ନୂଆଦିଲ୍ଲୀ,୧୬।୮: ଭାରତୀୟ କ୍ରିକେଟ ଟିମ୍ର ଅନ୍ୟତମ ଶ୍ରେଷ୍ଠ ଅଧିନାୟକ ମହେନ୍ଦ୍ର ସିଂ ଧୋନୀ ସନ୍ୟାସ ଘୋଷଣା କରିଛନ୍ତି। ନିଜର ବଳିଷ୍ଠ ନିର୍ଣ୍ଣୟ ଏବଂ ଶାନ୍ତ ସ୍ବଭାବକୁ ନେଇ ପରିଚିତ ମାହି ଶନିବାର ସୋସିଆଲ ମିଡିଆରେ ଏକ ପୋଷ୍ଟ କରି ଶାନ୍ତିପୂର୍ଣ୍ଣ ଭାବେ ଏହି ସୂଚନା ଦେଇଛନ୍ତି। ଗୋଟିଏ ପେଟ ୧୫ ଅଗଷ୍ଟରେ ଦେଶ ୭୪ତମ ସ୍ବାଧୀନତା ଦିବସ ପାଳନ କରୁଥିବା ବେଳେ, କ୍ରିକେଟର ଗୋଟି, ଯୁଗର ଅବସାନ ଘଟିଲା ବୋଲି କୁହାଯାଉଛି।
ଆଧିକାରିକ ଇନ୍ଷ୍ଟା ଆକାଉଣ୍ଟରେ ଏକ ଭିଡିଓ ପୋଷ୍ଟ କରି ସବୁବେଳେ ଆପଣଙ୍କ ଭଲପାଇବା ଏବଂ ସ୍ନେହ ପାଇଁ ଧନ୍ୟବାଦ। ୧୯୨୯ ଘଣ୍ଟାଠାରୁ ମୋତେ ସେବାନିବୃତ ଭାବିବେ ବୋଲି କହିଥିଲେ। ଏହା ଅନେକଙ୍କୁ ଚମକାଇଦେଇଥିଲା। ଏପରିକି ଭାରତୀୟ ସମୟରେ ସନ୍ଧ୍ୟା ୭ଟା ୨୯ରେ ସନ୍ୟାସ ନେବା ପଛରେ କି କାରଣ ରହିଛି ସେ ନେଇ ଚିନ୍ତାରେ ପଡ଼ିଥିଲେ। ଏବେ ଏହା ପଛରେ ଥିବା କାରଣ ଜଣାପଡ଼ିଛି।
ଭାରତୀୟ ଟିମ୍ ଗତ ବର୍ଷ ଜୁଲାଇ ୯ରେ ବିଶ୍ୱକପ୍ କ୍ରିକେଟରୁ ଏହି ସମୟରେ ବାହାର ହୋଇଯାଇଥିଲା। ଧୋନୀ ଶେଷଥର ପାଇଁ ମଇଦାନରୁ ବ୍ୟାଟିଂ କରି ଫେରିଥିଲେ। ମାର୍ଟିନ୍ ଗଷ୍ଟିଲ ତାଙ୍କୁ ରନ୍ଆଉଟ୍ କରି ଭାରତୀୟ ପ୍ରଶଂସକଙ୍କ ଆଖି ଓଦା କରିଦେଇଥିଲେ। ଏହାପରେ ଭାରତୀୟ ଟିମ୍ ହାରିଯିବା ଏକରକମ ସୁନିଶ୍ଚିତ ହୋଇଥିଲା। ଏହାପରେ ଯୁଜବେନ୍ଦ୍ର ଚହଲଙ୍କ ଓ୍ବିକେଟ ଯିବା ପରେ ସନ୍ଧ୍ୟା ୭ଟା ୨୯ମିନିଟ୍ରେ ବିଶ୍ୱକପ୍ରୁ ଭାରତ ବାହାର ହୋଇଥିଲା। ଚହଲ ଫେରିବାର ଠିକ୍ ପରେ ନ୍ୟୁଜିଲାଣ୍ଡର ପୂର୍ବ ଅଲରାଉଣ୍ଡର ଗ୍ରାଟ୍ ଏଲିୟଟ୍ ଟୁଇଟ୍ କରିଥିଲେ।
ଅପରପକ୍ଷେ ଧୋନୀଙ୍କ ପୋଷ୍ଟ ରହସ୍ୟମୟ ବୋଲି ଚର୍ଚ୍ଚା ହେଉଛି। ୧୯୨୯ ଘଣ୍ଟାର ଅର୍ଥ ୮୦ ଦିନ। ଏବର୍ଷ ଆଇପିଏଲ୍ ୫୩ ଦିନ ବିଶିଷ୍ଟ ରହିବ। ଅଗଷ୍ଟ ୧୫ରୁ ତାଙ୍କର ଟ୍ରେନିଂ ଆରମ୍ଭ ହେବ। ୧୯ ସେପ୍ଟେମ୍ବରରୁ ଆଇପିଏଲ୍ ଆରମ୍ଭ ହେବ। ଧୋନୀଙ୍କ ପୋଷ୍ଟକୁ ଦେଖିଲେ ୮୦ଦିନ ପରେ ତାଙ୍କୁ ପୂର୍ବ ଖେଳାଳି ଭାବେ ସମ୍ବୋଧନ କରାଯିବ। ଏଣୁ ଚଳିତ ଆଇପିଏଲ୍ ତାଙ୍କର ଶେଷ ଆଇପିଏଲ୍ ବୋଲି ଅନୁମାନ କରାଯାଉଛି।
