ରାଉରକେଲା,୨୬।୧୨ : ରାଉରକେଲା–କୋଲକାତା ମଧ୍ୟରେ ଆଜିଠାରୁ ସିଧାସଳଖ ବିମାନ ଚଳାଚଳ ଆରମ୍ଭ ହୋଇଛି । ସପ୍ତାହର ମଙ୍ଗଳବାର, ଗୁରୁବାର ଏବଂ ଶନିବାର ଏହି ତିନିଦିନ ରାଉରକେଲା ଓ କୋଲକାତା ମଧ୍ୟରେ
ଏ.ଟି.ଆର୍-୭୨ ବିମାନ ଚଳାଚଳ କରିବ । ବିମାନ ପୂର୍ବାହ୍ନ ୧୧ଟାରେ କୋଲକାତା ବିମାନ ବନ୍ଦରରୁ ବାହାରି ରାଉରକେଲାରେ ଦିନ ସାଢ଼େ ୧୨ଟାରେ ପହଞ୍ଚିବ।
ସେହିପରି ଅପରାହ୍ନ ୩ଟା ୫୦ରେ ରାଉରକେଲାରୁ ବିମାନ ଉଡ଼ାଣ କରି କୋଲକାତାରେ ସନ୍ଧ୍ୟା ୫ଟା ୨୦ରେ ପହଞ୍ଚିବ। ସପ୍ତାହର ଅନ୍ୟ ଚାରି ଦିନ ସୋମବାର, ବୁଧବାର, ଶୁକ୍ରବାର ଓ ରବିବାର ରାଉରକେଲାରୁ କୋଲକାତାକୁ ଭୁବନେଶ୍ୱର ଦେଇ ବିମାନ ଉଡ଼ାଣ ହେବ ବୋଲି କୁହାଯାଇଛି । ଆଗାମୀ ନୂଆବର୍ଷରୁ ମାଲକାନଗିରିରେ ବିମାନ ଉଡ଼ାଣ କରିବ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମାଳକାନଗିରି ବିମାନ ବନ୍ଦରରୁ ଏହି ବିମାନ ଉଡ଼ାଣ ଉଦ୍ଘାଟନ କରିବେ ।
