ଦିଗ୍‌ଦର୍ଶକ ନାଡାଲ

ସ୍ପେନ୍‌ର ରାଫାଲ ନାଡାଲ ୩୦ ଜାନୁୟାରୀ ୨୦୨୨ରେ ୨୧ତମ ଗ୍ରାଣ୍ଡ୍‌ସ୍ଲାମ୍‌ ଜିତି ଟେନିସ୍‌ କ୍ଷେତ୍ରରେ ବିଶ୍ୱ ରେକର୍ଡ ସ୍ଥାପନ କରିଛନ୍ତି। ରୁଷିଆର ଡାନିଲ ମେଡ୍‌ଭେଡେଭ୍‌ଙ୍କ ସହ ସଂଘର୍ଷପୂର୍ଣ୍ଣ ଅଷ୍ଟ୍ରେଲିଆନ୍‌ ଓପନ୍‌ ଫାଇନାଲରେ ଦୁଇ ସେଟ୍‌ ପଛରେ ଥିବା ନାଡାଲ ଯେଭଳି ଭାବେ ଟାଇଟଲ ଜିତିଲେ ତାହା ଖେଳପ୍ରେମୀଙ୍କୁ ଆଶ୍ଚର୍ଯ୍ୟ କରିଦେଇଛି। ଏଥିସହିତ ତାଙ୍କ ନାମରେ ସର୍ବକାଳୀନ ଗ୍ରାଣ୍ଡ୍‌ସ୍ଲାମ ବିଜେତା ଆଖ୍ୟା ମିଳିଛି। ଉଲ୍ଲେଖଯୋଗ୍ୟ ଯେ, ସର୍ବିୟାର ନୋଭାକ୍‌ ଜୋକୋଭିଚ୍‌ ଓ ସୁଇଜରଲାଣ୍ଡ୍‌ ଟେନିସ୍‌ ଖେଳାଳି ରୋଜର ଫେଡରର୍‌ ୨୦ଟି ଲେଖାଏ ଗ୍ରାଣ୍ଡ୍‌ସ୍ଲାମ୍‌ ଜିତିଛନ୍ତି। ତେବେ ନାଡାଲଙ୍କ ଏହି ସର୍ବକାଳୀନ ରେକର୍ଡ ସ୍ଥାପନ ପଛରେ ଅଷ୍ଟ୍ରେଲିଆନ୍‌ ଓପନ୍‌ ଖେଳିବାରୁ ବାଦ୍‌ ପଡ଼ିଥିବା ଜୋକୋଭିଚ୍‌ଙ୍କ ବିଷୟ ଆଲୋଚନା ପରିସରକୁ ଆସିଛି। ୨୦୨୧ ଅଷ୍ଟ୍ରେଲିଆନ୍‌ ଓପନ୍‌ ଜିତିଥିବା ଜୋକୋଭିଚ୍‌ଙ୍କୁ ଚଳିତ ସିଜନ୍‌ରେ ଖେଳିବାକୁ ଅନୁମତି ମିଳିଥିଲେ ଫଳାଫଳ ହୁଏତ ଅନ୍ୟ କିଛି ହୋଇଥାଆନ୍ତା। ଏଠାରେ ମନେ ପକାଇଦିଆଯାଇପାରେ ଯେ, ଜୋକୋଭିଚ୍‌ କୋଭିଡ୍‌ ଟିକା ନେଇ ନ ଥିବାରୁ ଅଷ୍ଟ୍ରେଲିଆ ସରକାର ତାଙ୍କୁ ଖେଳିବାକୁ ଅନୁମତି ଦେଇ ନ ଥିଲେ। କେବଳ ସେତିକି ନୁହେଁ, ତାଙ୍କ ବିରୋଧରେ କୋର୍ଟରେ ମାମଲା ମଧ୍ୟ ରୁଜୁ ହୋଇଥିଲା। ଏହା ବିଶ୍ୱବ୍ୟାପୀ ଆଲୋଚନାର ବିଷୟ ପାଲଟିଥିଲା। ଶେଷରେ ଜୋକୋଭିଚ୍‌ ବିଫଳ ମନୋରଥ ନେଇ ସ୍ବଦେଶ ପ୍ରତ୍ୟାବର୍ତ୍ତନ କରିଥିଲେ। ଆମେ ଏହି ସ୍ତମ୍ଭରେ ଜାନୁୟାରୀ ୧୦ରେ ‘ଜୋକୋଭିଚ୍‌ ବନାମ ଅଷ୍ଟ୍ରେଲିଆ’ ଶୀର୍ଷକରେ ଲେଖା ପ୍ରକାଶ କରିଥିଲୁ। ସେଥିରେ ଉଲ୍ଲେଖ କରିଥିଲୁ ଯେ, କିଛି ଦଶନ୍ଧି ମଧ୍ୟରେ ବିଶ୍ୱସ୍ତରୀୟ ଟେନିସ୍‌ ଖେଳାଳିଙ୍କ ମଧ୍ୟରୁ ଜୋକୋଭିଚ୍‌ ଅନ୍ୟତମ। ତେଣୁ ଅଷ୍ଟ୍ରେଲିଆନ୍‌ ଟେନିସ୍‌ ଟୁର୍ନାମେଣ୍ଟରେ ମଧ୍ୟ ଜୋକୋଭିଚ୍‌ଙ୍କ ଜିତିବାର ଅଧିକ ସମ୍ଭାବନା ରହିଥିଲା। କିନ୍ତୁ ସ୍ଥିତି ଆମ୍ବିଳିଆ କରିଦିଆଯିବା ପଛରେ ବିରାଟ ମସୁଧା କରାଯାଇଥାଇପାରେ। ଉଲ୍ଲେଖଯୋଗ୍ୟ ଯେ, ଯଦି ଜୋକୋଭିଚ୍‌ଙ୍କୁ ଅଷ୍ଟ୍ରେଲିଆନ୍‌ ଓପନ୍‌ ଖେଳିବାର ସୁଯୋଗ ଦିଆଯାଇଥାଆନ୍ତା ଓ ସେ ଜିତିଥାଆନ୍ତେ, ତାହା ହେଲେ ନାଡାଲଙ୍କ ସ୍ଥାନରେ ତାଙ୍କ ନାମ ୨୧ତମ ଗ୍ରାଣ୍ଡ୍‌ସ୍ଲାମ୍‌ ବିଜେତା ଭାବେ ତାଲିକାରେ ଶୋଭା ପାଇଥାଆନ୍ତା।
ଏବେ ନାଡାଲଙ୍କ କ୍ରୀଡ଼ାନୈପୁଣ୍ୟକୁ ଦେଖିଲେ ସେ ଜଣେ ମହାନ୍‌ ଖେଳାଳିର ସବୁ ଗୁଣ ଧାରଣ କରିଥିବା ବୁଝାପଡ଼ିଯାଉଛି। ୨୦୨୧ ଅଷ୍ଟ୍ରେଲିଆନ୍‌ ଓପନ୍‌ର କ୍ୱାର୍ଟର ଫାଇନାଲରେ ଆଘାତପ୍ରାପ୍ତ ହେବା ପରେ ସେବେଠାରୁ ନାଡାଲଙ୍କୁ କୌଣସି ଟେନିସ୍‌ କୋର୍ଟରେ ଦେଖିବାକୁ ମିଳି ନ ଥିଲା। ଶାରୀରିକ ଭାବେ ସୁସ୍ଥ ହେବା ପରେ ୨୦୨୨ ଅଷ୍ଟ୍ରେଲିଆନ୍‌ ଓପନ୍‌ ଟାଇଟଲ୍‌ ଜିଣିବା ତାଙ୍କ ଦୃଢ଼ ମନୋବଳର ପରିଚୟ ଦେଉଛି। ୩୫ ବର୍ଷୀୟ ନାଡାଲଙ୍କ ପ୍ରଦର୍ଶନ ଜଣାଇଦେଇଛି ଯେ, କ୍ରୀଡ଼ା କ୍ଷେତ୍ରରେ ବୟସ ବାଧକ ନୁହେଁ। ନାଡାଲଙ୍କ ଅଧ୍ୟବସାୟ ଯୁବ ଖେଳାଳିଙ୍କ ପାଇଁ ପ୍ରେରଣାର ଦୀପଶିଖା ପାଲଟିଯାଇଛି। କେବଳ କ୍ରୀଡ଼ା ନୁହେଁ, କୌଣସି କାର୍ଯ୍ୟ ଲାଗି ନିରନ୍ତର ପ୍ରୟାସ ରହିଲେ ସଫଳତା ସୁନିଶ୍ଚିତ ମିଳିଥାଏ ବୋଲି ନାଡାଲ ଯେଉଁ ରାସ୍ତା ଦେଖାଇଦେଲେ ତାହା ପ୍ରତ୍ୟେକ ବ୍ୟକ୍ତି ପ୍ରତିକ୍ଷେତ୍ରରେ ଉପଯୋଗ କରି ସଫଳତା ପାଇପାରିବେ। କଠିନ ପରିଶ୍ରମ ଓ ଠିକ୍‌ କୌଶଳ ଆପଣାଇଲେ ସିଦ୍ଧି ନିଶ୍ଚିତ ଆସିପାରିବ। ଗତବର୍ଷ ଅଷ୍ଟ୍ରେଲିଆନ୍‌ ଓପନ୍‌ରୁ ଆଘାତପ୍ରାପ୍ତ ହୋଇଥିଲେ ମଧ୍ୟ ନାଡାଲ ଖେଳରୁ ମାନସିକ ସ୍ତରରେ ବିଚ୍ୟୁତ ହୋଇ ନ ଥିଲେ। ଏଥିରୁ ବୁଝିବା ଦରକାର ଯେ, ଜୀବନପଥରେ ବାଧାବିଘ୍ନ ଆସିଲେ ତାହାର ମୁକାବିଲା ଲାଗି ନିଜକୁ ଦୃଢ଼ କରିପାରିଲେ ଜଣେ ଲକ୍ଷ୍ୟସ୍ଥଳରେ ପହଞ୍ଚତ୍ପାରିବେ। ରାଜନୀତି, ବ୍ୟବସାୟ, ଶିକ୍ଷା, ଗବେଷଣା ଓ ସର୍ଜନାତ୍ମକ କାର୍ଯ୍ୟ ଆଦିରେ ଯେଉଁମାନେ ଶୀର୍ଷ ସ୍ତରରେ ପହଞ୍ଚତ୍ଛନ୍ତି ସେମାନଙ୍କୁ କଠିନ ପର୍ଯ୍ୟାୟ ଦେଇ ଗତି କରିବାକୁ ପଡ଼ିଛି। ପାଶ୍ଚାତ୍ୟରେ ଏହାର ବହୁ ଦୃଷ୍ଟାନ୍ତ ରହିଛି। ସେହି ତୁଳନାରେ ଭାରତରେ ଲୋକମାନେ ଅଳ୍ପରେ ସନ୍ତୁଷ୍ଟ ହୋଇଯାଉଥିବାରୁ ଏଠାରେ ବିଶ୍ୱସ୍ତରୀୟ ସେଭଳି ସଫଳ ବ୍ୟକ୍ତି ସୃଷ୍ଟି ହୋଇପାରୁ ନାହାନ୍ତି। ନିଜ କାର୍ଯ୍ୟରେ ଉତ୍କର୍ଷ ଲଭିବା ଲାଗି ତାହାକୁ ଚ୍ୟାଲେଞ୍ଜ ଭାବେ ନେଇପାରିଲେ ପ୍ରକ୍ରିୟା ସୁଗମ ହୋଇଥାଏ। ନାଡାଲ ଆଘାତ ହେବା ପରେ ଯଦି ଭାବିଥାଆନ୍ତେ ୨୦ ଗ୍ରାଣ୍ଡ୍‌ସ୍ଲାମ୍‌ ଜିତିସାରିଛି ଓ ତେଣୁ ଅଧିକ ସମୟ ବିଶ୍ରାମ ନେଲେ ଚଳିବ, ତାହା ହେଲେ ସେ ଆଜି ବିଶ୍ୱରେକର୍ଡ କରିବାରେ ସକ୍ଷମ ହୋଇ ନ ଥାଆନ୍ତେ।


Enter your email to get our daily news in your inbox.

All Right Reserved By Dharitri.Com

ଏଇ ଭାରତରେ

ମଣିଷଙ୍କ ସେବା ପାଇଁ ସବୁଠି ବିଭିନ୍ନ ଏନ୍‌ଜିଓ ତଥା ବ୍ୟକ୍ତିବିଶେଷ ସମୟ ଦେଉଥିବାବେଳେ ପ୍ରାଣୀଙ୍କ କ୍ଷେତ୍ରରେ ଏହା କମ୍‌ ଦେଖିବାକୁ ମିଳେ। ତେବେ ପ୍ରାଣୀ ସେବାରେ...

ଆଶାର ଅଗ୍ରଦୂତ

ସମଗ୍ର ଦେଶରେ ଏବେ ପୂଜା ଖେଡ୍‌କରଙ୍କ ନାମକୁ ନେଇ ଚର୍ଚ୍ଚା। ବିଶେଷକରି କେନ୍ଦ୍ର ଲୋକ ସେବା ଆୟୋଗ(ୟୁପିଏସ୍‌ସି) ସହ ପ୍ରତ୍ୟକ୍ଷ ଓ ପରୋକ୍ଷ ଭାବେ ସଂଶ୍ଳିଷ୍ଟ...

କାଠଗଡ଼ାରେ ସଂଶୋଧିତ ବିଶ୍ୱବିଦ୍ୟାଳୟ ଆଇନ

ସତ୍ୟକାମ ମିଶ୍ର   ଓଡ଼ିଶା ସରକାରଙ୍କର ଉଚ୍ଚଶିକ୍ଷା ବିଭାଗ ୨୦୨୦ ମସିହାରେ ଓଡ଼ିଶାର ବିଶ୍ୱବିଦ୍ୟାଳୟ ପରିଚାଳନା କ୍ଷେତ୍ରରେ ଏକ ସଂସ୍କାର ଆଣିଥିଲେ। ରାଜ୍ୟ ବିଶ୍ୱବିଦ୍ୟାଳୟଗୁଡ଼ିକର ପ୍ରଶାସନ...

ବିଚାରଧାରାର ଦଳ

ଏକ ନିର୍ଦ୍ଦିଷ୍ଟ ବିଚାରଧାରାକୁ ନେଇ ଗଠିତ ଦଳଗୁଡ଼ିକର ଦୁର୍ବଳ ନେତାମାନେ ସେମାନଙ୍କ ଅପେକ୍ଷା ଅଧିକ କଠୋର ହେବାକୁ ଚାହୁଁଥିବା ବ୍ୟକ୍ତିଙ୍କ ଯୋଗୁ ସର୍ବଦା ଅସୁରକ୍ଷିତ ରହିଥାନ୍ତି।...

ଏଇ ଭାରତରେ

କୋର୍ଟରେ ଅନେକ ମାମଲା ପଡ଼ିରହୁଛି ଓ ସମାଧାନ ବିଳମ୍ବ ହେଉଛି। ଏଭଳି ସ୍ଥିତିରେ ବେଙ୍ଗାଲୁରର ଏକ ଲିଗାଲ ଷ୍ଟାର୍ଟଅପ ‘ସମ’ ନୂତନ ଅଭିମୁଖ୍ୟ ଆପଣାଇ ମାମଲାଗୁଡ଼ିକର...

ଆମ ସଂସ୍କାର, ଆମ ହାତରେ

ଦୈନନ୍ଦିନ ଜୀବନରେ ଆମେ କରୁଥିବା କିଛି କାର୍ଯ୍ୟ ପଛରେ ନିର୍ଦ୍ଦିଷ୍ଟ ଉଦ୍ଦେଶ୍ୟ ଓ ମହତ୍ତ୍ୱ ରହିଥାଏ, ଯଦି ଓ ଆମେ ସେ ବିଷୟରେ ଅଜ୍ଞ ବା...

ବିକାଶର ସମ୍ଭାବ୍ୟ ପଦକ୍ଷେପ

ଓଡ଼ିଶା ୧୫.୫ ନିୟୁତ ହେକ୍ଟର କ୍ଷେତ୍ରଫଳ ସହ ଦେଶର ଅଷ୍ଟମ ବୃହତ୍ତମ ରାଜ୍ୟ। ଭାରତରେ ବାର୍ଷିକ ହାରାହାରି ୧୨୦୦ ମି.ମି. ବୃଷ୍ଟିପାତ ହେଉଥିବା ବେଳେ ଓଡ଼ିଶାରେ...

ନାଇଡୁଙ୍କ ନୂଆ ବ୍ୟବସ୍ଥା

ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ ଏନ୍‌.ଚନ୍ଦ୍ରବାବୁ ନାଇଡୁ ପଦବୀରେ ଦୃଢ଼ ରହିଛନ୍ତି। ପ୍ରଶାସନରୁ ଆରମ୍ଭକରି ସବୁ କ୍ଷେତ୍ରରେ ପରିବର୍ତ୍ତନ ହେବାକୁ ଯାଉଛି ବୋଲି ରାଜ୍ୟ ସରକାର ଏକ ବାର୍ତ୍ତା...

Advertisement
Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri