ଦଳୀୟ ପ୍ରାର୍ଥୀଙ୍କ ପାଇଁ ଅସନ୍ତୁଷ୍ଟ ଅଡୁଆ

ଜଗତ୍‌ସିଂହପୁର ଅଫିସ, ୧୫ା୨:ତିର୍ତ୍ତୋଲ ଜିଲା ପରିଷଦ ୩ ନଂ. ଜୋନର ସ୍ବତନ୍ତ୍ରତା ଅଛି। କାରଣ ଏହି ଜୋନ ଅନ୍ତର୍ଗତ ବିରିତୋଳ ପଞ୍ଚାୟତରୁ ୨ ଜଣ ବିଜେଡି ଓ କଂଗ୍ରେସ ପ୍ରାର୍ଥୀ ହୋଇଛନ୍ତି। ସେମାନଙ୍କ ମଧ୍ୟରୁ ଜଣେ ରାଜ୍ୟ ମହିଳା କମିଶନ ଅଧ୍ୟକ୍ଷା ମିନତି ବେହେରାଙ୍କ ଭାଇ। ଅନ୍ୟପକ୍ଷେ ୨୦୧୭ ନିର୍ବାଚନରେ ଜୋନ ଅନ୍ତର୍ଗତ ୮ରୁ ୪ଟି ପଞ୍ଚାୟତରେ କଂଗ୍ରେସ ସମର୍ଥିତ ସରପଞ୍ଚ ଓ ସମିତି ସଭ୍ୟ ଜିତିଥିଲେ। ବଡ କଥା ହେଲା ଜିଲା ପରିଷଦ ସଭ୍ୟ ପଦ କ୍ଷେତ୍ରରେ କିନ୍ତୁ ବିଜେଡି ପ୍ରାର୍ଥୀଙ୍କୁ ଭଲ ଭୋଟ ମିଳିଥିଲା। କଂଗ୍ରେସ ଦ୍ୱିତୀୟ ସ୍ଥାନରେ ରହିବ ବୋଲି ଆଶା କରାଯାଉଥିଲେ ସୁଦ୍ଧା ତାହା ହୋଇ ନ ଥିଲା। ଭାଜପା ପ୍ରାର୍ଥୀ ୨ୟ ସ୍ଥାନରେ ରହି ସମୀକରଣ ଓଲଟପାଲଟ କରି ଦେଇଥିଲେ। ଆଗାମୀ ନିର୍ବାଚନରେ ଏହି ଜୋନରେ ତ୍ରିମୁଖୀ ପ୍ରତିଦ୍ୱନ୍ଦ୍ୱିତା ହେବା ଆଶା କରାଯାଉଥିବା ରାଜନୈତିକ ସମୀକ୍ଷକମାନେ ମତ ପ୍ରକାଶ କରିଛନ୍ତି ।
ତିର୍ତ୍ତୋଲ ୩ନଂ. ଜୋନଟି ଗତଥର ପଛୁଆବର୍ଗ ମହିଳାଙ୍କ ପାଇଁ ସଂରକ୍ଷିତ ଥିଲା। କିନ୍ତୁ ଏଥର ଅନୁସୂଚିତ ଜାତିଙ୍କ ପାଇଁ ସଂରକ୍ଷଣ କରାଯାଇଛି। ଏହି ଜୋନ କହିଲେ, ବିରିତୋଳ, ଗୋପାଳପୁର, ଗୋବିନ୍ଦପୁର, କନକପୁର, ମୂଳିସିଂହ, ପଟିଲୋ, କୋଷ୍ଟିମଲ୍ଲିକାପୁର ଓ ସଅଁରା ପଞ୍ଚାୟତକୁ ନେଇ ଗଠିତ। ଗତ ନିର୍ବାଚନରେ ଜୋନର ଭୋଟର ସଂଖ୍ୟା ୩୨୩୪୮ ଥିଲା। କିନ୍ତୁ ଏଥର ଅଧିକ ୨୯୩୧ ଜଣ ଯୋଡି ହୋଇଛନ୍ତି। ଯାହାଦ୍ୱାରା ମୋଟ ଭୋଟର ସଂଖ୍ୟା ୩୫,୨୭୯ରେ ପହଞ୍ଚତ୍ଛି। ୨୦୧୭ ନିର୍ବାଚନ ଫଳାଫଳ ଦେଖିଲେ ଜଣାଯାଏ ଏହି ଜୋନରୁ ବିଜେଡି ପ୍ରାର୍ଥୀ ଲିପାଲି ରାଉଳଙ୍କୁ ୧୨,୨୨୩ ଖଣ୍ଡ, ଅର୍ଥାତ୍‌ ମୋଟ ମତଦାନର ୩୬.୭୪% ଭୋଟ ମିଳିଥିଲା। କଂଗ୍ରେସର ଜାନକୀ ସାସମଲଙ୍କ ସପକ୍ଷରେ ୫,୬୮୧ ଖଣ୍ଡ, ଅର୍ଥାତ୍‌ ୧୭.୦୭% ଭୋଟ ଯାଇଥିଲା। ଭାଜପାର ଅନ୍ନପୂର୍ଣ୍ଣା ରାଉତଙ୍କୁ ୮,୩୨୪ ଖଣ୍ଡ, ଅର୍ଥାତ୍‌ ୨୫.୦୨% ଭୋଟ ମିଳିଥିଲା। ତେବେ ଏହି ନିର୍ବାଚନରେ ଭାଜପା ପ୍ରାର୍ଥୀ ରାଉତଙ୍କଠାରୁ ବିଜେଡିର ରାଉଳ ଅଧିକ ୩,୮୯୯ ଖଣ୍ଡ ଭୋଟ ବ୍ୟବଧାନରେ ବିଜୟୀ ହୋଇଥିଲେ। ଏଥର ବିଜେଡିରୁ ସୁନିଲ କୁମାର ବେହେରା, କଂଗ୍ରେସରୁ ମାନସ ରଞ୍ଜନ ବେହେରା ଓ ଭାଜପାରୁ ରଞ୍ଜିତ କୁମାର ବେହେରା ପ୍ରାର୍ଥୀ ହୋଇଛନ୍ତି। ଭାଜପା ପ୍ରାର୍ଥୀ ରଞ୍ଜିତ ଉଚ୍ଚଶିକ୍ଷିତ। ଜଗତ୍‌ସିଂହପୁର କୋର୍ଟରେ ଓକିଲାତି କରୁଛନ୍ତି। ସେ କହିଛନ୍ତି, ଅଞ୍ଚଳର ଲୋକେ କୌଣସି କାରଣରୁ କୋର୍ଟର ଆଶ୍ରୟ ନେଲେ ସେ ସହଯୋଗ କରିଥାନ୍ତି। ଏଥିସହ ଜୋନ ଅନ୍ତର୍ଗତ ପଞ୍ଚାୟତଗୁଡିକରେ ହେଉଥିବା ଦୁର୍ନୀତିର ପର୍ଦ୍ଦାଫାସ ପାଇଁ ଆର୍‌ଟିଆଇରେ ସୂଚନା ମାଗିଥାନ୍ତି। ବିଜେଡି ଜିଲା ପରିଷଦ ପ୍ରାର୍ଥୀ ଓ ସରପଞ୍ଚମାନଙ୍କ ଦୁର୍ନୀତି ଯୋଗୁ ଲୋକେ ଅତିଷ୍ଠ। ଯାହାକି ତାଙ୍କୁ ସହଯୋଗ କରୁଛି। ଏହା ଭିତରେ ନିଜ ପଞ୍ଚାୟତ ମୂଳିସିଂହ ସହ ସେ ପଟିଲୋ ଓ କୋଷ୍ଟିମଲ୍ଲିକାପୁର ପଞ୍ଚାୟତରେ ଡୋର କ୍ୟାମ୍ପେନିଂ ବେଳେ ଭଲ ସମର୍ଥନ ମିଳିଛି। ବିଶେଷକରି ଗୋବିନ୍ଦପୁର, କନକପୁର, ସଅଁରା, ପଟିଲୋ ଓ କୋଷ୍ଟିମଲ୍ଲିକାପୁରରେ ଅଧିକ ଭଲ ଫଳ ମିଳିବ ବୋଲି ଆଶା କରାଯାଉଥିବା ରଞ୍ଜିତ ମତପ୍ରକାଶ କରିଛନ୍ତି। ବିଜେଡି ପ୍ରାର୍ଥୀ ସୁନିଲ ଜଣେ ବ୍ୟବସାୟୀ। ରାଜନୀତିରେ ନୂଆ ହୋଇଥିଲେ ସୁଦ୍ଧା ତାଙ୍କ ଭଉଣୀ ତଥା ରାଜ୍ୟ ମହିଳା କମିଶନ ଅଧ୍ୟକ୍ଷା। ଏହି କାରଣରୁ ଦଳ ସୁନିଲଙ୍କ ଉପରେ ଆସ୍ଥା ପ୍ରକଟ ସହ ପ୍ରାର୍ଥୀ କରିଛି। ତାଙ୍କ ପୂର୍ବରୁ ବିରିତୋଳ ସମିତିସଭ୍ୟାଙ୍କ ସ୍ବାମୀ ଦେବେନ୍ଦ୍ର ମଲ୍ଲିକ ଏହି ଜୋନରୁ ବିଜେଡି ପ୍ରାର୍ଥୀ ପାଇଁ ଆଶାୟୀ ଥିଲେ। ଦେବେନ୍ଦ୍ର କଂଗ୍ରେସର ଜଣେ ଜଣାଶୁଣା ନେତା ଥିଲେ। ସେ ବିଜେଡିରେ ମିଶିଲା ପରେ ତାଙ୍କୁ ଜିଲା ପରିଷଦ ପ୍ରାର୍ଥୀ କରାଯିବ ବୋଲି ଚର୍ଚ୍ଚା ଚାଲିଥିଲା। ଶେଷରେ ସୁନିଲଙ୍କୁ ଜିଲା ପରିଷଦ ଓ ଦେବେନ୍ଦ୍ରଙ୍କ ସ୍ତ୍ରୀଙ୍କୁ ବିରିତୋଳ ସମିତି ସଭ୍ୟ ପ୍ରାର୍ଥୀ କରାଯାଇଛି। ଏଠାରେ ସୂଚାଇ ଦିଆଯାଇପାରେ ଯେ, ଗତ ନିର୍ବାଚନରେ ବିଜେଡି ଜିଲା ପରିଷଦ ପ୍ରାର୍ଥୀ ଜିତିଥିଲେ ସୁଦ୍ଧା ନେତୃତ୍ୱଙ୍କ ମନରେ ହରସ ନ ଥିଲା। କାରଣ କଂଗ୍ରେସ ସମର୍ଥନରେ କନକପୁର, ବିରତୋଳ, ମୂଳିସିଂହ ଓ ସଅଁରା ପଞ୍ଚାୟତ ସରପଞ୍ଚ ଓ ସମିତି ସଭ୍ୟ ପ୍ରାର୍ଥୀମାନେ ଜିତିଥିଲେ। ଆଗାମୀ ନିର୍ବାଚନରେ ଯେପରି ଗତ ନିର୍ବାଚନ ଫଳର ପୁନରାବୃତ୍ତି ନ ହୁଏ ସେନେଇ ବିଜେଡି ନେତୃତ୍ୱ ରଣନୀତି ଆପଣାଉଥିବା ସୂଚନା ଦିଆଯାଇଛି। କଂଗ୍ରେସ ପ୍ରାର୍ଥୀ ମାନସ କହିଛନ୍ତି ତାଙ୍କ ପାଖରେ ଅର୍ଥ ବଳ କି ବାହୁ ବଳ ନାହିଁ ସତ। କିନ୍ତୁ ଦୀର୍ଘ ୨୦ ବର୍ଷର ରାଜନୈତିକ ଅଭିଜ୍ଞତା ଅଛି। ଦୀର୍ଘବର୍ଷ ଧରି ଲୋକଙ୍କ ସେବାରେ ନିଜକୁ ନିୟୋଜିତ କରି ଆତ୍ମସନ୍ତୋଷ ପାଉଛି। କୌଣସି ଲୋକଙ୍କ କାମ କଲାବେଳେ ଦଳ ଦେଖେନି। ଦଳ ଅପେକ୍ଷା ବ୍ୟକ୍ତିଗତ ସମ୍ପର୍କକୁ ଗୁରୁତ୍ୱ ଦିଏ। ଯେଉଁ କାରଣରୁ ଦଳ, ବଳ ନିର୍ବିଶେଷରେ ପ୍ରତ୍ୟେକ ତାଙ୍କୁ ଆଦର ଓ ଶ୍ରଦ୍ଧା କରନ୍ତି। ଏହାକୁ ସମ୍ବଳ କରି ସେ ନିର୍ବାଚନ ବୈତରଣୀ ପାର ହେବାକୁ ଚେଷ୍ଟା କରୁଛନ୍ତି। ସଫଳତା ମିଳିବ ବୋଲି ସେ ଆଶାବାଦୀ ଥିବା କହିଛନ୍ତି। ଦେଖିବାର ଅଛି ଆଗକୁ ସମୀକରଣ କେଉଁ ମୋଡ ନେଉଛି ।


Enter your email to get our daily news in your inbox.

All Right Reserved By Dharitri.Com

ଜିଲାପାଳଙ୍କ ଜନ ଅଭିଯୋଗ ଶୁଣାଣି: ମାତ୍ର ୯୦ଟି ଅଭିଯୋଗରେ ସୀମିତ, ପ୍ରଚାର ଅଭାବ ନା ସମାଧାନ ଉପରୁ ତୁଟିଲାଣି ଭରସା

ଥୁଆମୂଳ ରାମପୁର, ୧୬।୧୧ (ଦୁର୍ଗା କୀର୍ତ୍ତି): କଳାହାଣ୍ଡି ଜିଲାର ଅତି ଦୁର୍ଗମ ତଥା ଆଦିବାସୀ ବହୁଳ ଥୁଆମୂଳ ରାମପୁର ବ୍ଲକ ବୈଠକ ସଭା ଗୃହ ଠାରେ ସୋମବାର…

ଆଦର୍ଶ ଶିକ୍ଷକ ସୁନ୍ଦର ମୋହନ ସିଂ ସମ୍ବର୍ଦ୍ଧିତ: ସମାଜ ପ୍ରତି ଅବଦାନକୁ ପ୍ରଶଂସା

ମହାକାଳପଡ଼ା,୧୬।୧୧(ପ୍ରତାପ ଚନ୍ଦ୍ର ସ୍ବାଇଁ): କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ ବଉଳକଣୀସ୍ଥିତ ପ୍ରେମଚାନ୍ଦ ବିଦ୍ୟାପୀଠର ପ୍ରାକ୍ତନ ଛାତ୍ର ତଥା ରାଜ୍ୟସ୍ତରୀୟ ମୁଖ୍ୟମନ୍ତ୍ରୀ ଶିକ୍ଷା ପୁରସ୍କାରପ୍ରାପ୍ତ ଆଦର୍ଶ ଶିକ୍ଷକ ସୁନ୍ଦର…

ଅମିତାଭ, ଅଭିଷେକ ବଚ୍ଚନଙ୍କୁ ହତ୍ୟା ଧମକ, ଦିଆଗଲା ଏଭଳି ଚେତାବନୀ

ମୁମ୍ବାଇ,୧୬ା୧୧: ଗ୍ୟାଙ୍ଗଷ୍ଟର ଗୋଲ୍ଡି ଧିଲୋନ୍‌ଙ୍କଠାରୁ ମେଗାଷ୍ଟାର ଅମିତାଭ ବଚ୍ଚନ ଏବଂ ଅଭିଷେକ ବଚ୍ଚନଙ୍କୁ ହତ୍ୟା ଧମକ ମିଳିଛି। ନିକଟରେ ଦିଲ୍ଲୀ ପୋଲିସ ଗୋଲ୍ଡି ଗ୍ୟାଙ୍ଗ୍‌ର ୨ ସଦସ୍ୟ…

ପୁଣି ବାତ୍ୟା ଆଶଙ୍କା: ଅଞ୍ଚଳବାସୀଙ୍କ ବଢିଲା ଚିନ୍ତା

ଭଞ୍ଜନଗର, ୧୬।୧୧ (ବାବୁଲା ପ୍ରଧାନ): ଗତ ଅକ୍ଟୋବର ୨୮ ଓ ୨୯ ତାରିଖରେ ଗଞ୍ଜାମ ଜିଲାରେ ସଂଘଟିତ ଭୟାବହ ବନ୍ୟାରୁ ଭଞ୍ଜନଗର ଜଳସମ୍ପଦ ବିଭାଗ କିଛି ଶିକ୍ଷା…

ବରିଷ୍ଠ ସାମ୍ବାଦିକ ନରୋତ୍ତମ ସେଲମାଙ୍କୁ ‘ବିଜୟ ଦ୍ୱିବେଦୀ ସ୍ମୃତି ସମ୍ମାନ’

ରିଷିଡା,୧୬।୧୧(ସୁଶାନ୍ତ ମଲ୍ଲିକ): କଳାହାଣ୍ଡି ଜିଲା କର୍ଲାମୁଣ୍ଡା ବ୍ଲକର ବରିଷ୍ଠ ସାମ୍ବାଦିକ, ତଥା ସାହିତି୍ୟକ ନରୋତ୍ତମ ସେଲମାଙ୍କୁ ମର୍ଯ୍ୟାଦାଜନକ ‘ବିଜୟ ଦ୍ୱିବେଦୀ ସ୍ମୃତି ସମ୍ମାନ’ ପ୍ରଦାନ କରାଯାଇଛି। କେସିଙ୍ଗାଠାରେ…

ଶିକ୍ଷକ ନିଯୁକ୍ତି ଦାବି: ସମାଧାନ ନ ହେଲେ ସ୍କୁଲରେ ତାଲା ପକାଇବାକୁ ଗ୍ରାମବାସୀଙ୍କ ଚେତାବନୀ

ଗୁଡାରି, ୧୬।୧୧ (ପ୍ରମୋଦ କୁମାର ପତି): ଗୋଟିଏ ଶିକ୍ଷୟିତ୍ରୀଙ୍କ ଭରସାରେ ଚାଲିଛି ପ୍ରଥମରୁ ପଞ୍ଚମ ଶ୍ରେଣୀ ପର୍ଯ୍ୟନ୍ତ ପାଠପଢ଼ା। ବିଦ୍ୟାଳୟରେ ଆବଶ୍ୟକ ଶିକ୍ଷକ ନଥିବାରୁ ପିଲାଙ୍କ ପାଠପଢ଼ା…

ସଂସଦ ଭବନରେ ଗୁଞ୍ଜିଲା କଳାହାଣ୍ଡିର ଢାପ ନୃତ୍ୟ: କଳାକାରଙ୍କଠୁ ରାମକାଠି ନେଇ ବଜାଇଲେ ମୋଦି

ଭବାନୀପାଟଣା,୧୬।୧୧(ଉତ୍ତମ କୁମାର ଦାଶ): ଦିଲ୍ଲୀ ସଂସଦ ଭବନରେ ଜାତୀୟ ମଞ୍ଚରେ ଝଲସିଲା କଳାହାଣ୍ଡିର ପାରମ୍ପରିକ ଢାପ ନୃତ୍ୟ। ଜନଜାତୀୟ ଗୌରବ ଦିବସ ଅବସରରେ ଭବାନୀପାଟଣାର ପ୍ରତିଭା ଅନୁଷ୍ଠାନର…

ଯେଉଁଠି ପ୍ରଥମେ ଭେଟିଥିଲେ ସୋନିଆ-ରାଜୀବ, ସେହି ରେଷ୍ଟୁରାଣ୍ଟକୁ ଗର୍ଲଫ୍ରେଣ୍ଡଙ୍କ ସହ ଯାଇଥିଲେ ରାହୁଲ! ନିଜେ କଲେ ଖୁଲାସା

ନୂଆଦିଲ୍ଲୀ,୧୬।୧୧: କଂଗ୍ରେସ ସାଂସଦ ରାହୁଲ ଗାନ୍ଧୀ ତାଙ୍କ ମାଆ ସୋନିଆ ଗାନ୍ଧୀଙ୍କ ପୁସ୍ତକ ‘ବିଲଙ୍ଗିଂ: ଏ ଜର୍ଣ୍ଣି ଅଫ ଲଭ’ର ଉନ୍ମୋଚନ ଅବସରରେ ପରିବାର ସହ ଜଡ଼ିତ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?