ନୂଆଦିଲ୍ଲୀ,୧୯।୪: ସୁଦାନରେ ୩୧ ଜଣ ହକ୍କି ପିକ୍କି ଆଦିବାସୀ ଫସିରହିଥିବା କର୍ନାଟକର ପୂର୍ବତନ ମୁଖ୍ୟମନ୍ତ୍ରୀ ତଥା ବରିଷ୍ଠ କଂଗ୍ରେସ ନେତା ସିଦ୍ଦାରାମାୟା ମଙ୍ଗଳବାର ଟୁଇଟ୍ କରିଛନ୍ତି। ସେଠାରୁ କନ୍ନଡିଗାମାନଙ୍କୁ ସୁରକ୍ଷିତ ଭାବେ ସ୍ବଦେଶ ଫେରାଇ ଆଣିବା ପାଇଁ ବହିର୍ବ୍ୟାପାର ମନ୍ତ୍ରୀ ଏସ୍. ଜୟଶଙ୍କର ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ସେ ଅନୁରୋଧ କରିଛନ୍ତି। ନିଜ ନାଗରିକଙ୍କୁ ଫେରାଇ ଆଣିବାରେ ଭାରତ ସରକାରଙ୍କ ଅକ୍ଷମତାକୁ ସେ ସମାଲୋଚନା କରିଛନ୍ତି। ଏହାକୁ ନେଇ ଜୟଶଙ୍କର ସିଦ୍ଦାରାମାୟାଙ୍କ ଉପରେ ବର୍ଷିଛନ୍ତି। ଜୟଶଙ୍କର କହିଛନ୍ତି, ସୁଦାନର ବିପଜ୍ଜନକ ସ୍ଥିତିକୁ ନେଇ ରାଜନୀତି କରିବା ଅନୁଚିତ। ବିଦେଶରେ କୌଣସି ଭାରତୀୟ ବିପଦରେ ରହିଥିଲେ ଏଠି କାହାକୁ ନିର୍ବାଚନୀ ଲାଭ ମିଳିବ ନାହିଁ।
