ନୂଆଦିଲ୍ଲୀ,୩୦ା୩ : ସୁପ୍ରିମକୋର୍ଟ ଜମାକାରୀଙ୍କ ଅର୍ଥ ଫେରସ୍ତ ପାଇଁ ସେଣ୍ଟ୍ରାଲ ରେଜିଷ୍ଟ୍ରାର ଅଫ୍ କୋ-ଅପରେଟିଭ୍ ସୋସାଇଟିଜ ଆକାଉଣ୍ଟକୁ ୫,୦୦୦ କୋଟି ଟଙ୍କା ସ୍ଥାନାନ୍ତର କରିବା ଲାଗି ବୁଧବାର ସାହାରା ଗ୍ରୁପ୍କୁ ନିର୍ଦ୍ଦେଶ ଦେଇଛନ୍ତି। ଜଷ୍ଟିସ୍ ଏମ୍.ଆର. ଶାହା ଏବଂ ସି.ଟି. ରବିକୁମାରଙ୍କୁ ନେଇ ଗଠିତ ଖଣ୍ଡପୀଠ କହିଛନ୍ତି, ମୋଟ ୨୪,୦୭୯.୬୭ କୋଟି ଟଙ୍କା ସାହାରା-ସେବି ରିଫଣ୍ଡ ଆକାଉଣ୍ଟରେ ପଡ଼ିଛି।
ସେଥିରୁ ୫,୦୦୦ କୋଟି ଟଙ୍କା ଟ୍ରାନ୍ସଫର କରାଗଲେ ସୋସାଇଟିଜ୍ ଅତ୍ୟନ୍ତ ସ୍ବଚ୍ଛତା ଅବଲମ୍ବନ କରି ୯ ମାସ ମଧ୍ୟରେ ପ୍ରକୃତ ଜମାକାରୀମାନଙ୍କୁ ଫେରାଇବ। ଆବେଦନକାରୀ ପିନାକ ପାଣି ମହାନ୍ତିଙ୍କ ରିଟ୍ ପିଟିଶନର ଶୁଣାଣି କରି ଖଣ୍ଡପୀଠ ଏହି ନିର୍ଦ୍ଦେଶ ଦେଇଛନ୍ତି। ସାହାରା ଗ୍ରୁପ୍ର ବିଭିନ୍ନ ସ୍କିମ୍ରେ ଓଡ଼ିଶାର ୨ ଲକ୍ଷ ନିରୀହ ଲୋକ ଟଙ୍କା ଜମା କରିଥିବା ପିନାକ ନିଜ ଆବେଦନରେ ଉଲ୍ଲେଖ କରିଛନ୍ତି।
