ଆଜିର ଦିନରେ କେଶ ଝଡ଼ିବା ସମସ୍ୟା ସାଧାରଣ ହୋଇଗଲାଣି। ପିଲାଠୁ ବୃଦ୍ଧକିମ୍ବା ଯୁବପିଢିଙ୍କ ଠାରେ ଏହିସମସ୍ୟା ଅଧିକ ଦେଶଯାଉଛ। ଏହି ସମସ୍ୟା କେବଳ ଆତ୍ମବିଶ୍ୱାସକୁ ପ୍ରଭାବିତ କରେ ନାହିଁ ବରଂ ମାନସିକ ଚାପ ମଧ୍ୟ ସୃଷ୍ଟି କରିପାରେ। କେଶ ଝଡ଼ିବାର ଅନେକ କାରଣ ଥାଇପାରେ, ସେଥିମଧ୍ୟରୁ ଲୋକମାନେ ବିଶ୍ୱାସ କରନ୍ତି ଯେ ଯେତେବେଳେ ସେମାନେ ଗୋଟିଏ ସ୍ଥାନରୁ ଅନ୍ୟ ସ୍ଥାନକୁ ଘର ପରିବର୍ତ୍ତନ କରନ୍ତି, ସେଠାରେ ବ୍ୟବହାର ପାଣିରେ କେଶ ଝଡିଯାଏ। ଏହା କ’ଣ ସତ? ଜାଣନ୍ତୁ ପ୍ରକୃତ ସତ।
ଯଦି ଆପଣ ଏକ ନୂଆ ସହରକୁ ଯାଇଛନ୍ତି ଏବଂ କେଶ ଝଡ଼ିବା ସମସ୍ୟା ଆରମ୍ଭ ହୋଇଛି, ତେବେ ଏହା ପାଣି ପରିବର୍ତ୍ତନ ହେତୁ ହୋଇପାରେ। ଶ୍ରୀବାଲାଜୀ ଆକ୍ସନ ମେଡିକାଲ ଇନଷ୍ଟିଚ୍ୟୁଟର ସିନିୟର କନସଲଟାଣ୍ଟ, ଚର୍ମରୋଗ ବିଶେଷଜ୍ଞ ଡକ୍ଟର ବିଜୟ ସିଙ୍ଗଲ କହିଛନ୍ତି ଯେ କେଶ ଦୁର୍ବଳ ହେବା ଏବଂ ଝଡିବାର କାରଣ ପାଣି ପରିବର୍ତ୍ତନ ନୁହେଁ ପାଣିର ଗୁଣବତ୍ତା ଖରାପ ଯୋଗୁ ହୋଇପାରେ। ଖରାପ ଗୁଣାତ୍ମକ ପାଣି କେଶ ଝଡ଼ିବା କିମ୍ବା ଦୁର୍ବଳ ହେବାର ଏକ ପ୍ରମୁଖ କାରଣ ହୋଇପାରେ। ଯଦି ପାଣିରେ ଅଧିକ ପରିମାଣର କ୍ଲୋରିନ, କ୍ୟାଲସିୟମ ଏବଂ ମ୍ୟାଗ୍ନେସିୟମ, କିମ୍ବା କଠିନ ଧାତୁ ଥାଏ, ତେବେ ଏହା କେଶ ଏବଂ ତ୍ୱଚାକୁ ନଷ୍ଟ କରିପାରେ। ଯେତେବେଳେ ଆପଣ ଏହିପରି ପାଣିରେ କେଶ ଧୋଇବେ, ଏହା ତ୍ୱଚାରୁ ଆର୍ଦ୍ରତା ବାହାର କରି କେଶକୁ ଶୁଷ୍କ କରିପାରେ। ଏହି କାରଣରୁ କେଶ ଦୁର୍ବଳ ହୋଇଯାଏ ଏବଂ ଭାଙ୍ଗିବା ଆରମ୍ଭ କରେ। ଏଥିସହ, ଏହା କେଶର ପ୍ରାକୃତିକ ତେଲକୁ ମଧ୍ୟ ବାହାର କରିଦେଇପାରେ। ତେବେ ଜାଣନ୍ତୁ ଏହାକୁ କିପରି ରୋକାଯାଇପାରିବ।
ପାଣିକୁ ଶୁଦ୍ଧ କରିବା ପାଇଁ ଏକ ଫିଲ୍ଟର ବ୍ୟବହାର କରନ୍ତୁ। ଏହା ପାଣିର ଗୁଣବତ୍ତା ଉନ୍ନତି କରିବା ସହ କେଶକୁ କ୍ଷତି କରାଏନାହିଁ। କେଶର ଆର୍ଦ୍ରତା ବଜାୟ ରଖିବା ପାଇଁ ସାମ୍ପୁ ଏବଂ ମଶ୍ଚରାଇଜର କଣ୍ଡିସନର ବ୍ୟବହାର କରନ୍ତୁ। ଏହା କେଶକୁ ଶୁଷ୍କ ହେବାରୁ ରକ୍ଷା କରିବ। ସପ୍ତାହରେ ଥରେ ନଡ଼ିଆ, ଅଁଳା କିମ୍ବା ବାଦାମ ତେଲ ମୁଣ୍ଡରେ ମାଲିସ କରନ୍ତୁ। ଏହା କରିବା ଦ୍ୱାରା କେଶ ମୂଳ ଦୃଢ ହୋଇଥାଏ ଏବଂ ତ୍ୱଚା ଆର୍ଦ୍ର ହୋଇଯାଏ। ଉତ୍ତମ କେଶ ସ୍ବାସ୍ଥ୍ୟ ପାଇଁ, ଆପଣଙ୍କ ଖାଦ୍ୟରେ ପ୍ରୋଟିନ, ଭିଟାମିନ ଏବଂ ମିନେରାଲ୍ସ ଭରପୂର ଖାଦ୍ୟ ଅନ୍ତର୍ଭୁକ୍ତ କରନ୍ତୁ।
