ନିରାଡ଼ମ୍ବରକୁ ନେଇ ନିରାଶା

ବଇଣ୍ଡା,୧୪।୧୦(ଡି.ଏନ.ଏ.)  ଆରମ୍ଭ ହୋଇଛି ମା’ ଦଶଭୁଜାଙ୍କ ପୂଜା। ହେଲେ ମଣ୍ଡପ ବାହାରକୁ ଶୁଭୁନି ବୈଦିକ ବ୍ରାହ୍ମଣଙ୍କ ବେଦଧ୍ୱନି। କୋଭିଡ୍‌ ସମୟ ହୋଇ ନ ଥିଲେ ଏତେବେଳେକୁ ସାଜସଜ୍ଜା, ସାଉଣ୍ଡ ଓ ଶ୍ରଦ୍ଧାଳୁଙ୍କ ଗହଳିରେ ଫାଟି ପଡ଼ୁଥାନ୍ତା ପୂଜାସ୍ଥାନ। ଉତ୍ସାହ, ଉଦ୍ଦୀପନାରେ ଉଛୁଳି ଉଠିଥାନ୍ତା ଭକ୍ତଙ୍କ ମନ। କିନ୍ତୁ କୋଭିଡ୍‌ କଟକଣା କାରଣରୁ ଗତବର୍ଷ ପରି ଏଥର ମଧ୍ୟ ସମ୍ପୂର୍ଣ୍ଣ ନିରାଡ଼ମ୍ବରରେ ପୂଜା କରାଯାଉଥିବାରୁ ଅନୁଗୋଳ ଜିଲା କିଶୋରନଗର ବ୍ଲକ ଅଞ୍ଚଳରେ ନିରାଶାର ଭାବ ଦେଖିବାକୁ ମିଳୁଛି।
କିଶୋରନଗର ବ୍ଲକର ବିଭିନ୍ନ ସ୍ଥାନରେ ପୂଜା ପାଳନ କରାଯାଉଛି। ବିଶେଷକରି ବଇଣ୍ଡା, ଡେବେରାପାଲି ଓ କିଶୋରନଗର ଅଞ୍ଚଳରେ ପ୍ରତିବର୍ଷ ପୂଜା ଦେଖିବାକୁ ଅସମ୍ଭବ ଭିଡ଼ ହୋଇଥାଏ। ଉଜ୍ଜ୍ୱଳ ଆଲୋକମାଳାରେ ଝଲସୁଥିବା ଆକର୍ଷଣୀୟ ପୂଜା ମଣ୍ଡପ, ମିନାବଜାର, ଭଳିକି ଭଳି ଖାଦ୍ୟ ଷ୍ଟଲ ଓ ମେଲୋଡି, ପାଲା, ଦଣ୍ଡନାଚ ପରି ସାଂସ୍କୃତିକ କାର୍ଯ୍ୟକ୍ରମ ଦେଖିବା ପାଇଁ ଦୂର ଦୂରାନ୍ତରୁ ଲୋକେ ଏସବୁ ସ୍ଥାନକୁ ଧାଇଁ ଆସିଥାନ୍ତି। ହେଲେ ୨ ବର୍ଷ ହେଲା ପୂଜା କେବଳ ପରମ୍ପରାରେ ସୀମିତ ରହିଛି। ଆଡ଼ମ୍ବର ସହ ପୂଜାକୁ ସରକାରଙ୍କ ଅନୁମତି ନ ଥିବାରୁ ମଣ୍ଡପ ସାଜସଜ୍ଜା କରାଯାଉ ନାହିଁ। ଚାରିପଟୁ ଆବଦ୍ଧ କରାଯାଉଥିବାରୁ ଶ୍ରଦ୍ଧାଳୁମାନେ ମା’ଙ୍କୁ ଦର୍ଶନ କରିପାରୁ ନାହାନ୍ତି। ମେଳା ଲାଗୁ ନ ଥିବାରୁ ଶତାଧିକ ଉଠା ଦୋକାନୀ ବର୍ଷକର ଆୟ ହରାଉଛନ୍ତି। ଏପରି କି ମଣ୍ଡପକୁ ଆକର୍ଷଣୀୟ କରାଯାଉ ନ ଥିବାରୁ ଟେଣ୍ଟ, ଲାଇଟ୍‌ ଓ ସାଉଣ୍ଡ ବ୍ୟବସାୟୀମାନେ ଲକ୍ଷ ଲକ୍ଷ ଟଙ୍କାର କ୍ଷତି ସହୁଛନ୍ତି।

ଲୋକଙ୍କୁ ସଚେତନ କରାଯାଉଛି

କଟକଣା ମଧ୍ୟରେ ବଇଣ୍ଡା ଠାରେ ପୂଜା ପାଳନ କରାଯାଉଛି। କୋଭିଡ୍‌ ମହାମାରୀଠାରୁ ଲୋକେ କିପରି ଦୂରେଇ ରହିବେ ସେ ନେଇ କମିଟି ପକ୍ଷରୁ ସମସ୍ତଙ୍କୁ ସଚେତନ କରାଯାଉଛି।
-ସରୋଜ କୁମାର ସାହୁ, ବଇଣ୍ଡା

ସବୁ ଯୋଜନା ଠପ୍‌

ଡେବେରାପାଲି ଗ୍ରାମରେ ୧୯୪୬ରୁ ପୂଜା ପାଳନ କରାଯାଇ ଆସୁଛି। ଚଳିତବର୍ଷ ୭୫ ବର୍ଷ ପୂରଣ ହେଉଥିବାରୁ ଧୁମ୍‌ଧାମରେ ଆୟୋଜନ କରାଯାଇଥାନ୍ତା। କିନ୍ତୁ କରୋନା ପାଇଁ ସବୁ ଠପ୍‌ ହୋଇଗଲା।
-ବସନ୍ତ କୁମାର ମିଶ୍ର, ଡେବେରାପାଲି

ରୋଜଗାର ହରାଇଛନ୍ତି କଳାକାର

୩୦୦ ଶହ ଟଙ୍କାରୁ ଆରମ୍ଭ ହୋଇଥିବା ବଇଣ୍ଡା ହାଇସ୍କୁଲ ରୋଡ୍‌ରେ ପୂଜା ଏବେ ୩ ଲକ୍ଷ ଟଙ୍କାରେ ପହଞ୍ଚିଛି। ଚଳିତବର୍ଷ ସାଂସ୍କୃତିକ କାର୍ଯ୍ୟକ୍ରମ ବନ୍ଦ ଥିବାରୁ ଆଖପାଖ କଳାକାରଙ୍କ ରୋଜଗାର ବନ୍ଦ ହୋଇଯାଇଛି।
-ଗିରୀଶ ଚନ୍ଦ୍ର ସାହୁ, ବଇଣ୍ଡା

 

 


Enter your email to get our daily news in your inbox.

All Right Reserved By Dharitri.Com

ଅନୁଗୋଳରୁ ଅଯୋଧ୍ୟା ଗଡ଼ିଲା ସ୍ବତନ୍ତ୍ର ଆସ୍ଥା ଟ୍ରେନ

ଅନୁଗୋଳ:୨୩।୨(ଅମିତ କୁମାର ସାମଲ): ଜାନୁଆରୀ ୨୨ରେ ରାମଲାଲାଙ୍କ ପ୍ରାଣ ପ୍ରତିଷ୍ଠା ହୋଇଯାଇଛି। ଏନେଇ ଦେଶରେ ଆଧ୍ୟାତ୍ମିକ ପରିବେଶ ସୃଷ୍ଟି ହୋଇଥିଲା। ଏହି ପରିପ୍ରେକ୍ଷୀରେ ରାମଲାଲାଙ୍କ ଦର୍ଶନ...

ପ୍ରମୁଖ ଦଳଙ୍କୁ ଆଶାୟୀ ଚ୍ୟାଲେଞ୍ଜ

ପାଲଲହଡା,୨୩ା୨(ଦିବ୍ୟଜ୍ୟୋତି ଦାଶ):ଅନୁଗୋଳ ଜିଲା ପାଲଲହଡ଼ା ବିଧାନସଭା ନିର୍ବାଚନମଣ୍ଡଳୀରେ ସବୁ ଦଳ ପାଇଁ ଗୋଷ୍ଠୀ କନ୍ଦଳ ଏବେ ମୁଖ୍ୟ ସମସ୍ୟା ହୋଇଛି। ନିର୍ବାଚନ ତାରିଖ ଧାର୍ଯ୍ୟ ନ...

ହାତୀ ବେକରେ ଲାଗିଲା ରେଡିଓ କଲାର, ଓଡ଼ିଶାରେ ପ୍ରଥମ

ଛେଣ୍ଡିପଦା,୨୧।୨(ଅଜିତ ଧଳ): ଅନୁଗୋଳ ଜିଲା ଛେଣ୍ଡିପଦା ବନାଞ୍ଚଳରେ ଗୁଳିବିଦ୍ଧ ଦନ୍ତାହାତୀକୁ ବନବିଭାଗ ତତ୍ତ୍ୱାବଧାନରେ ୫ଦିନ ଧରି ୩ଟି ଡାକ୍ତରୀ ଦଳ ଚିକିତ୍ସା କରିବା ପରେ ବୁଧବାର...

ଲୁଟେରାଙ୍କ ଟାର୍ଗେଟରେ ମେଡିସିନ ବ୍ୟବସାୟୀ

ବଇଣ୍ଡା,୧୮।୨(ପରିକ୍ଷିତ ସାହୁ)ଅନୁଗୋଳ ଜିଲା ୫୫ ନମ୍ବର ଜାତୀୟ ରାଜପଥର ହଣ୍ଡପା, ଜରପଡା, କିଶୋରନଗର ଥାନା ଇଲାକାରେ କିଛିଦିନ ହେବ ଚୋରି ବଢିବାରେ ଲାଗିଛି। ବିଶେଷ କରି...

ବୁଲୁଛି କ୍ଷତାକ୍ତ ହାତୀ: ଗୁଳି ବାଜିଥିବା…

ଛେଣ୍ଡିପଦା,୧୭।୨(ଅଜିତ ଧଳ): ଅନୁଗୋଳ ବନଖଣ୍ଡ ଛେଣ୍ଡିପଦା ବନାଞ୍ଚଳ ବାଗଡ଼ିଆ ଅଞ୍ଚଳରେ ୩ଦିନ ହେବ ଏକ ଗୋଠଛଡ଼ା ଦନ୍ତା ହାତୀ ବୁଲୁଥିବାବେଳେ ଲୋକେ ଭୟଭୀତ ଅବସ୍ଥାରେ ଅଛନ୍ତି।...

୬ ବର୍ଷ ହେଲା ପ୍ରାଣୀଧନଙ୍କ ଚିକିତ୍ସା ବ୍ୟବସ୍ଥା ଠପ୍‌

ବଇଣ୍ଡା,୧୪।୨ (ପରିକ୍ଷିତ ସାହୁ): ଗାଈ, ଛେଳି ଓ କୁକୁଡ଼ା ପାଳନ ପାଇଁ ସରକାର ଚାଷୀ, ମହିଳା ଓ ସ୍ବୟଂସହାୟକ ଗୋଷ୍ଠୀଙ୍କୁ ପ୍ରୋତ୍ସାହିତ କରୁଛନ୍ତି। ଏଥିପାଇଁ ବ୍ୟାଙ୍କ...

ସ୍କୁଟିକୁ ଧକ୍କା ଦେଲା ଟ୍ରକ୍‌, ଚାଲିଗଲା ମହିଳାଙ୍କ ଜୀବନ

ଅନୁଗୋଳ,୧୨ା୨(ଅମିତ କୁମାର ସାମଲ): ଟ୍ରକ୍‌ ଦୁର୍ଘଟଣାରେ ସୋମବାର ଜଣେ ମହିଳାଙ୍କର ମୃତ୍ୟୁ ଘଟିଛି। ବଅଁରପାଳ ଥାନା ଅନ୍ତର୍ଗତ ୧୪୯ ନମ୍ବର ଜାତୀୟ ରାଜପଥରେ ଏହି ଦୁର୍ଘଟଣା...

ଝିଅକୁ ବଳାତ୍କାର ବେଳେ ମା’ଙ୍କ ହାବୁଡ଼ରେ ପଡ଼ିଲେ ବାପା, ପରେ…

ଅନୁଗୋଳ,୭।୨ (ଅମିତ କୁମାର ସାମଲ): ଅନୁଗୋଳ ସଦର ଥାନା ପୋଲିସ ମଙ୍ଗଳବାର ଜଣେ ବଳାତ୍କାର ଅଭିଯୁକ୍ତ ବାପାଙ୍କୁ ଗିରଫ କରିଛି। ଗତ ୧ ତାରିଖରେ ଅଭିଯୁକ୍ତଙ୍କ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri