆରି ହୋଇଛି। ତେବେ ପ୍ରବେଶ ଦ୍ୱାର ପାଇଁ ୯ ମିଟର ସ୍ଥାନ ଆବଶ୍ୟକ ଥିବାବେଳେ ନିର୍ମାଣ ହୋଇଥିବା ପ୍ରବେଶ ଦ୍ୱାରର ଚଉଡ଼ା ମାତ୍ର ୫ ମିଟର ରହିଛି। ଏଥିସହ ପ୍ରବେଶ ରାସ୍ତାରେ ପାନୀୟଜଳ, ଷ୍ଟୋରେଜ୍‌ ପଏଣ୍ଟ, କର୍ମଜୀବୀ ମହିଳାଙ୍କ ନିମନ୍ତେ ହଷ୍ଟେଲ, ସାହିତ୍ୟ ଓ ସାଂସ୍କୃତିକ ଅନୁଷ୍ଠାନ, ପୂର୍ତ୍ତ ବିଭାଗର କ୍ୱାର୍ଟର୍ସ, ବିଦ୍ୟୁତ୍‌ ଟ୍ରାନ୍ସଫର୍ମର ଏବଂ ଲୋକମାନଙ୍କ ଘର ରହିଛି। ତେଣୁ ଏସବୁ ମଧ୍ୟଦେଇ କିଭଳି ବସ୍‌ ପ୍ରବେଶ ଦ୍ୱାର ନିକଟରେ ପହଞ୍ଚିବ ତାହାକୁ ନେଇ ସାଧାରଣରେ ପ୍ରଶ୍ନବାଚୀ ସୃଷ୍ଟି ହୋଇଛି। ଏଥିସହ ବ୍ଲକରୁ ପଞ୍ଚାୟତ ଏବଂ ଜିଲା ସଦର ମହକୁମାକୁ ମୋ ବସ୍‌ ଯୋଜନାରେ ମଧ୍ୟ ଏହାକୁ ଅନ୍ତର୍ଭୁକ୍ତ କରାଯାଇଥିବା ସୂଚନା ମିଳିଛି। ସେହିପରି ଢେଙ୍କାନାଳରେ ଏକ ଅତ୍ୟାଧୁନିକ ବସ୍‌ ଟର୍ମିନାଲ ହେବ ବୋଲି ମହିଷାପାଟ ପଡିଆକୁ ଆଞ୍ଚଳିକ ପରିବହନ ଅଧିକାରୀଙ୍କ ନାମରେ ପଟ୍ଟା କରାଯାଇଥିଲା। ଏହି ୫ଏକର ଜାଗାରେ ଓଏସ୍‌ଆର୍‌ଟିସି ପକ୍ଷରୁ ଅତ୍ୟାଧୁନିକ ବସ୍‌ ଟର୍ମିନାଲ ନିର୍ମାଣ ପାଇଁ ମୁଖ୍ୟମନ୍ତ୍ରୀଙ୍କ ଦ୍ୱାରା ୨୦୨୧ ଡିସେମ୍ବର ୨୩ରେ ଭିଡିଓ କନଫରେନ୍ସିଂ ମାଧ୍ୟମରେ ଭିତ୍ତିପ୍ରସ୍ତର ସ୍ଥାପନ କରାଯାଇଥିଲା। କିନ୍ତୁ ଦେଢବର୍ଷ ଭିତରେ ପଡ଼ିଆ ଚତୁଃପାର୍ଶ୍ୱରେ କେବଳ ପାଚେରି କାମ ବ୍ୟତୀତ ଅନ୍ୟ କିଛି କରାଯାଇ ନାହିଁ। ତେଣୁ ଏହା କେବେ ନିର୍ମାଣ ହେବ ଓ କାର୍ଯ୍ୟକ୍ଷମ କରାଯିବ ତାହାକୁ ନେଇ ସାଧାରଣରେ ସନ୍ଦେହ ବୃଦ୍ଧି ପାଉଛି। ଅନ୍ୟପକ୍ଷରେ ଏଠାରେ ବସ୍‌ ଟର୍ମିନାଲ ପରିବର୍ତ୍ତେ ମୋ ବସ୍‌ ରହିବା ପାଇଁ ଏବଂ ଏହାର ରକ୍ଷଣାବେକ୍ଷଣ ପାଇଁ ଏକ ଡିପୋ କରାଯିବ ବୋଲି ଏବେ ଚର୍ଚ୍ଚା ଜୋର୍‌ ଧରିଛି। ଏହାକୁ ନେଇ ଢେଙ୍କାନାଳରେ ବିଭିନ୍ନ ବ୍ୟକ୍ତିବିଶେଷ, ଅନୁଷ୍ଠାନ ପକ୍ଷରୁ ତୀବ୍ର ପ୍ରତିକ୍ରିୟା ପ୍ରକାଶ କରାଯାଇଛି। ଓଏସ୍‌ଆର୍‌ଟିସି ପକ୍ଷରୁ ମଧ୍ୟ ଏ ସମ୍ପର୍କରେ ଆଞ୍ଚଳିକ ପରିବହନ ବିଭାଗ, ବସ୍‌ ମାଲିକ ସଂଘ ଏବଂ ନିକଟରେ ନିଯୁକ୍ତି ପାଇଥିବା ବିଭାଗୀୟ ଜିଲା ମ୍ୟାନେଜରଙ୍କୁ ଅବଗତ କରାଯାଇନାହିଁ।
ଏ ସମ୍ପର୍କରେ ଜିଲା ବସ୍‌ ମାଲିକ ସଂଘ ଯୁଗ୍ମ ସମ୍ପାଦକ ରୁଦ୍ର ନାରାୟଣ ତ୍ରିପାଠୀ କହିଛନ୍ତି, ଆମ ବସ୍‌ଷ୍ଟାଣ୍ଡର ନିର୍ଦ୍ଧାରିତ ପ୍ରବେଶ ଦ୍ୱାର ରାସ୍ତା ଠିକ୍‌ ନାହିଁ। ବସ୍‌ ଏହି ରାସ୍ତାଦେଇ ଯାଇପାରିବ ନାହିଁ। ରାସ୍ତା ଚଉଡା ଓ ବସ୍‌ ଯିବାଭଳି ଅନୁଭବ କଲେ ବସ୍‌ଷ୍ଟାଣ୍ଡ ଭିତରକୁ ଗାଡ଼ି ନିଆଯିବ। ନଚେତ୍‌ ପୂର୍ବସ୍ଥିତି ବଜାୟ ରହିବ। ବସ୍‌ ଟର୍ମିନାଲ ସମ୍ପର୍କରେ କୌଣସି ସୂଚନା ଦିଆଯାଉନାହିଁ। ଜିଲା ଆଞ୍ଚଳିକ ପରିବହନ ଅଧିକାରୀ ପ୍ରଣୟ କୁମାର ମିଶ୍ର କହିଛନ୍ତି, ବସ୍‌ ଟର୍ମିନାଲ ପାଇଁ ନିଷ୍ପତ୍ତି ହୋଇଥିବା ଜାଗାର ପଟ୍ଟା ଢେଙ୍କାନାଳ ଆଞ୍ଚଳିକ ପରିବହନ ଅଧିକାରୀଙ୍କ ନାମରେ ରହିଛି। କିନ୍ତୁ ଓଏସ୍‌ଆର୍‌ଟିସି କର୍ତ୍ତୃପକ୍ଷ ମହିଷାପାଟ ପଡିଆକୁ ପାଚେରି ପକାଇଲେଣି। ତେଣୁ ସେଠାରେ କ’ଣ ହେବ ତାହା ଜଣାନାହିଁ। ଓଏସ୍‌ଆର୍‌ଟିସି ପକ୍ଷରୁ ନୂତନ ଭାବେ ନିଯୁକ୍ତି ପାଇଥିବା ଜିଲା ମ୍ୟାନେଜର ରଶ୍ମି ପ୍ରିୟଦର୍ଶିନୀ କହିଛନ୍ତି, ଅଳ୍ପଦିନ ହେବ ନିଯୁକ୍ତି ମିଳିଛି। କିନ୍ତୁ ପ୍ରଥମେ ଆମ ବସ୍‌ଷ୍ଟାଣ୍ଡରେ କିଭଳି ବସ୍‌ ଯିବାଆସିବା କରିବ ଏବଂ ମହିଷାପାଟ ଠାରେ କ’ଣ ପ୍ରକଳ୍ପ ହେବ ସେ ସମ୍ପର୍କରେ କୌଣସି ସୂଚନା ଦିଆଯାଇନାହିଁ। ସଦର ତହସିଲଦାର ସୁଧାଂଶୁ କୁମାର ସାଓ କହିଛନ୍ତି, ନିର୍ମାଣାଧୀନ ଆମ ବସଷ୍ଟାଣ୍ଡରେ ବସ୍‌ ପ୍ରବେଶ ପଥକୁ ଅଧିକ ଚଉଡା କରାଯିବ। ଏଥିପାଇଁ ଜବର ଦଖଲ ଉଚ୍ଛେଦ କରାଯିବ।


Enter your email to get our daily news in your inbox.

All Right Reserved By Dharitri.Com

ବରଗଡ଼ରେ ଧଳାଜହର କାରବାରର ପର୍ଦ୍ଦାଫାଶ: ୯୦ ଗ୍ରାମ ବ୍ରାଉନ୍ ସୁଗାର ଜବତ, ପୋଲିସ ହାତରେ ଧରାପଡ଼ିଲେ ଦମ୍ପତି

ବରଗଡ଼,୧୮।୧୧(ପ୍ରେମାନନ୍ଦ ଖମାରୀ)- ବରଗଡ଼ ଟାଉନ୍ ଥାନା ପୋଲିସକୁ ନିଶା କାରବାର ବିରୋଧୀ ଅଭିଯାନରେ ଏକ ବଡ଼ ସଫଳତା ମିଳିଛି । ବୁଧବାର ପୋଲିସ ଚଢ଼ାଉ କରି ବ୍ରାଉନ୍…

ଡାକ୍ତରଙ୍କ ଅବହେଳାରୁ ଛାତ୍ରୀ ମୃତ୍ୟୁ ଅଭିଯୋଗ, କାର୍ଯ୍ୟାନୁଷ୍ଠାନ, କ୍ଷତିପୂରଣ ଦାବିରେ ଧାରଣା

ନୂଆପଡ଼ା,୧୮।୧୧(ମକାରୁ ବେମାଲ): ନୂଆପଡ଼ା ଜିଲା ବୋଡେନ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଡାକ୍ତର ଓ ନର୍ସଙ୍କ ଅବହେଳା ଯୋଗୁ ଅଷ୍ଟମ ଶ୍ରେଣୀ ଛାତ୍ରୀଙ୍କ ମୃତ୍ୟୁ ହୋଇଥିବା ପରିବାର ଲୋକେ ଅଭିଯୋଗ…

ସରକାରଙ୍କ ବଡ଼ ନିଷ୍ପତ୍ତି; ଘୁଞ୍ଚିଲା ପଞ୍ଚାୟତ ନିର୍ବାଚନ, ବିଧାନସଭା ପରେ….

ଲକ୍ଷ୍ନୌ,୧୮।୧୧: ଉତ୍ତରପ୍ରଦେଶରେ ପଞ୍ଚାୟତ ନିର୍ବାଚନକୁ ନେଇ ବଡ଼ ନିଷ୍ପତ୍ତି ନେଇଛନ୍ତି ଯୋଗୀ ସରକାର । ପଞ୍ଚାୟତ ନିର୍ବାଚନ କରାଇବାର ସମୟସୀମାକୁ ଆଉ ୬ ମାସ ବୃଦ୍ଧି କରାଯାଇଛି…

‘ଅକ୍ବାନ’ ଆଲର୍ଟ: ଗୁଡ଼ାରି ବ୍ଲକ ପ୍ରଶାସନର ଜରୁରୀ ବୈଠକ, ମୁଖ୍ୟାଳୟ ନ ଛାଡ଼ିବାକୁ କର୍ମଚାରୀଙ୍କୁ କଡ଼ା ନିର୍ଦ୍ଦେଶ

ଗୁଡ଼ାରି,୧୮ା୧୧(ପ୍ରମୋଦ କୁମାର ପତି ): ସମ୍ଭାବ୍ୟ ବାତ୍ୟା ‘ଅକ୍ବାନ’କୁ ଦୃଷ୍ଟିରେ ରଖି ଗୁଡ଼ାରି ବ୍ଲକ ପ୍ରଶାସନ ପକ୍ଷରୁ ସମସ୍ତ ପ୍ରକାର ପ୍ରସ୍ତୁତି ଚୂଡ଼ାନ୍ତ ପର୍ଯ୍ୟାୟରେ ପହଞ୍ଚିଛି ।…

କେନ୍ଦୁଝରର ଗୌରବ: ବିଶିଷ୍ଟ କବି ଭୈରବ ଚନ୍ଦ୍ର ବେହେରାଙ୍କୁ ମିଳିଲା ମର୍ଯ୍ୟାଦାଜନକ ‘ଉତ୍କଳ ସାହିତ୍ୟ ରତ୍ନ ସମ୍ମାନ’

ପାଟଣା,୧୮।୧୧(ବୀର କିଶୋର ଦାଶ): କେନ୍ଦୁଝର ଜିଲା ପାଟଣା ବ୍ଲକ ଅନ୍ତର୍ଗତ କଣ୍ଟିଆପଡ଼ା ପଞ୍ଚାୟତ ଜାମୁନାଳିଆ ଗ୍ରାମର ବିଶିଷ୍ଟ କବି, ଗାଳ୍ପିକ ତଥା ଶିକ୍ଷାବିତ୍ ଭୈରବ ଚନ୍ଦ୍ର ବେହେରାଙ୍କୁ…

ରେଡ୍ ଜୋନ୍‌ରେ ଗଞ୍ଜାମ: ଅଫିସରଙ୍କ ହଜିଗଲାଣି ନିଦ, ଚିନ୍ତାରେ ଲୋକେ; ନିୟୋଜିତ ହେଲେ ୪୦ ଉଦ୍ଧାରକାରୀ ଦଳ…

ଭଞ୍ଜନଗର, ୧୮।୧୧ (ବାବୁଲା ପ୍ରଧାନ): ସମ୍ଭାବ୍ୟ ବାତ୍ୟା ଓ ଲଗାଣ ବର୍ଷାକୁ ନେଇ ଗଞ୍ଜାମ ଜିଲାରେ ଆଶଙ୍କା ବଢ଼ିଥିବା ବେଳେ ପ୍ରଶାସନ ପକ୍ଷରୁ ପ୍ରସ୍ତୁତିକୁ ଜୋରଦାର କରାଯାଇଛି।…

ପ୍ଲେଇଂ ଇଲେଭେନ୍‌ରେ ସୁଯୋଗ ନମିଳିବାକୁ ରାଗିଗଲେ ଖେଳାଳି, କହିଲେ ମୋର ଆତ୍ମସମ୍ମାନ….

ନୂଆଦିଲ୍ଲୀ, ୧୮।୧୧: ଦୋହାରେ ନଭେମ୍ବର ୧୯ରୁ ଆରମ୍ଭ ହେବ ୨୦୨୬ ପୁରୁଷ ଇମର୍ଜିଂ ଏସିଆ କପ୍‌ । ଏହି ଟୁର୍ଣ୍ଣାମେଣ୍ଟରେ ଇଣ୍ଡିଆ-ଏ ପକ୍ଷରୁ ଖେଳିବେ ଭାରତୀୟ ଅଲରାଉଣ୍ଡର…

Litton Das: ପ୍ରଥମେ ଶତକ, ଏବେ ଉଇକେଟକିପିଂରେ ରଚିଲେ ଇତିହାସ, ଭାଙ୍ଗିଲେ ୪୭ ବର୍ଷ ପୁରୁଣା ବିଶ୍ୱ ରେକର୍ଡ

ଢାକା/ଜୋହାନ୍ସବର୍ଗ,୧୮।୧୧: ଟେଷ୍ଟ କ୍ରିକେଟରେ ବାଂଲାଦେଶର ଖେଳାଳିମାନେ କ୍ରମାଗତ ଭାବେ ନିଜର ଦକ୍ଷତା ପ୍ରମାଣିତ କରୁଛନ୍ତି । ଅଷ୍ଟ୍ରେଲିଆ ଏବଂ ଦକ୍ଷିଣ ଆଫ୍ରିକା ଭୂମିରେ ଚମତ୍କାର ପ୍ରଦର୍ଶନ ଜାରି…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?